မွန်ပြည်နယ်၊ ဘီးလင်းမြို့နယ်၊ ရန်ကုန်-မော်လမြိုင် ကားလမ်းပေါ်မှာရှိတဲ့ ကျုံအိတ်တံတားကို KNLA ပူးပေါင်းအဖွဲ့ကပြီးခဲ့တဲ့ရက်ကမိုင်းခွဲဖျက်စီးခဲ့တယ်။ထိုကျုံအိတ်တံတားမှာ ရန်ကုန်-မော်လမြိုင်-မြဝတီ၊ ရန်ကုန်-မော်လမြိုင်-ထားဝယ် စသည့် ကုန်သွယ်ရေးအရအရေးပါတဲ့လမ်းပေါ်တွင်ရှိနေပြီး စစ်ကောင်စီ၏ထောက်ပို့လမ်းကြောင်းကို ဖြတ်တောက်လိုသည့် ရည်ရွယ်ချက်ဖြင့် ဖျက်ဆီး ခဲ့ခြင်းဖြစ်တယ်။
ကျုံအိတ်တံတားမိုင်းခွဲဖျက်ဆီးခံရပြီးနောက် လာရောက် စစ်ဆေးသည့် စစ်ကောင်စီလက်အောက်ခံ သထုံခရိုင်မှူး၊သထုံမြို့နယ်အုပ်ချုပ်ရေးမှူး၊သထုံခရိုင်ရဲမှူး၊သထုံခရိုင်လမ်းဦးစီးမှူးနှင့်မီးသတ်တပ်ဖွဲ့ဝင်များအပါဝင် စစ်ကောင်စီတပ်ဖွဲ့များကိုKNLAပူးပေါင်းအဖွဲ့ကဒရုန်းဖြင့်ထပ်မံတိုက်ခိုက်ခဲ့ရာ ခြောက် ဦးသေဆုံးပြီး ၂၆ ဦးဝန်းကျင်ဒဏ်ရာရရှိသွားတယ်။တိုက်ခိုက်ခံရမှုကြောင့် သေဆုံးခဲ့သူ ခြောက် ဦးမှာ ခရိုင်လမ်းဦးစီးမှူး၊ အထွေထွေအုပ်ချုပ်ရေး ဦးစီးဌာန မှဝန်ထမ်း နှစ်ဦး၊ တံတားဦးရပ်ကျေးအုပ်ချုပ် ရေးမှူးတစ်ဦး၊ စစ်ကောင်စီတပ်ကြပ်ကြီးတစ်ဦးနှင့်ရဲတပ်သားတစ်ဦးတို့ဖြစ်ကြောင်းသိရတယ်။ထိုနေရာတွေဟာအရင်တုန်းကအေးအေးချမ်းချမ်းသွားလာလို့ရတဲ့နေရာတွေပါ။စစ်ကောင်စီအဖွဲ့တွေကလက်ရှိနယ်မြေအခြေအနေကိုသတိမမူမိပဲလုံခြုံရေးပေါ့လျော့ခဲ့လို့အခုလိုခံလိုက်ရတာပဲ။အခုလောလောဆယ်တော့တံတားတခြမ်းကျိုးကျသွားတခြမ်းသာသွားလာလို့ရတော့တယ်။
စစ်ဟာမြန်မာပြည်အောက်ပိုင်းကအဓိကအဝေးပြေးလမ်းမကြီးပေါ်ကိုရောက်ရှိလို့လာပါပြီ။
