ထိုင်းနိုင်ငံရွေးကောက်ပွဲအနိုင်ရပါတီခေါင်းဆောင်ကသူတို့အစိုးရဖွဲ့ပြီးရင်မြန်မာ့အရေးကိုအထူးအာရုံစိုက်မယ်လို့ပြောသွားတယ်။လူသားချင်းစာနာမှုအကူအညီပေးရေးပလက်ဖောင်းတစ်ခုဖော်ဆောင်မှာဖြစ်ပြီးအမေရိကန်ရဲ့Burma Acts ကိုအကောင်အထည်ဖော်ဖို့USအစိုးရနဲ့ပူးပေါင်းလုပ်ဆောင်မယ်။မြန်မာ့အရေးမှာသက်ဆိုင်သူအားလုံးနဲ့တွေ့ဆုံမယ်စသဖြင့်ပြောသွားတယ်။ဒီအတိုင်းဆိုရင်အခုလက်ရှိစစ်ကောင်စီကိုပံ့ပိုးနေတဲ့ဗိုလ်ချုပ်ကြီးဟောင်းပရာရွတ်ဦးဆောင်တဲ့အစိုးရနဲ့အတော်ကွာခြားသွားလိမ့်မယ်။လက်ရှိအနေအထားမှာထိုင်းအစိုးရအဖွဲ့အသစ်ကိုဒီမိုကရေစီအင်အားစုတွေညွန့်ပေါင်းပုံစံနဲ့ဖွဲ့နိုင်ဖို့များတယ်။သူတို့တွေအစိုးရတကယ်ဖြစ်လာရင်တော့မြန်မာပြည်အရေးအတွက်ကြီးစွာသောအထောက်အပံဖြစ်မှာသေချာတယ်။တစ်ခုပဲစိုးရိမ်စရာရှိတာကိုထိုင်းစစ်တပ်အနေနဲ့မြန်မာပြည်လိုအာဏာပြန်မသိမ်းပါစေနဲ့လို့တော့ဆုတောင်းမိတယ်။
စက်တင်ဘာ ၀၈၊ ၂၀၂၃။ (သောကြာ)
NUGကခုခံတော်လှန်စစ်နှစ်နှစ်ပြည့်အစီရင်ခံစာတစ်ခုကိုထုတ်ပြန်လိုက်တယ်။ထိုအစီရင်ခံစာထဲမှာတော့NUGကတပ်ရင်း၃၀၀ကျော်ဖွဲ့စည်းထားပြီးပြီဖြစ်ကြောင်း၊ဒီနှစ်နှစ်အတွင်းမှာစစ်ကောင်စီတပ်တွေနဲ့တိုက်ပွဲပေါင်း၉၉၀၀ကျော်ဖြစ်ပွားခဲ့ပြီးရန်သူအင်အားသုံးသောင်းကျော်ခြေမှုန်းထားနိုင်ကြောင်း၊ထွက်ပြေးသူလက်နက်ချသူတစ်သောင်းကျော်ရှိကြောင်း၊ဒါ့ကြောင့်ရန်သူစုစုပေါင်းအင်အားရဲ့၁၅ရာခိုင်နှုန်းခန့်ပြုန်းတီးသွားပြီဖြစ်ကြောင်းတင်ပြထားတယ်။ ပထမနှစ်နဲ့ဒုတိယနှစ်ကိုနှိုင်းယှဉ်ပြီးပထမနှစ်ကိုမဟာဗျူဟာခံစစ်ကာလ၊ဒုတိယနှစ်ကိုထိုးစစ်အကြိုကာလအဖြစ်သတ်မှတ်ထားတယ်။ဒုတိယနှစ်အတွင်းစခန်းသိမ်းတိုက်ပွဲ၃ဆကျော်တိုးမြှင့်ဆင်နွှဲနိုင်ခဲ့ကြောင်းယခုအချိန်မှာမဟာဗျူဟာမြောက်ထိုးစစ်အတွက်ပြင်ဆင်မှုတွေလုပ်နေကြောင်းလဲတင်ပြထားတယ်။
