စကစတပ်ရဲ့စစ်အင်အားအနေအထားဘယ်လိုရှိ့လဲ၊စစ်အင်္ဂါရပ်ဘယ်လိုရှိ့လဲဆိုတာ အချက်အလက်ရှားပါးလို့ မပြောတတ်ပါဘူး။ယေဘူယျအားဖြင့် ရရှိ့တဲ့အချက်အလက်တွေအရ တပ်ရင်းပေါင်း ၅၀၀ နီးပါး၊စစ်အင်အား ၃ သိန်းနဲ့ ၅သိန်းကြားလို့ပဲခန့်မှန်းကြပါတယ်။ပြောင်းလဲလာတဲ့ စစ်လက်နက်ပစ္စည်းအခြေအနေအရ ခြေလျင်တပ်ရင်းတစ်ခုရဲ့စစ်ထွက်အင်အားကို ၁၂၅ ဦးလို့သက်မှက်ထားတာတော့ဖတ်ဖူးပါတယ်။
ခြေလျင်မဟုတ်တဲ့စစ်လက်ရုံးတပ်တွေရဲ့အင်အားကတော့တပ်ဆင်ထားတဲ့စစ်လက်နက်၊ယန္တယားပစ္စည်းတွေပေါ်မှုတည်မယ်ထင်ပါတယ်။ဥပမာ ရေငုတ်သင်္ဘောတစ်စင်းမှာ ရေအောက်ငုတ်ချိန် တာဝန်ချိန် ၃လအတွက်အင်အား၁၅၀ရှိ့တယ်ဆိုအလှည့်ကျတာဝန်ထမ်းနိုင်ဖို့နောက်ထပ်၁၅၀နှစ်သုတ်စာလိုတယ်လို့မှတ်ဖူးပါတယ်။တင့်ကားတစ်စီးမှာအဖွဲ့သား၆ယောက်ပါတယ်ဆိုတင့်ကား၃၀လောက်ပါမယ့်တင့်ကားတပ်ခွဲကြီးတစ်ခုဆို မောင်းနှင်အဖွဲ့သား ၁၈၀ လောက်ရှိ့မယ့်သဘောတွက်မိပါတယ်။
ဒီလိုယန္တယားတပ်တွေ၊မဟာဗျူဟာမြောက်လက်နက်ကြီးတပ်တွေ၊မြေပြင်နဲ့ထိမ်းသိမ်းရေးတပ်တွေ စသဖြင့် အင်အားတွေကတော့ရုပ်ဝတ္ထုတွေအပေါ်မှုတည်မယ်ထင်ပါတယ်။ကိုရီးယားကဝယ်တဲ့ ဘက်စုံသုံးသင်္ဘော ကြီးဆိုရင် ရေယာဉ်ဝန်ထမ်း၆၀၀၊ကမ်းတက် ၃၀၀၀နဲ့ယဉ်ယန္တရားများသယ်ဆောင်နိုင်မှု့ကိုကြည့်ရင် ဝန်ထမ်းအင်အားကို ရုပ်ဝတ္ထုသုံးစွဲမှု့အပေါ်မှုတည်ပြီးတွက်ချက်ကြည့်ရမယ့်သဘောလို့မြင်မိပါတယ်။
ဒီလိုအင်အားတွေဘယ်လိုဖြန့်ကျက်ထားသလဲဆိုတာတော့ အရပ်သားအနေနဲ့ခန့်မှန်းရခက်လှပါတယ်။
စစ်ရေးသိပ္ပံကျွမ်းကျင်သူများက မဟာဗျူဟာမြောက်လက်နက်ကြီးများ၊ယန္တယားများရဲ့စွမ်းဆောင်နိုင်ရည်နဲ့ ဖြန့်ကျက်ချထားနိုင်မယ့် ပထဝီဝင်မြေပုံနဲ့ ခန့်မှန်းတွက်ချက်လို့ရနိုင်မယ်ထင်ပါတယ်။
ယနေ့မြန်မာပြည်သူတို့ရဲ့တော်လှန်ရေးမှာအဓိကရင်ဆိုင်တိုက်ပွဲဝင်နေရတာကစကစရဲ့ခြေလျင်၊ခြေမြန်တပ်တွေ(လိုက်ဖ်အင်ဖင်ထရီ)တွေဖြစ်မယ်လို့ယူဆပါတယ်။အပေါ့စားခြေလျင်တပ်စုစုပေါင်းဘယ်လောက်ရှိ့တယ်မသိပါဘူး။EAO,PDF,LPDF တွေနဲ့အဓိကရင်ဆိုင်နေရတာတော့ အပေါ့စားခြေလျင်တပ်တွေဖြစ်ကြပါတယ်။
ဒီလိုမပြည့်မစုံအချက်အလက်တွေအပေါ်ကပဲ စစ်အင်္ဂါစဉ်ခင်းကျင်းမှု့ကို ခန့်မှန်းကြည့်ပါတယ်။
မြန်မာပြည်ရဲ့မြေပုံပေါ်မှာပဲ လက်ဝဲသုန္ဒရ ပြု့စု့တဲ့ သေနင်္ဂဗျူဟာစစ်သမိုင်းနဲ့ဗျူဟစက္ကိပျို့ပါ
စစ်အင်္ဂါခင်းကျင်းပုံ ၇ ပါးဖြန့်ခင်းကြည့်ပါတယ်။
စစ်လျင် စစ်ဖျား၊စစ်ရင်၊စစ်ပခုံးနှစ်ဖက်၊စစ်ဝမ်း၊စစ်နံနှစ်ဖက်၊စစ်ကျောက်ကုန်း၊စစ်ခံ ဆိုတဲ့အင်္ဂါ ၇ ပါးကို မြေပုံပေါ်ဖြန့်ကြည့်ပါတယ်။စစ်ဝမ်းဗိုက်ဟာဘုရင်ထိုင်တဲ့ပင်မတပ်ဖြစ်တဲ့အတွက်အင်အားအများဆုံးဖြစ်သလိုကျန်တဲ့ အင်္ဂါတွေက စစ်ဝမ်းဗိုက်ကိုကာကွယ်ကြရပါတယ်။ဒီလိုတွက်ရင်တော့ နေပြည်တော်ဟာ စစ်ဝမ်းရဲ့ဗဟိုချက်ဖြစ်ပြီး နေပြည်တော် ပတ်ချာလည်ကတော့ စစ်ဝမ်းဧရိယာ ဖြစ်နေမှာဖြစ်ပါတယ်။
မကွေး၊တောင်တွင်းကြီး၊တောင်ကြီးကလော၊ကယား စသဖြင့်ပတ်ချာလည်အဖြစ်ယူဆရပါတယ်။
စကစစစ်ဝမ်းရဲ့တစ်ဖက်တစ်ချက်မှာရှိတဲ့စစ်နံများကတော့ရခိုင်ဒေသနဲ့ရှမ်းကုန်းပြင်မြင့်ဒေသတို့ဖြစ်နိုင်ပါတယ်။စကစရဲ့ စစ်နံ နှစ်ဖက်စလုံး စစ်ပွဲမဖြစ်အောင် စကစ ကညိ့နှိုင်းထိမ်းသိမ်းထားပုံရပါတယ်။
အပေါ်ဆက်တက်ရင်မန္တလေး၊စစ်ကိုင်း၊မုံရွာ ဒေသများဟာ စစ်ရင် (စစ်ရင်ဝ) ဖြစ်နိုင်ပါတယ်။
ယခု မကွေး၊စစ်ကိုင်း၊မန္တလေး စစ်ပွဲများဟာ စကစ ရဲ့ စစ်ရင်ဝဧရိယာများမှာဖြစ်နေတယ်လို့မြင်ပါတယ်။
အပေါ်ဆက်တက်တဲ့ ကချင်ပြည်နယ်၊စစ်ကိုင်းအထက်ပိုင်း ဒေသစစ်ပွဲတွေကတော့ စကစ ရဲ့စစ်လျင်၊စစ်ဖျား ဒေသများဖြစ်မယ်ယူဆပါတယ်။စကစ ရဲ့ စစ်ပခုံးနှစ်ဖက်လိုယူဆရတဲ့ ချင်း၊နာဂ၊ယောဆော ဒေသမှာ နာဂကလွဲရင်နေရာအတော်များများဖြစ်နေပါတယ်။အခြားပခုံးတစ်ဖက်လို့တွက်ရတဲ့ ရှမ်းမြောက်ပိုင်း ဝ၊ကိုးကန့်၊မိုင်းလား၊ပလောင်၊ရှမ်းနှစ်ဖွဲ့စသဖြင့်ဒေသတွေကိုစကစကစစ်မဖြစ်အောင်ထိမ်းထားသေးတာတွေ့ရပါတယ်။ပြည်၊ပဲခူး၊ရန်ကုန်ဧရိယာများကတော့ စကစ စစ်ဝမ်းနောက်ကျောလုံခြုံရေး စစ်ကျောက်ကုန်းဖြစ်နိုင်ပါတယ်။
အောက်ပိုင်းဧရိယာကတော့ စစ်ခံ လို့တွက်ပါတယ်။
စစ်အင်္ဂါ ၇ ပါးကို အခြေအနေအရ အပေါ်အောက်ပြောင်းပြန်ခင်းသည်ဖြစ်စေ၊ပတ်ချာလည်ခင်းသည်ဖြစ်စေ စစ်ဝမ်းဧရိယာကတော့ လတ်တလော နေပြည်တော်(ပျဉ်းမနား)ပဲဆက်ရှိ့နေမယ်လို့ယူဆပါတယ်။
စစ်အင်္ဂါခင်းကျင်းပုံအင်အားအရ စစ်လျင်စစ်ဖျားအင်အားထက် စစ်ရင်ဝက နှစ်ဆပိုခင်းကျင်းပါတယ်။
စစ်ရင်ဝဧရိယာရဲ့ဘေးတိုက်နှစ်ဖက်စစ်ပခုံးတစ်ဖက်စီမှာ စစ်လျင်စစ်ဖျားထက် နှစ်ဆစီခင်းကျင်းပါမယ်။
စစ်ရင်ဝအောက် စစ်ဝမ်း ဟာအဓိကဖြစ်လို့ပင်မထုထည်အဖြစ် စစ်ရင်ထက်များစွာထူထပ်သိပ်သည်းပါမယ်။ မိတ္ထီလာ၊တောင်တွင်းကြီး၊တောင်ကြီးစသဖြင့်တပ်အင်အား၊တပ်ရင်းတပ်ဖွဲ့များစွာဖြန့်ထားတာကိုတွေ့ရပါတယ်။သတင်းတစ်ပုတ်အရ မိတ္ထီလာမှာ တပ်မျိုးစုံ တပ်ရင်း၄၀ ကျော်ထိုင်ထားတယ်ဆိုပါတယ်။
စစ်ဝမ်းဗဟိုချက်နေပြည်တော်လည်းထုပိုထူမယ်ထင်ပါတယ်။
စစ်နံနှစ်ဖက်ဖြစ်တဲ့ ရခိုင်နဲ့ရှမ်းမြောက်ကတော့ မန္တလေး၊စစ်ကိုင်း၊မုံရွာစသဖြင့်စစ်ရင်ဝမှာ ချထားတဲ့အင်အားနဲဆတူချထားမှာဖြစ်ပါတယ်။ကျန်တဲ့စစ်ကျောက်ကုန်း ပြည်၊ပဲခူး၊ရန်ကုန် ဧရိယာများကတော့ စစ်ရင်ဝ၊စစ်နံထက်ပိုများတဲ့အင်အားချထားနိုင်ပါတယ်။အောက်ပိုင်း ဧရာဝတီ၊မွန်၊ကရင် တနင်းသာရီ စသဖြင့် စစ်ခံဧရိယာများကတော့ ရသမျှအကုန်ချထားမှာဖြစ်ပါတယ်။
မဟာဗျူဟာမြောက်လက်နက်ကြီးတပ်များ၊ယန္တယားတပ်များ၊စစ်လက်ရုံးတပ်များကို မတွက်ပဲ ခြေလျင်၊ခြေမြန်တပ်များ ဖြန့်ခင်းနိုင်မှု့ကို အရေအတွက်နဲ့ဖြန့်ချကြည့်တဲ့သဘောဖြစ်ပါတယ်။
စကစအာဏာမသိမ်းခင်အထိတိုက်ပွဲများဟာEAOများနဲ့စစ်လျင်စစ်ဖျား၊စစ်နံနှစ်ဖက်၊စစ်ပခုံးတစ်ဖက်နဲ့စစ်ခံဧရိယာများမှာသာဖြစ်လေ့ရှိတာသာတွေ့ရပါတယ်။
စကစ အာဏာသိမ်းပြီးတဲ့နောက် ပြည်သူ့တော်လှန်ရေးဟာ ယခင်ကမဖြစ်ခဲ့တဲ့ စစ်ရင် နဲ့ စစ်ပခုံးတစ်ဖက်မှာ ဖြစ်လာပါတယ်။ယခင်ကဖြစ်ခဲ့တဲ့ စစ်လျင်စစ်ဖျား၊နဲ့စစ်ပခုံးတစ်ဖက်ဖြစ်တဲ့ရှမ်းမြောက်အဖွဲ့များနဲ့ FPNNC နဲ့ ကချင်တို့မှာ စစ်ရှိန်လျော့သွားတယ်လို့မြင်မိပါတယ်။စစ်ရင်နဲ့စစ်ပခုံးတစ်ဖက်ဟာ စစ်ဝမ်းနဲ့နီးတဲ့အတွက် စကစ ကပြင်းပြင်းထန်ထန်အင်အားသုံးမှာပဲဖြစ်ပါတယ်။စစ်ဝမ်းနဲ့စစ်ကျောကုန်းဒေသများကတော့ လတ်တလောအထိုင်ထုထူနေတဲ့အတွက်လှုပ်ရှားရကြပ်တည်းနေဦးမယ်ယူဆရပါတယ်။စစ်ခံဧရိယာကတော့ ထုတ်နှုတ်လိုရသမျှအင်အားပို့နေဦးမှာပဲဖြစ်ပါတယ်။
ဆွန်ဇုရဲ့စာအုပ်အလိုအရ နယ်စပ်ဒေသများမှာ ယေဘူယျအားဖြင့်စစ်အင်အားရဲ ၂၀ ရာခိုင်နှုန်း အထိုင်ချလေ့ရှိ့တယ်နဲ့တွက်ရင်ကျန်အင်အားများဟာအင်္ဂါစဉ်အလိုက်စစ်ဝမ်းအောက်တစ်ဆလျော့နဲ့သုံးစွဲထားမှာပဲဖြစ်ပါတယ်။
ယခုစစ်ပွဲဟာ စစ်ရင်ဝနဲ့စစ်ပခုံးတစ်ဖက်၊စစ်နံဧရိယာတစ်ဖက်ပဲအဓိကဖြစ်နေလို့ စကစ ဟာ ကျန်တဲ့ ဒေသကတပ်အင်အားတွေပို့ဆောင်သုံးစွဲစေမှာပဲဖြစ်ပါတယ်။စစ်ဝမ်းကို စစ်ရင်ဝနဲ့ပခုံးတစ်ဖက်ထဲကတိုးဝင်ဖို့
ဆိုတာစကစရဲ့စစ်ရင်ဝနဲ့ပခုံးပြိုမှပဲဖြစ်နိုင်မှာဖြစ်ပါတယ်။ယခုအချိန်ထိစစ်ပွဲအနေနဲ့စစ်ဝမ်းနားကိုမကပ်နိုင်သေးသလိုတွေ့ရပါတယ်။
စစ်နံနှစ်ဖက်၊စစ်ပခုံးတစ်ဖက်ဖြစ်တဲ့ဖြစ်တဲ့ ရခိုင်ရှမ်းကုန်းပြင်မြင့်၊ရှမ်းမြောက်များက မလှုပ်တဲ့အတွက် ဟန်ချက်မညီပဲစစ်ရင်ဝနဲ့စစ်ပခုံးတစ်ဖက်ထဲဖိအားပေးခံရပြီးတစ်ဖက်စောင်းနင်းရင်ဆိုင်နေရသလိုမြင်မိပါတယ်။စစ်ခံဧရိယာစစ်ပွဲများကစစ်ဝမ်းကို မခြိမ်းချောက်နိုင်သေးပါဖူး။လတ်တလောအခြေအနေအရ စစ်နံတွေဖြစ်တဲ့ ရခိုင်နဲ့ ရှမ်းကုန်းပြင်မြင့်ကို စစ်လှုပ်ဖို့ မဆွဲဆောင်နိုင်သေးတဲ့အခြေအနေမှာ စစ်ပခုံးတစ်ဖက်က စစ်ထပ်လှုပ်လာရင် စစ်ရင်ဝနဲ့စစ်ပခုံးနှစ်ဖက်၊ဖိ့အားအတော်အသင့်လျော့သွားမယ် ဟန်ချက်ထိမ်းထားနိုင်မယ်မြင်မိပါတယ်။ဟန်ချက်ညီထိမ်းညှိနိုင်မယ့်စစ်ပခုံးတစ်ဖက်ဟာ တရုတ်ဩဇာမကင်းတဲ့ရှမ်းမြောက်FPNCCတွေဖြစ်နေတာလည်းမြန်မာတော်လှန်ရေးရဲ့ပျော့ကွက်တစ်ခုဖြစ်နေပါတယ်။
စကစကလည်းနောက်ထပ်စစ်ပခုံးတစ်ဖက်FPNNC၊စစ်နံတစ်ဖက်AAမလှုပ်အောင်ဗိုလ်ချုပ်ရာပြည့်ကိုစေလွတ်ပြီးညှိနှိုင်းနေတာတွေ့ရပါတယ်။FPNCCနဲ့AAမလှုပ်သ၍ စစ်ရင်ဝ အညာနဲ့ စစ်ပခုံးချင်းတို့ဟာ ပိုမိုဖိခံနေရဦးမှာဖြစ်ပါတယ်။ဗိုလ်ချူပ်ရာပြည့်FPNCCနဲ့AAတို့နဲ့ညှိတာအဆင်ပြေသွားရင် အညာနဲ့ချင်း ကို ပိုမိုပြင်းထန်တဲ့ထိုးစစ်ကြီးတွေဆင်နွဲလာနိုင်မယ်တွက်မိပါတယ်။ယနေ့သတင်းများကလည်း နေပြည်တော်မှာ စစ်ဗျူဟာပြောင်းဖို့အစည်းအဝေးလုပ်နေတယ်လို့ဆိုပါတယ်။အကယ်၍တရုတ်အကူအညီနဲ့ ဗိုလ်ချူပ်ရာပြည့်ရဲ FPNCCနဲ့AA တို့နဲ့ညှိတာ အဆင်ပြေလို့ စစ်ဗျူဟာအစည်းအဝေး လုပ်တာဆိုရင် အညာဒေသနဲ့ချင်း ကို ပိုမိုကြီးမား ပြင်းထန်တဲ့ထိုးစစ်ကြီးတစ်ခုထပ်မံဆင်နွဲလာနိုင်တယ်လို့ခန့်မှန်းပါတယ်။
စစ်ရင်ဝနဲ့စစ်ပခုံးတစ်ဖက်(အညာနဲ့ချင်း) ဖြိုခွဲခံရရင်၊ပြိုသွားရင်တော်လှန်ရေးဟာမြန်မာပြည်အောက်ပိုင်းက စစ်ခံနဲ့စစ်ကျောကုန်းဧရိယာများမှာပဲဒေသန္တရပျောက်ကျားစစ်လောက်အဆင့်နဲ့ကန့်သတ်ထိန်းချုပ်ခံရနိုင်ပါတယ်။ဒီလိုသာကန့်သတ်ထိမ်းချုပ်ခံရရင်NUGနဲ့PDFဟာလည်းယခင်ကABSDFနဲ့NCGUBကံကြမ္မာမျိုးနဲ့အဆုံးသတ်သွားမှာစိုးရိမ်မိပါတယ်။
NUG အနေနဲ့တော်လှန်ရေး ဒီရေကျမသွားပဲ NCGUB ကံကြမ္မာမျိုးမဆိုက်အောင် အညာနဲ့ချင်းကို မကျဖို့အတွက်ရှိသမျှပုံအောသင့်ရင်လည်းပုံအောရမယ်လို့မြင်မိပါတယ်။တော်လှန်ရေးဟန်ချက်ကိုထိန်းနိုင်အောင်တရုတ်နဲ့လည်းအဂ္ဂမဟာဗျူဟာအရစကားပြောဖို့လိုသလို၊စစ်နံAAနဲ့စစ်ပခုံး FPNCC နဲ့လည်း သေင်္နဂဗျူဟာအရ၊ နိုင်ငံရေးအရ နက်နက်ရှိုင်းရှိုင်းဆွေးနွေးဖို့လိုအပ်လာပြီထင်မိပါကြောင်း။
မှက်ချက်-စာရေးသူ၏ ပုဂ္ဂလိက ယူဆချက်သာဖြစ်ပါသည်။
