ဒီနေ့ မြန်မာနိုင်ငံတစ်ဝန်းနေရာအနှံ့မှာ ဗုံးပေါက်တယ်။ ကြီးကြီးမားမားတော့မဟုတ်ဘူး။ ရပ်ကွက်အုပ် ချုပ်ရေးမှူးရုံးတွေနဲ့ အခြား စစ်အစိုးရပိုင်းဆိုင်ရာ နေရာတွေပေါ့။ အဲဒီအထဲမှာ မိထ္ထီလာ လေတပ်စခန်း လည်းပါတယ်။ တွေးထင်စရာနှစ်ချက်ရှိတယ်။ (၁) အချက်ကတော့ စစ်အုပ်စုက သူတို့အဆောက်အဉီ တွေကို သူတို့ကိုယ်တိုင်ဖောက်ခွဲမှုတွေပြုလုပ်ပြီး ပြည်သူတွေကလုပ်ပါတယ်လို့ အသံကောင်းဟစ်ချင် တာမျိုး (စီအန်အန်လာတုန်းက ရန်ကုန်မြို့တွင်းက စစ်တပ်ပိုင်ဈေးဝယ်စင်တာနှစ်ခုကို သူတို့ကိုယ်တိုင် ဗုံးဖောက်ခွဲပြီး အတန်ရှည်ယူသလိုပေါ့) ဖြစ်တယ်။ (၂) အချက်ကတော့ ပြည်သူတွေက စစ်အုပ်ချုပ်ရေး ကို မနှစ်သက်လို့ ရရာပုံစံနဲ့တိုက်ခိုက်နေတာဖြစ်တယ်။ သေချာတာကတော့ ပြည်သူတွေမှာ လက်နက် မ ရှိဘူး။ အဲဒီတော့ နေရာအနှံ့ဗုံးပေါက်ကွဲနေတဲ့အချက်က စဉ်းစားစရာဖြစ်လာတယ်။ ကျွန်တော်အနေနဲ့က တော့ စစ်သူပုန်တွေအုပ်စိုးတဲ့နေရာမှန်သမျှကို ဖောက်ခွဲပစ်ချင်နေတာပါပဲ။ အများပြည်သူလည်းသူတို့ရဲ့ အုပ်ချုပ်ပုံစနစ်ကို တစ်စက်ကလေးမှ သဘောမကျဘူးလေ။
စက်တင်ဘာ ၀၈၊ ၂၀၂၃။ (သောကြာ)
NUGကခုခံတော်လှန်စစ်နှစ်နှစ်ပြည့်အစီရင်ခံစာတစ်ခုကိုထုတ်ပြန်လိုက်တယ်။ထိုအစီရင်ခံစာထဲမှာတော့NUGကတပ်ရင်း၃၀၀ကျော်ဖွဲ့စည်းထားပြီးပြီဖြစ်ကြောင်း၊ဒီနှစ်နှစ်အတွင်းမှာစစ်ကောင်စီတပ်တွေနဲ့တိုက်ပွဲပေါင်း၉၉၀၀ကျော်ဖြစ်ပွားခဲ့ပြီးရန်သူအင်အားသုံးသောင်းကျော်ခြေမှုန်းထားနိုင်ကြောင်း၊ထွက်ပြေးသူလက်နက်ချသူတစ်သောင်းကျော်ရှိကြောင်း၊ဒါ့ကြောင့်ရန်သူစုစုပေါင်းအင်အားရဲ့၁၅ရာခိုင်နှုန်းခန့်ပြုန်းတီးသွားပြီဖြစ်ကြောင်းတင်ပြထားတယ်။ ပထမနှစ်နဲ့ဒုတိယနှစ်ကိုနှိုင်းယှဉ်ပြီးပထမနှစ်ကိုမဟာဗျူဟာခံစစ်ကာလ၊ဒုတိယနှစ်ကိုထိုးစစ်အကြိုကာလအဖြစ်သတ်မှတ်ထားတယ်။ဒုတိယနှစ်အတွင်းစခန်းသိမ်းတိုက်ပွဲ၃ဆကျော်တိုးမြှင့်ဆင်နွှဲနိုင်ခဲ့ကြောင်းယခုအချိန်မှာမဟာဗျူဟာမြောက်ထိုးစစ်အတွက်ပြင်ဆင်မှုတွေလုပ်နေကြောင်းလဲတင်ပြထားတယ်။
