ဖိုင်ဘာအင်တာနက်လိုင်းတွေကို အချိန်အကန့်အသတ်နဲ့ပေးရာကနေ ၂၄ နာရီပတ်လုံးအသုံးပြုနိုင်အောင် လုပ်ပေးလိုက်တယ်။ ဒါဟာ ဖြေလျော့ပေးတာဆိုပြီး စစ်သူပုန်တွေဖက်က နာမည်ကောင်းဝင်ယူနိုင်ပေ မယ့် ပြည်သူတွေဖက်ကတော့ ကျေနပ်စရာအကြောင်းကိုမရှိဘူး။ ကျွန်တော်တို့မှာ ဘရော့ဘန်းအင်တာ နက်၊ မိုဘိုင်းအင်တာနက်တွေမရသေးဘူး။ ကိုယ့်ပိုက်ဆံပေးပြီး ကိုယ်သုံးတဲ့မူလအခွင့်အရေးကိုမရနိုင် သေးဘူး။ ဒီအတွက် သူတို့ကိုကျေးဇူးတင်စရာလည်းမလိုဘူး။ အာဆီယံအစည်းအဝေးထုတ်ပြန်ချက်ဟာ မအလအပေါ်သက်ရောက်မှုမရှိဘူး။ မအလအုပ်စု စစ်သူပုန်တွေဟာ ပြည်သူတွေကို ပုံစံအမျိုးမျိုးနဲ့နှိပ် ကွက်နှိမ်နင်းနေတုန်းပဲ။
ဒီဇင်ဘာ ၁၃၊ ၂၀၂၄။ (သောကြာ)
ရှမ်းမြောက်ကတော်လှန်ရေးအင်အားစုတွေရဲ့ ထိုးစစ်တွေတရုတ်ဖိအားကြောင့်ငြိမ်နေရချိန်မှာ မြန်မာနိုင်ငံတဝှမ်းစစ်ကောင်စီကိုဒေသအလိုက်တိုက်ပွဲတွေဆက်လက် ဖော်ဆောင်နေတာအားရဖို့တော့ကောင်းပါတယ်။ရှမ်းမြောက်က၁၀၂၇စစ်ဆင်ရေး ဒုတိယပိုင်းဟာစက်တင်ဘာလလောက်ကတည်းက...
