မအလ ဂျာကာတာကိုသွားတဲ့သတင်းက လူပြောများစရာဖြစ်လာတယ်။ အာဆီယံအစည်းအဝေးကနေ ထွက်ပေါ်လာတဲ့ ထုတ်ပြန်ချက်အချက် ငါးချက်နဲ့ပတ်သက်လို့ ကောင်းတယ်ပြောတာရှိသလို မထိရောက် ဘူးလို့လည်းဝေဖန်နေကြပြန်တယ်။ ကျွန်တော့်အမြင်ကတော့ ဒါက အာဆီယံအနေနဲ့ ပြင်းထန်တဲ့သတိ ပေးချက်တစ်ခုဖြစ်တယ်လို့ယူဆမိတယ်။ အစကတည်းက အာဆီယံဟာလည်း မိတ်အင်ချိုင်းနားကြီးပဲ လေ။ ဒါကြောင့် အများကြီးမျှော်လင့်လို့မရဘူး။ ကျွန်တော်တို့မှာ မျှော်လင့်စရာဆိုလို့ သိပ်မရှိပါဘူး။ ကိုယ့် အားကိုယ်ကိုးဖို့ကလည်း သူတို့တွေက လက်နက်နဲ့အတင်းကာရောခြိမ်းခြောက်ထားတယ်။ လက်နက် အ ကြောင်းပြုပြီး နည်းပေါင်းစုံကနေ အကျင့်ယုတ်နေကြတယ်။ ဘာဆက်လုပ်ရမှန်းကိုမသိတာ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။
