အစိုးရသစ် အစည်းအဝေးပြုလုပ်တဲ့သတင်းတွေတက်လာတယ်။ ကျွန်တော်တို့အတွက် လွတ်မြောက် ရေးလမ်းစတွေ့နေပြီလားလို့ ထင်မိတယ်။ အရာရာတိုင်းဟာ မျှော်လင့်ချက်တွေနဲ့ချည်းပါပဲ။ NUG နဲ့ ပတ်သက်လို့ အသံအမျိုးမျိုးထွက်နေပေမယ့် ကောင်းသောအကြောင်းအရာတွေများပါတယ်။ တစ်ဖက် မှာလည်း စစ်သူပုန်တွေဟာ မြန်မာနိုင်ငံသားတွေကို နေရာအနှံ့လိုက်လံနှိပ်စက်နေကြတယ်။ သပိတ်စစ် ကြောင်းတွေထွက်လို့မရအောင် လုပ်ဆောင်နေတယ်။ လမ်းသွားလမ်းလာကားတစ်ချို့ကိုတားဆီးပြီး NUG ကိုမထောက်ခံကြောင်းဆိုင်းဘုတ်ကိုင်ခိုင်းတယ်။ ပြီးရင် ဓါတ်ပုံရိုက်တယ်။ သက်သေယူတာပေါ့။ ပြီးရင် သူတို့ရဲ့ဝါဒဖြန့်ရုပ်သံလိုင်းမှာ NUG ကိုမထောက်ခံသူတွေရှိပါတယ်ဆိုပြီး အလိမ်အညာတွေလွှင့် ပါလိမ့်မယ်။
မေ ၂၀၊ ၂၀၂၃။ (စနေ)
ကရင်ပြည်နယ်၊ကော့ကရိတ်မြို့ရှိမြို့အဝင်အထွက်လမ်းတချို့ကိုစစ်ကောင်စီတပ်ကမြေတူးကားနဲ့ဖျက်ဆီးသွားပါတယ်။ထိုလမ်းတွေဟာကော့ကရိတ်မြို့ကနေကျေးရွာတွေဘက်ကိုကုန်စည်စီးဆင်းမှုအတွက်ဒေသခံတွေအသုံးပြုတဲ့လမ်းတွေပါ။စစ်ကောင်စီကပြည်သူတွေဒုက္ခရောက်အောင်ရိက္ခာပြတ်အောင်ဘက်ဟိုးနဲ့ထိုးပြီးပိတ်ချလိုက်တယ်။တိုင်းပြည်ကိုကျတော့အုပ်ချုပ်ချင်တယ်။လမ်းတွေခင်းပေးမယ့်အစားကောင်းနေတဲ့လမ်းတွေကိုတောင်ဖျက်စီးပစ်တယ်။ကော့ကရိတ်မြို့ကိုတော်လှန်ရေးအဖွဲ့တွေကကောင်းကောင်းခြိမ်းခြောက်နိုင်နေတဲ့အတွက်စစ်ကောင်စီဟာကြံမိကြံရာကြံပြီးပြည်သူတွေထိခိုက်အောင်အလွဲတွေချည်းလျောက်လုပ်နေတယ်။
