Military Coup Myanmar

စစ်ကောင်စီဟာအခြေခံပညာကျောင်းတွေပြန်ဖွင့်ဖို့ကြိုးစားနေပါတယ်။ကလေးတွေကိုကျောင်းအပ်ကြဖို့နိုးဆော်နေပေမယ့်ကျောင်းလာအပ်တဲ့ရာခိုင်နှုန်းကမဖြစ်စလောက်သာရှိပါတယ်။တဖက်မှာကျောင်းတွေဖွင့်ဖို့ကြိုးစားရင်းတဖက်မှာလဲကျောင်းတွေကိုဗုံးခွဲနေတဲ့အချိန်မှာဘယ်မိဘကကိုယ့်ကလေးကိုစိတ်ချလက်ချကျောင်းအပ်ရဲမှာလဲ။ကျောင်းတွေပြန်ဖွင့်မယ့်ကိစ္စမှာလဲစစ်ကောင်စီဟာမအောင်မြင်ဖို့များနေပါတယ်။ ဝမ်းသာစရာသတင်းအနေနဲ့ကတော့ဥရောပကချက်သမ္မတနိုင်ငံဟာNUGကိုတရားဝင်အသိအမှတ်ပြုလိုက်ပါတယ်။အဆိုပါနိုင်ငံဟာNUGကိုတရားဝင်ထောက်ခံတဲ့ပထမဆုံးနိုင်ငံဖြစ်လာပါတယ်။ရှေ့လျှောက်တခြားနိုင်ငံတွေပါထောက်ခံလာဖို့ရှိနေပါတယ်။

ဒီမော့ဆိုနဲ့လွိုင်ကော်မှာတိုက်ပွဲတွေဆက်ဖြစ်နေတယ်။ဒီနေ့တော့PDFတွေဘက်ကအသေခံပြီးတင့်ကားနှစ်ဖျက်စီးလိုက်နိုင်တယ်တဲ့။ကယားမှာတော့ပြည်သူတွေဗျူဟာပြောင်းပြီးတိုက်ကြလို့မစစ်သူပုန်တွေအတွက်မင်းတပ်ထပ်ပိုခက်ခဲနေတယ်။ တဖက်မှာလဲနယ်မြေခံပြည်သူတွေကြားညပ်နေပြီ။လွိုင်ကော်မှာနေတဲ့အသိတယောက်ရဲ့ပြောပြချက်အရဆိုရင်သူတို့မြို့မှာလမ်းသွားလမ်းလာတောင်မရှိပဲတိတ်ဆိတ်ငြိမ်သက်နေတယ်။ညဘက်ဆိုရင်စစ်သူပုန်တွေကအကြောင်းမဲ့ပစ်ခတ်ရမ်းကားနေလို့အိမ်ထဲမှာတောင်ကျည်ကွယ်ရာမှာနေရပါတယ်။လျှပ်စစ်မီးနဲ့အင်တာနက်လဲဖြတ်ထားတယ်ပြောပါတယ်။စစ်ပြေးတဲ့သူတွေပြေးကုန်ကြပါပြီ။မပြေးနိုင်တဲ့သူတချို့လဲမြို့ထဲမှာကျန်နေသေးတယ်တဲ့။ တရားဝင်စာရင်းတွေအရတော့ကယားပြည်နယ်တစ်ခုထဲမှာကိုစစ်ဘေးရှောင်သူပေါင်း၅၀၀၀၀ခန့်ရှိနေပြီလို့သိရပါတယ်။ စစ်ရဲ့ဘေးထွက်ဆိုးကျိုးတွေကလဲမသေးပါ။

မနေ့ကကယားပြည်နယ်ကတိုက်ပွဲတွေမှာခွေးသေဝက်သေသေကုန်ကြတဲ့စစ်သူပုန်တွေရဲ့ပုံတွေလိုင်းပေါ်တက်လာတယ်။ တပ်ထောက်ခံသူအုပ်စုကခုကျမှ ရက်စက်လိုက်ကြတာ၊လုပ်ရက်လိုက်ကြတာ ဆိုပြီးအသံတွေထွက်လာတယ်။အပြစ်မဲ့ပြည်သူ၈၀၀ကျော်ကျဆုံးတုန်းကတော့ဆန္ဒပြတာကိုး..သေမှာပေါ့ လို့မညှာမတာပြောခဲ့တဲ့သူတွေ... ခုတော့သူတို့ငိုရမယ့်အလှည့်ရောက်လာပြီ။ ဝဋ်ဆိုတာဘဝမကူးပဲချက်ချင်းလည်တတ်တယ်ဆိုတာသိရှိသွားကြပြီ။

ကယားပြည်နယ်မှာနယ်မြေခံPDFနဲ့စစ်သူပုန်တွေကြားဒီနေ့တိုက်ပွဲတွေထပ်ဖြစ်တယ်။အရင်နေ့ကဒီမော့ဆိုမြို့နယ်တစ်ခုထဲမှာဖြစ်ရာကနေတိုက်ပွဲတွေဟာဒီနေ့မှာမိုးဗြဲ၊လွိုင်ကော်အထိပါကူးစပ်လာပြီ။ဒီမော့ဆိုကိုကူပေးတဲ့အနေနဲ့တခြားမြို့တွေကပါထကြွပေးတဲ့သဘောပေါ့။ညနေပိုင်းမှာစစ်သူပုန်တွေဘက်ကတင့်ကားတွေရဟတ်ယာဉ်တွေနဲ့ပါစစ်ကူဝင်လာလို့PDFတွေဘက်ကဆုတ်ခွာပေးရတယ်။စစ်ဘေးရှောင်ပြည်သူတွေလဲတဖြည်းဖြည်းများလာပြီ။စစ်မီးဟာချင်းပြည်နယ်ကနေကယားပြည်နယ်ကိုရောက်လာပါပြီ။

အာဏာသိမ်းစစ်ကောင်စီလက်အောက်တွင် တာဝန်မထမ်းလိုတော့သဖြင့် စစ်တပ်ကို စွန့်ခွာကာ အာဏာဖီဆန်ရေးလှုပ်ရှားမှု (CDM) တွင် ပါဝင်လာသူ စစ်သည်အင်အားမှာ ၈၀၀ ဝန်းကျင်ရှိနေပြီဖြစ်ကြောင်း တပ်မတော်အရာရှိဟောင်းတစ်ဦးက ထုတ်ဖော်ပြောကြားသည်။ တပ်တွင်းမှ ထွက်လိုသဖြင့် ဆက်သွယ်အကူအညီတောင်းခံလာသူ အရေအတွက်မှာ တစ်ရက်လျှင် ၅၀ မှ...

ဆာဗီးယားခေါင်းဆောင် မီလိုဆီဗစ် ( ဘော်လကန် သားသတ်သမားဟုလည်း သိကြသည်) နှင့် ဘော့စနီးယားရှိ ဆာ့ဖ် အမျိုးသားရေး ဝါဒီတို့ဘက်မှ လက်နက်အင်အား အလွန်အမင်း သာလွန်ခဲ့သည်။ ယူဂိုစလားဗီးယား ပြိုကွဲ၍ ဆာ့ဖ်၊ ခရိုအက်နှင့် ဘော့စနီးယားများ သီးခြားစီဖြစ်ခဲ့ရာတွင်...

အမေရိကန် ကွန်ဂရက်သည် ဘိုင်ဒင် အစိုးရ၏ မြန်မာစစ်တပ်အပေါ် အသင့်အတင့်မျှသာ စီးပွားရေး အရ ပိတ်ဆို့ ဒဏ်ခတ်နေမှုအား ပုံစံပြောင်းနိုင်ရန် စဉ်းစားနေစဉ်တွင် နိုင်ငံအတွင်းရှိ ဆန့်ကျင် ကန့်ကွက်နေသူ အချို့က အမေရိကန် ပြည်ထောင်စုနှင့် နိုင်ငံတကာ အသိုက်အဝန်းအား...

မနေ့ကရန်ကုန်၊စမ်းချောင်းမှာရပ်ကွက်အုပ်ချုပ်ရေးမှုးရုံးကိုကားနဲ့လာပစ်သွားတယ်။ ဒီနေ့လဲသုဝဏ္ဏမှာစစ်သူပုန်တွေတပ်စွဲထားတဲ့နေရာကိုလမ်းပေါ်ကနေပစ်ခတ်သွားတယ်။ ပစ်ခတ်မှု၂ခုလုံးမှာစစ်သူပုန်တွေဖက်ကထိခိုက်မှုရှိခဲ့တယ်။ မြို့ပြပျောက်ကျားတော်လှန်ရေးဟာနောက်တဆင့်တက်လာပြီလား။ အရင်လိုလက်လုပ်ဗုံးလောက်နဲ့ပြီးစလွယ်ပစ်သွားတာမျိုးမဟုတ်ပဲရန်ကုန်မြို့လယ်မှာသေနတ်တွေနဲ့ထိထိရောက်ရောက်ပစ်ခတ်မှုတွေဖြစ်ပေါ်လာတာကစစ်ကောင်စီကိုခြောက်ခြားစေပါတယ်။ ဒါမျိုးဖြစ်စဥ်တွေခပ်စိပ်စိပ်ဖြစ်လာဖို့မျှော်လင့်ပါတယ်။

ကယားပြည်နယ်၊ဒီမောဆိုမြို့လေးက PDF တွေရရာလက်နက်ဆွဲကိုင်တော်လှန်နေကြပြီ။ ဟိုနေ့တွေကငြိမ်းချမ်းစွာဆန္ဒပြနေတဲ့လူငယ်တွေကိုစစ်သူပုန်တွေအကြမ်းဖက်ဖမ်းဆီးသွားရာကနေစတာပဲ။ချင်းပြည်နယ်၊မင်းတပ်မှာလို့ပေါ့။မနက်ပိုင်းအပြန်အလှန်ပစ်ခတ်ကြပြီးညနေပိုင်းမှာစစ်သူပုန်တွေရဲ့ကင်းစခန်းတစ်ခုကိုသိမ်းပိုက်ဖျက်စီးလိုက်နိုင်တယ်။နောက်နေ့တွေမှာတိုက်ပွဲတွေဆက်လက်ပြင်းထန်လာဖို့ရှိနေတယ်။ စစ်မီးဟာတဖြည်းဖြည်းနဲ့ကျယ်ပြန့်လာနေပြီ။

ရန်ကုန်ဆင်ခြေဖုံးမြို့နယ်တွေမှာဆိုင်ကယ်တွေဖမ်းနေတယ်။ဖောက်ခွဲမှုတွေပြုလုပ်ရင်ဆိုင်ကယ်တွေအသုံးပြုလို့တဲ့။စစ်သူပုန်တွေတပ်စွဲထားတဲ့နေရာတွေလဲခုဆိုရင်ဘန်ကာအထပ်ထပ်၊သံဇကာအထပ်ထပ်နဲ့။ သေရဲတဲ့ကောင်ထွက်ခဲ့လို့သေနတ်ကြီးတကားကားနဲ့ပြောနေတဲ့သူတွေကေကြာက်ချီးပန်းနေကြတာမြင်မကောင်းဘူး။ ဒီမနက်လဲလမ်းမတော်မြို့နယ်ကအုပ်ချုပ်ရေးမှုးစောစောစီးစီးသေနတ်နဲ့ပစ်ခံရပြီးခေါင်းပွင့်သွားတယ်။ ဒါတောင်အစပဲရှိသေးတယ်။ နောက်ဆက်တွဲတွေအတွဲလိုက်လာဦးမှာ။