Military Coup Myanmar

ဘွန်းက အခုဆိုရင်အသံပျောက်နေပြီ။မင်းအောင်လှိုင်အိမ်ရောင်းတာက ဒေါ်လာ ၆ သန်း ပြည့်ပြီလို့ကြေညာပြီးနောက်ဘယ်လောက်ထိဆက်ရောင်းနေရလဲ ၅ ရက်ကျော်တဲ့အထိထပ်မသိရသေးဘူး။ဒီကြားထဲ C2D ကဝင်ငွေကျလာတယ်။ တော်လှန်ရေးရဲ့ တကယ့်စိုးရိမ်ရေမှတ်ကငွေကြေးဟာလည်း အဓိကအချက်ထဲမှာတချက်အနေနဲ့ ပါလိမ့်မယ်။ငွေကုန်ကြေးကျတအားများတဲ့ လက်နက်ကိုင်တော်လှန်ရေးမှာ ငွေကြေးလိုအပ်ချက်တွေအရနည်းလာတာ ပြသာနာကြီးတယ်။ဘွန်းရောင်းချမူနဲ့ EOD ရောင်းချမူပုံစံတွေပြန်လည်သုံးသပ်ဖို့လိုမယ်။ NUG...

နိုင်ငံခြားကတင်သွင်းရတဲ့စက်သုံးဆီတွေကိုခွဲတမ်းနဲ့ရောင်းချတော့မယ်လို့စစ်ကောင်စီကကြေငြာလိုက်ပြီ။သူတို့ဘယ်လိုပဲဆီလုံလုံလောက်ရှိတယ်ပြောပါစေအခုတော့ဝန်ခံလိုက်ရပြီ။ဆီဆိုင်တွေမှာလဲကားတွေပြန်တန်းစီနေရပြီ။ဆိုင်ကြီးတွေလောက်ပဲဆီခွဲတမ်းရပြီးလက်လီရောင်းတဲ့ဆိုင်တော်တော်များများပိတ်လိုက်ကြတယ်။ဆိုင်ကြီးတွေမှာတောင်ဓာတ်ဆီလိုသလောက်မရတော့ဘူး။နယ်မြို့တွေမှာအခြေအနေပိုဆိုးတယ်။စစ်ကောင်စီဟာဒေါ်လာကိုလိုသလောက်ထုတ်မပေးတဲ့အတွက်ဆိပ်ကမ်းမှာဆီတွေရှိပေမယ့်ထုတ်မရဖြစ်နေတာပါ။ဒီပုံစံအတိုင်းရှေရှည်ဆက်သွားမယ်ဆိုရင်ဆီဈေးဟာလဲအတက်ပဲရှိမယ်။

မိတ္ထီလာမှာသမီးရည်းစားနှစ်ယောက်ချိန်းတွေ့ရင်းလုယက်ခံရလို့ကောင်လေးကလက်တဖက်ပြတ်သွားတယ်။မန္တလေးမှာလဲထိုနည်းတူဆိုင်ကယ်ကိုဓားနဲ့လုယက်တာကြောင့်တယောက်အသက်ပေးလိုက်ရတယ်။ရန်ကုန်အင်းစိန်မှာတော့လမ်းမလယ်ခေါင်မှာကောင်မလေးတယောက်ကိုအုပ်စုဖွဲ့ရမ်းကားနေတာကြောင့်ရပ်ကွက်ကဝိုင်းဖမ်းပေးရတယ်။မိတ္ထီလာဆိုတာစစ်တပ်မြို့၊မန္တလေးကဖြစ်ရပ်ကလဲရဲစခန်းနားမှာြဖစ်သွားတာ၊ရန်ကုန်မှာတော့ဝိုင်းဖမ်းပေးသူတချို့ထိခိုက်ဒဏ်ရာရကုန်တယ်။အရင်ကလုယက်မှုလောက်ပဲကျူးလွန်ကြတာ၊အခုကထိခိုက်ဒဏ်ရာရမှုတွေ၊လူသေဆုံးမှုတွေပါြဖစ်လာပြီ။မလုံခြုံမှုတွေဟာတနိုင်ငံလုံးနေရာအနှံအပြားမှာဖြစ်နေပြီ။

စစ်သူပုန်တွေကျေးရွာတွေမီးရှို့တာမှာ PDF တွေကို ထောက်ပံ့ခြင်း ၊ PDF မိသားစုဝင်များ နေထိုင်ခြင်းစတဲ့ အချက်တွေနဲ့ လုံးဝမသက်ဆိုင်ပါဘူး ။ဒါဖြင့် ဘာလို့ ရှို့လည်းဆိုရင် စစ်ဘေးရှောင်တွေ များလာစေရန် ရည်ရွယ်ပြီး ရှို့တာပါ ။ကြုံတဲ့နေရာ ကြုံသလိုရှို့ပါတယ် ။...

တော်လှန်ရေးအဖွဲ့တွေအတွက်ရန်ပုံငွေရှာပေးနေတဲ့Applicationတွေရဲ့ငွေရနှုန်းဟာပြီးခဲ့တဲ့လကစပြီးထိုးကျနေတယ်။အရင်တရက်ကိုသိန်းနှစ်ရာကျော်ရနေရာမှအခုဆိုသိန်းတစ်ရာဝန်းကျင်သာရရှိတော့တယ်။ထိုapplicationတွေဟာအရင်ကအမြင့်ဆုံးတရက်ကိုသိန်း၅၅၀အထိရဖူးခဲ့တာပါ။အခုတော့အသုံးပြုငွေရှာပေးသူတွေအတော်နည်းကုန်ပြီ။တနိုင်ငံလုံးမှာလူဦးရေနှစ်သောင်းကျော်သာသုံးတော့တယ်လို့သိရတယ်။Applicationတွေတစ်ခုမကအများကြီးရှိနေပြီးအကုန်လုံးထိုးကျနေတာပါ။လူတွေကနိုင်သာနိုင်ချင်ကြတယ်၊ဘာအားစိုက်ထုတ်မှုမှမလုပ်ချင်ကြဘူး။တဖြေးဖြေးနဲ့သွေးအေးလာကြပြီ။ရန်ပုံငွေအလုံအလောက်မရရင်တကယ်တိုက်နေတဲ့သူတွေအတွက်အများကြီးခက်ခဲလာလိမ့်မယ်။

စပါးစိုက်ပျိုးဖို့ အဓိကအရေးပါသည့် ဒီဇယ်နှင့် ဓာတ်မြေသြဇာဈေးနှုန်းများ အလွန်အမင်း မြင့်တက်နေမှုကြောင့် ဧရာဝတီတိုင်းမှ လယ်သမားတွေ မိုးစပါးစိုက်ပျိုးနိုင်ခြင်းတော့ဘူး။ လယ်သမားများစပါးစိုက်ပျိုးရာမှာ လယ်ယာသုံးစက်ပစ္စည်းများ မောင်းနှင်ရန် ဒီဇယ်ကို အဓိက အသုံးပြုပြီး စပါးအထွက်တိုးရန် ယူရီးယား၊ တီစူပါအစရှိသည့် ဓာတ်မြေသြဇာများ၊ ပေါင်းသတ်ဆေး၊...

ရန်ကုန်တောင်ပိုင်းသန်လျင်မြို့နယ်မှာဆိုင်ကယ်လုံးဝမစီးရအမိန့်စစ်ကောင်စီကထုတ်လိုက်တယ်။သန်လျင်၊သုံးခွ၊ခရမ်းမြို့တွေမှာစစ်ကောင်စီဒေါက်တိုင်တွေခပ်စိတ်စိတ်တိုက်ခိုက်ခံရပြီးနောက်ကြောက်လန့်ပြီး ဒီအမိန့်ထွက်လာတာပဲ။ သန်လျင်ဆိုတာရန်ကုန်တိုင်းရဲ့နယ်မြို့လေးတစ်ခုပဲ။ဆိုင်ကယ်လဲတရားဝင်စီးခွင့်ရှိတယ်။ဒီလိုမတရားအမိန့်တွေထုတ်နေတော့မြို့ခံတွေဒုက္ခရောက်ကုန်တယ်။သီလဝါအထူးစီးပွားရေးဇုန်ကဝန်ထမ်းတွေဆိုဆိုင်ကယ်ကိုပဲအားပြုရတာ။အခုကလိုင်စင်ရှိရှိမရှိလမ်းပေါ်တက်သမျှဆိုင်ကယ်တွေအကုန်ဖမ်းနေတော့ဒီရက်ပိုင်းကိုယ့်ဆိုင်ကယ်ကိုခိုးကြောင်ခိုးဝှက်စီးနေကြရတယ်။စစ်ကောင်စီဟာပြည်သူကိုအမျိုးမျိုးဒုက္ခပေးလျက်ပဲ။

ရှမ်းကယားနယ်စပ်ဖယ်ခုံမြို့မှာလဲတိုက်ပွဲတွေဖြစ်နေတာတပတ်လောက်ရှိနေပြီ။မိုးဗြဲအင်းအရှေ့ဘက်ကရွာတွေကိုလဲစစ်တပ်ကမီးရှို့လိုက်တယ်။တိုက်ပွဲကာလကြာလာတာနဲ့အမျှKNDFဘက်ကကျဆုံးမှုတွေ၊ကျည်မလုံလောက်မှုတွေများလာပြီးရသလောက်ခုခံနေရတယ်။ကယားမှာဖေဖော်ဝါရီလလယ်လောက်ကစပြီးစစ်တပ်ကအကြီးအကျယ်ထိုးစစ်ဆင်တာကြောင့်တချို့နယ်မြေတွေကိုပြန်လည်လက်လွှတ်ပေးလိုက်ရတယ်။နေ့စဉ်ဆိုသလိုပဲပျောက်ကျားတိုက်ပွဲတွေဖြစ်ပွားလျက်ရှိတာကြောင့်တပြည်နယ်လုံးစစ်ဘေးသင့်နေတယ်။စစ်ဘေးရှောင်ပြည်သူတွေအတွက်ရိက္ခာပို့လမ်းကြောင်းတွေကိုစစ်တပ်ကပိတ်ဆို့ထားတာကြောင့်ရှမ်းကယားနယ်စပ်လမ်းကြောင်းပြန်ပွင့်အောင်ကာကွယ်ရေးအဖွဲ့တွေကြိုးစားနေကြတယ်။

စစ်ကိုင်းတိုင်းထဲကမြို့နယ်၁၅ခုမှာNUGကတရားစီရင်ရေးစနစ်စတင်ကြောင်းကြေငြာလိုက်တယ်။တတိုင်းလုံးကပြည်သူတွေစစ်သူပုန်တွေရန်ကလွှတ်အောင်ပြေးနေရချိန်မှာပြည်သူ့ကာကွယ်ရေးတပ်ဖွဲ့တွေကိုထောက်ပံကူညီပေးတယ်ဆိုတဲ့သတင်းမျိုးတော့မကြားမိသေးဘူး။ဟိုတလောကလဲနာမမည်ကြီးဗိုလ်နဂါးတို့အဖွဲ့ကိုလက်နက်ထောက်ပံပေးမယ်ဆိုပြီးဘာမှရောက်မလာဘူးလို့ဆိုရှယ်မီဒီယာတွေပေါ်မှာတွေလိုက်ရသေးတယ်။NUGကစစ်ကိုင်းတိုင်းမှာမယောင်ရာဆီလူးနေပြီ။အဆုံးစွန်သောင်းကျန်းနေတဲ့စစ်တပ်ကိုတန်ပြန်ရင်ဆိုင်ဖို့ဘာမဟာဗျူဟာ၊နည်းဗျူဟာမှမတွေ့ရသေးဘူး။NUGအနေနဲ့စစ်ကိုင်းတိုင်းကိုဖိဖိစီးစီးကိုင်တွယ်ဖို့သင့်ပြီ။စစ်ကိုင်းတိုင်းတစ်ခုထဲတင်မကတခြားဒေသတွေမှာလဲNUGရဲ့စစ်ရေးလှုပ်ရှားမှုတွေခုထိသိသိသာသာမတွေ့ရသေးဘူး။တော်လှန်ရေးကာလတစ်နှစ်ခွဲပြည့်တော့မယ်။ရံပုံငွေလဲဒေါ်လာသန်းငါးဆယ်ခန့်ရနေပြီ။အခုထိသိသာထင်ရှားတဲ့စစ်ရေးရလဒ်ကောင်းတစ်ခုကိုNUG အနေနဲ့မဖော်ဆောင်နိုင်သေးဘူး။အညာဒေသ၊ချင်း၊ကယားစတဲ့အရင်ငြိမ်းချမ်းတဲ့ဒေသတွေကပြည်သူတွေရဲ့ဘဝတွေကတော့လုံးပါးပါးနေပြီ။

လဆန်းပိုင်းကစစ်ကားရာချီစစ်ကိုင်းတိုင်းဘက်ချီတက်သွားပြီးနောက်စစ်ကောင်စီဟာစစ်ကိုင်းတိုင်းတတိုင်းလုံးကိုမြေလှန်ဖျက်စီးနေပါပြီ။အင်အားတစ်ရာကျော်ခန့်ရှိတဲ့စစ်ကြောင်းတွေဖွဲ့ပြီးရွာတိုင်းနီးပါးကိုမီးရှို့လုယက်ဖျက်စီးလျက်ရှိတယ်။ဒီတစ်ခေါက်စစ်ကိုင်းတိုင်းစစ်ဆင်ရေးဟာPDFတွေကိုနှိမ်နင်းဖို့ချည်းမဟုတ်ပဲPDFထောက်ခံတဲ့ရွာတွေကိုဖျက်စီးဖို့အဓိကဖြစ်နေတယ်။ရွာတွေဖျက်စီးခံရရင်PDFတွေလဲပျောက်ကွယ်သွားမယ်ဆိုတဲ့စိတ်ကူးနဲ့ပေါ့။ အခုဆိုရင်တစ်ရက်ကိုမြို့နယ်တိုင်းမှာကျေးရွာတွေဆယ်နဲ့ချီပြီးနေ့စဉ်မီးရှို့ခံနေရတယ်။တိုက်ပွဲမဖြစ်တဲ့ဒေသတွေ၊စစ်တပ်ထောက်ခံတဲ့ရွာတွေပါမချန်ပဲမဲမဲမြင်ရာအကုန်ဖျက်စီးနေတယ်။တချို့ရွာတွေဆိုရွာထဲမှာပိတ်မိနေတဲ့သက်ကြီးရွယ်အိုတွေနဲ့အိမ်မွေးတရိစ္ဆာန်တွေပါအရှင်လတ်လတ်မီးလောင်သေဆုံးကုန်တယ်။ဖက်ဆစ်စစ်တပ်ရဲ့လုပ်ရပ်တွေဟာဖော်ပြစရာစကားလုံးတောင်ရှာမတွေ့တော့ဘူး။