Military Coup Myanmar

ရခိုင်ပြည်နယ်မြောက်ပိုင်းမှာမနေ့ကစစ်တပ်နဲ့အေအေတို့တစ်နေ့ထဲသုံးနေရာမှာတိုက်ပွဲအကြီးအကျယ်ဖြစ်ပွားခဲ့တယ်။စစ်တပ်ဖက်ကသုံးဆယ်ကျော်သေဆုံးသွားပြီးလက်နက်ကြီးလက်နက်မျိုးစုံအမြောက်အမြားသိမ်းဆည်းရမိတယ်။ပြီးခဲ့တဲ့တပတ်ကလဲအေအေကနယ်ခြားစောင့်ရဲစခန်းကိုတိုက်ခိုက်လို့စစ်တပ်ဖက်ကအမြောက်အမြားသေဆုံးခဲ့သေးတယ်။အခုနောက်ပိုင်းရခိုင်ပြည်နယ်မြောက်ပိုင်းမှာတိုက်ပွဲတွေခပ်စိတ်စိတ်ဖြစ်နေပြီးအခုဆိုရင်တိုက်ပွဲကြီးတွေပါဖြစ်နေပြီဆိုတော့သေချာတာကစစ်ကောင်စီအတွက်နောက်ထပ်စစ်မျက်နှာတစ်ခုထပ်ပွင့်သွားပြီ။ဒီတော်လှန်ရေးမှာစစ်ကောင်စီအတွက်စစ်မျက်နှာများလေလေကိုယ်တွေအတွက်ကောင်းလေပဲလေ။ ကရင်ပြည်နယ်မှာလဲကောကရိတ်မြို့ပေါ်ကရဲစခန်း၊စုပေါင်းရုံးနဲ့တခြားဌာနဆိုင်ရာရုံးတချို့ကိုKNUကအလစ်အငိုက်ဝင်ရောက်တိုက်ခိုက်သွားတယ်။မြို့ပေါ်မှာစစ်တပ်ရင်းတစ်ခုရှိနေပေမယ့်ဘာမှမတုန့်ပြန်နိုင်ခဲ့ဘူး။တော်လှန်ရေးအားကောင်းတဲ့ဒေသတွေမှာစစ်ကောင်စီဟာမြို့ပြတွေကိုတောင်အပြည့်အဝမထိန်းချုပ်နိုင်တော့တဲ့အနေအထားဖြစ်လာပြီ။

စစ်ကောင်စီကမြန်မာကျပ်ငွေတွေကိုအတိုင်းအဆမရှိရိုက်ထုတ်နေတယ်။ပိုက်ဆံရိုက်ထုတ်တဲ့အဆင့်မှီငွေစက္ကူတွေကအာဏာသိမ်းပြီးစမှာပဲဂျာမဏီကဝယ်ယူခွင့်ပိတ်လိုက်တော့ဗဟိုအာရှနိုင်ငံတွေကနေအဆင့်မမှီတဲ့ငွေစက္ကူတွေလေကြောင်းကနေတန်နဲ့ချီပြီးတင်သွင်းတယ်။ပြီးတော့ပြည်တွင်းငွေစက္ကူရိုက်စက်ရုံကနေအထိန်းအကွပ်မရှိရိုက်ထုတ်နေတယ်။အခုဆိုစစ်ခေါင်းဆောင်မင်းအောင်လှိုင်ကရိုက်ထုတ်ထားတဲ့မြန်မာကျပ်လေးဘီလီယံခန့်ကိုအခမ်းအနားနဲ့ဖွံဖြိုးရေးရံပုံငွေဆိုပြီးဈေးကွက်ထဲလွှဲပြောင်းလိုက်တယ်။မြန်မာငွေဈေးထိုးကျပြီးအစောကတည်းကတက်ဖို့ပြင်နေတဲ့ရွှေနဲ့ဒေါ်လာဈေးတွေမိုးထိုးကုန်တယ်။နောက်ဆုံးဈေးအရရွှေတစ်ကျပ်သား၂၈သိန်းကျော်သွားပြီးတစ်ဒေါ်လာကိုကျပ်သုံးထောင်ဖြစ်သွားပြီ။ဈေးတွေကဒီတပတ်လုံးစနေနေ့တောင်မနားပဲထိုးတက်နေတာပါ။ငွေဈေးမငြိမ်တာကြောင့်နယ်စပ်ကုန်သွယ်ရေးတွေမှာလဲကုန်သည်တွေနေ့ချင်းညချင်းကျပ်ငွေသိန်းရာချီဆုံးရှုံးကုန်ပြီးမြန်မာကျပ်ငွေကိုဘယ်သူမှလက်မခံချင်ကြတော့ဘူး။ကြာရင်မြန်မာကျပ်ငွေဟာဂျပန်ခေတ်ကငွေတွေလိုစက္ကူစုတ်သာသာပဲရှိတော့မယ်။

“ကပ်ဘေး”ကြောင့် ထောင်ဝင်စာတွေ့မှု ပိတ်ထားချိန်တွင် အကျဉ်းသားထံ ပစ္စည်းပို့ခွင့် ပိုမို ကန့်သတ်ခံနေရသည်၊ အမှုတွင် သက်သေထွက်ဆိုမည့် မိသားစုဝင်သာ အကျဉ်းသားနှင့် တွေ့ခွင့်ရသည်။ စစ်အာဏာရှင်အဆက်ဆက် နာမည်ဆိုးဖြင့် ကျော်ကြားသည့် အကျဉ်းထောင်များတွင် ပါဝင်သည့် မန္တလေး အိုးဘိုအကျဉ်းထောင်တွင် ဇူလိုင်...

စစ်သား ၈၀ ခန့်က စစ်ကိုင်းတိုင်းရှိ ရွာတစ်ရွာကို ဖျက်ဆီးပြီး အများအပြားကို ဓားစာခံအဖြစ် ဖမ်းထားသည်၊ နှိပ်စက်ခံရသည့် ဓားစာခံများထဲမှ ၁ ဦး အသက်အန္တရာယ်ရှိနေသည်ဟု သိရသည်။     စစ်ကိုင်းတိုင်း၊ ဒီပဲယင်းမြို့အနောက်ဘက်တွင်ရှိသည့် ဘုရားထွက်ကျေးရွာကို စစ်ကောင်စီတပ်က ယမန်နေ့ (သြဂုတ်...

“ကျမတို့မှာ နေစရာ ထိုင်စရာ မရှိတော့ပါဘူး။ သူများအိမ်မှာ နေရပါတယ်၊ စားဖို့သောက်ဖို့ ဆိုတာလည်း သူများတွေ ပေးလို့ စားနေရတာပါ” ဟု ဆိုလာသူက မကွေးတိုင်း၊ ဂန့်ဂေါမြို့နယ်ခံ ဒေါ်သူဇာ(အမည်လွှဲ)ဖြစ်ပြီး အိမ်မီးရှိူ့ခံရသဖြင့် လက်ရှိတွင် တရွာမှတရွာ ပြောင်းရွှေ့နေ...

ရင်ပေါင်တိုင်ရွာမှာဒေသခံတွေလူသားဒိုင်းလုပ်ပြီးဖမ်းဆီးထားတဲ့စစ်သူပုန်တပ်တွေကိုကာကွယ်ရေးတပ်ပေါင်းစုကမနေ့ကဝင်ရောက်တိုက်ခိုက်ကြတယ်။လက်ရွှေးစင်တပ်ဖွဲ့တွေစုစည်းပြီးတိုက်ခိုက်တာဖြစ်လို့ရွာကိုပြန်ရခါနီးမှာပဲစစ်တပ်ဖက်လေကြောင်းအကူအညီတွေရောက်လာလို့ပြန်ဆုတ်ပေးလိုက်ရတယ်။စစ်သူပုန်တွေဟာအနီးကပျူစောထီးရွာကတပ်ကူတွေကိုရဟတ်ယာဉ်နဲ့ပို့ပေးပြီးခုခံခဲ့တယ်။ ဒီနေ့တော့စစ်သူပုန်တွေအခြေမလှလို့ရွာကနေဆုတ်ခွာသွားပြီ။ကာကွယ်ရေးအဖွဲ့တွေရွာကိုဝင်ရောက်ရှင်းလင်းတော့စစ်တပ်ကသတ်ဖြတ်သွားတဲ့အပြစ်မဲ့ပြည်သူတွေရဲ့အလောင်းနှစ်ဆယ်ကျော်တွေ့တယ်။ကျွဲ၊နွားတွေကိုလဲသတ်ဖြတ်သွားသေးတယ်။ ထိုဖြစ်ရပ်ဟာသတင်းပေါက်ကြားမှုကြောင့်စစ်တပ်ရဲ့ဝင်ရောက်စီးနင်းချင်းကိုခံရတာပဲ။သတင်းပေးဒလန်ကိုမိပေမယ့်ပေးဆပ်ရမှုကကြီးမားလွန်းတယ်။ပြည်သူတွေရော၊PDFတွေပါအများအပြားကျဆုံးပြီးလက်နက်တွေပါဆုံရှုံးလိုက်ရတယ်။

စစ်ကောင်စီလက်အောက်ခံဗဟိုဘဏ်ကဒေါ်လာရည်ညွှန်းဈေးနှုန်းကို၁၈၅၀ကျပ်မှ၂၁၀၀ကျပ်ကိုပြောင်းလဲလိုက်ပြီးနောက်စက်သုံးဆီဈေးတွေသုံးရက်အတွင်းတစ်လီတာကျပ်ငါးရာခန့်ခုန်တက်ကုန်တယ်။စစ်ခေါင်းဆောင်မင်းအောင်လှိုင်ကပြည်ပကနေစက်သုံးဆီတင်သွင်းမှုကိုလျော့ချဖို့ပြောလိုက်တော့အခြေအနေတွေကပိုဆိုးကုန်တာပေါ့။ဒီနေ့အထိဈေးတွေဆက်တက်နေတုန်းပဲ။ ရန်ကုန်မှာတောင်ဆိုင်ကြီးတွေမှာစက်သုံးဆီကိုမနက်ပိုင်းပဲဝယ်လို့ရတယ်။ညနေပိုင်းလောက်ဆိုဆီဆိုင်တွေအတော်များများမှာဆီမကျန်တော့ဘူး။နယ်မြို့ကြီးတွေမှာလဲသယ်ယူပို့ဆောင်စားရိတ်တွေထပ်ပေါင်းတာကြောင့်စက်သုံးဆီတွေပြတ်လပ်ကုန်ပြီ။မန္တလေးလိုမြို့ကြီးမှာတောင်ဆီဆိုင်ကြီးနှစ်ဆိုင်လောက်ပဲရောင်းနိုင်တော့တယ်။ကျန်တဲ့ဆိုင်တွေအကုန်ဆီမရှိလို့ပိတ်ကုန်ပြီ။မန္တလေးဟာဆိုင်ကယ်မြို့တော်ဖြစ်တဲ့အတွက်တမြို့လုံးဒုက္ခရောက်ကုန်ပြီ။အပြင်မှောင်ခိုဆီဆိုင်လေးတွေကနေတစ်လီတာ၅၀၀၀လောက်နဲ့ဝယ်သုံးနေရပြီ။ရှမ်းပြည်နယ်တို့ပူတာအိုတို့မှာဆိုတစ်လီတာကိုကျပ်တစ်သောင်းနားကပ်နေပြီ။ စစ်ကောင်စီဟာပြည်ပကနေစက်သုံးဆီတင်သွင်းဖို့ဒေါ်လာအလုံအလောက်မထုတ်ပေးနိုင်တော့ဘူး။လုပ်ငန်းရှင်တွေကလဲအပြင်ဈေးကွက်ကနေဒေါ်လာဝယ်ပြီးမတင်သွင်းနိုင်ဘူး။ဒါကြောင့်ရန်ကုန်ဆိပ်ကမ်းမှာဆီတင်သင်္ဘောကြီးတွေရောက်နေပေမယ့်လဲငွေချေစရာဒေါ်လာမရှိဖြစ်နေတယ်။

စစ်ကိုင်းတိုင်း၊ယင်းမာပင်မြို့နယ်၊ရင်ပေါင်တိုင်ရွာကိုစစ်သူပုန်တွေရုတ်တရက်လေကြောင်းကနေရဟတ်ယာဉ်တွေနဲ့ဝင်စီးလျက်ရှိတယ်။တိုက်ခိုက်ရေးရဟတ်ယာဉ်နှစ်စီးနဲ့ရွာထဲကိုပစ်ခတ်နေပြီးနောက်နှစ်စီးနဲ့စစ်သားတွေချသွားတယ်။ရုတ်တရက်လေကြောင်းကဝင်ရောက်လာတာကြောင့်ရွာသားတွေပြေးချိန်မရပဲတစ်ရာကျော်ရွာထဲမှာပိတ်မိနေတယ်။ထိုဒေသကစစ်ကောင်စီအာဏာသက်ရောက်မှုလုံးဝမရှိတော့ပဲလွတ်မြောက်နယ်မြေလိုဖြစ်နေပြီ။မြေပြင်ကနေစစ်ကြောင်းထိုးလို့မရတော့တာကြောင့်လေကြောင်းကနေဝင်စီးတာဖြစ်တယ်။ ထိုရွာမှာချင်းပြည်နယ်ကPDFလေးတွေလက်နက်သယ်ဖို့ရောက်ရှိနေပြီးထိုသတင်းကိုစစ်တပ်သတင်းပေးတစ်ဦးကမုံရွာကိုအကြောင်းကြားလိုက်လို့ရုတ်တရက်ဝင်စီးခံလိုက်ရတာပါ။ချင်းပြည်နယ်ကPDFတချို့လွတ်မြောက်သွားပေမယ့်တချို့ကတော့ပျောက်ဆုံးနေဆဲပဲ။လက်နက်ခဲယမ်းတချို့လဲဆုံးရှုံးသွားတယ်။ဒေသခံတော်လှန်ရေးတပ်ဖွဲ့တွေကတော့ရွာကိုပြန်လည်ရယူဖို့ပြင်ဆင်လျက်ရှိတယ်။

‌ကချင်ပြည်နယ်ဖားကန့်မြို့တောင်ဖက်ကဆယ်ဇင်းရွာမှာKIA PDF တွေနဲ့စစ်တပ် ရှမ်းနီတပ်တို့ပြင်းထန်စွာတိုက်ပွဲဖြစ်ပွားလျက်ရှိတယ်။ထိုရွာဟာရွာကြီးဖြစ်ပြီးရွှေထွက်လို့ရွှေကျင်တဲ့အလုပ်သမားတွေအဓိနေထိုင်ကြတယ်။ရှမ်းနီတပ်နဲ့စစ်တပ်တို့ကရွာကိုဆက်ကြေးကောက်နေတဲ့အပြင်ရွာသားတွေကိုပါဒုက္ခပေးနေလို့KIAကဝင်ရောက်သိမ်းပိုက်ဖို့ကြိုးစားတယ်။တိုက်ပွဲကြောင့်ရွာလဲမီးရှို့ခံရပြီးရဲစခန်းနဲ့ဘုန်းကြီးကျောင်းပဲကျန်တော့တယ်။ဘုန်းကြီးကျောင်းထဲမှာပြည်သူတချို့ပိတ်မိနေပြီးရွာသားလေးဆယ်ကိုလဲစစ်တပ်ကသတ်ဖြတ်လိုက်တယ်လို့ကြားရတယ်။ ရှမ်းနီလက်နက်ကိုင်အဖွဲ့တွေကစစ်ကိုင်းတိုင်းအထက်ပိုင်းမှာလဲစစ်တပ်နဲ့ပူးပေါင်းပြီးပြည်သူကိုဒုက္ခမျိုးစုံပေးလျက်ရှိတယ်။အခုဆယ်ဇင်းရွာမှာလဲရွှေထွက်နေတာကြောင့်သူတို့အကျိုးစီးပွားအတွက်စစ်တပ်နဲ့ပေါင်းပြီးအလုပ်လုပ်နေတယ်။ကချင်ပြည်နယ်မှာKIAကတိုက်ပွဲကြီးတွေမဖော်ဆောင်တာအတော်ကြာနေပြီ။ဆယ်ဇင်းရွာဖက်ပြီးရင်တော့ကျောက်စိမ်းထွက်တဲ့ဖားကန့်ကိုထိန်းချုပ်ဖို့ဆက်လုပ်လိမ့်မယ်ထင်တယ်။

မူးမြစ်ကမ်းဘေးရှိ စစ်ကိုင်း၊ မြင်းမူ၊ ဝက်လက်မြို့နယ်များမှ ကျေးရွာများကို စစ်ကောင်စီတပ်က မြေပြင်တပ်များသာမက ဝေဟင်ကပါ တိုက်ခိုက်မှုပြုလုပ်နေပြီး ဒေသခံ ၆၀ကျော်ကို ဖမ်းထားကြောင်း သိရသည်။ ဒေသတွင်း သတင်းရင်းမြစ်များထံမှ ကနဦး ရရှိထားသည့် အချက်အလက်များအရ မြင်းမူမြို့ နယ်...