Military Coup Myanmar

နိုင်ငံတော်သမ္မတကြီးဦးဝင်းမြင့်နဲ့အတိုင်ပင်ခံပုဂ္ဂိုလ်ဒေါ်ဆောင်ဆန်းစုကြည်ကိုနောက်ဆုံးအမှုတွေစစ်ဆေးလို့အပြီးမှာမတရားထောင်ဒဏ်၇နှစ်ထပ်မံချမှတ်လိုက်ပါတယ်။ဒါကြောင့်သူတို့နှစ်ဦးကိုချမှတ်ထားတဲ့ထောင်ဒဏ်စုစုပေါင်းဟာ၃၃နှစ်အထိဖြစ်သွားပါပြီ။ဒီတိုင်းဆိုရင်ကျန်ရှိတဲ့သက်တမ်းတလျောက်လုံးကိုထောင်ထဲမှာပဲကုန်ဆုံးသွားရမယ့်ပုံစံဖြစ်နေပြီ။အခုလောလောဆယ်တော့နှစ်ယောက်လုံးကျန်းမာရေးကောင်းတယ်လို့သိရတယ်။စစ်ကောင်စီဟာဒီနှစ်မကုန်ခင်သူတို့ကိုစွဲချက်တင်ထားတဲ့အမှုတွေအကုန်အပြီးဖြတ်နေတာပါ။စစ်ကောင်စီဟာအမှုတွေပြီးသွားမှသူတို့နှစ်ဦးကိုနိုင်ငံတကာကိုယ်စားလှယ်တွေနဲ့ပေးတွေ့နိုင်မယ်လို့ပြောထားတော့နောက်ပိုင်းမှာနိုင်ငံရေးအရအသုံးချတော့မလားဆိုတာစဉ်းစားစရာပဲ။အရင်စစ်ခေါင်းဆောင်တွေလက်ထက်ကလဲဒေါ်အောင်ဆန်းစုကြည်ကိုအသုံးချပြီးကစားခဲ့ဖူးတယ်လေ။  

တရုတ်နိုင်ငံကမြန်မာနိုင်ငံဆိုင်ရာအထူးကိုယ်စားလှယ်အသစ်ခန့်အပ်လိုက်တယ်။စစ်ကောင်စီကိုဘယ်လိုမှသိမ်းသွင်းဖျောင်းဖျလို့မရတဲ့ကိုယ်စားလှယ်လောင်းကိုတာဝန်မှရုပ်သိမ်းပြီးအခုရက်ပိုင်းတင်အသစ်ခန့်အပ်လိုက်တာပါ။အဆိုပါအထူးကိုယ်စားလှယ်အသစ်ဟာမြန်မာပြည်ကိုရောက်လာပြီးစစ်ကောင်စီနဲ့တွေ့ဖို့ရှိတယ်။မြန်မာပြည်မလာခင်မြောက်ပိုင်းEAOအဖွဲ့တွေနဲ့တွေ့ဆုံပီးပြီ။EAOတွေကတော့မိတ်ဆက်တဲ့သဘောတွေ့ဆုံတယ်လို့ပြောပေမယ့်အဲ့ဒီနောက်မှာနက်နဲတဲ့ဆွေးနွေးမှုတွေရှိနေမှာတော့အသေအချာပဲ။US NDAAထွက်ပြီးနောက်ပိုင်းမြန်မာပြည်ကိုတရုတ်ကိုယ်စားလှယ်အသစ်ချက်ချင်းရောက်လာတာတိုက်ဆိုင်မှုတော့မဖြစ်နိုင်ဘူး။NDAAကိုတန်ပြန်ဖို့စစ်ကောင်စီနဲ့ပေါင်းပြီးနည်းလမ်းတွေရှာကြလိမ့်မယ်။ဖမ်းဆီးခံထားရတဲ့ဒေါ်အောင်ဆန်းစုကြည်နဲ့တွေ့ခွင့်တောင်းလိမ့်မယ်။ဒါပေမယ့်အခုနောက်ပိုင်းမှာတရုတ်နဲ့စစ်ကောင်စီဟာအစေးသိပ်မကပ်တော့တဲ့အတွက်သူတို့အကြံအစည်တွေအောင်မြင်မယ်မထင်ဘူး။

မန္တလေးမြို့ နာမည်ကြီးပုဂ္ဂလိကဆေးရုံ ၅ ခုကို ယခုနှစ် ဒီဇင်ဘာလကုန်နောက်ဆုံးထား၍ ပိတ်သိမ်းရန် စစ်ကောင်စီက အမိန့်ပေးထားတယ်။ပိတ်သိမ်းခံရတဲ့ဆေးရုံတွေကတော့ မြို့တော်၊ နန်းတော်၊ ကံ့ကော်၊ ထက်နေလင်း၊ စိန်ပန်းတို့ဖြစ်ပြီး ၄ လခန့် ပိတ်သိမ်းမည်ဟု သိရတယ်။ပြီးခဲ့သည့်ရက်ပိုင်းအတွင်း နန်းတော်နှင့် မြို့တော်ဆေးရုံတို့မှ...

ပြည်နယ်နဲ့တိုင်းတွေရဲ့ ကိုယ်ပိုင်ဖွဲ့စည်းပုံဥ‌ပဒေ ပြဋ္ဌာန်းခွင့်ပုံစံကို စစ်အာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင်က ဇန်နဝါရီလ ၁၀ရက်နေ့ ၇၅နှစ်မြောက် ကချင်ပြည်နယ်နေ့ မိန့်ခွန်းထဲမှာ ထည့်သွင်းပြောဆိုလာပါတယ်။ အမျိုးသားဒီမိုကရေစီအဖွဲ့ချုပ်အစိုးရလက်ထက် ၂၀၂၀ခုနှစ် သြဂုတ်လ ၁၉ရက်၊ ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ စတုတ္ထအစည်းအဝေးဖွင့်ပွဲအခမ်းအနားမှာ ပြည်နယ်နဲ့...

တွေ့ဆုံဖို့ ကြိုတင်ဖိတ်ကြားတာမျိုးမရှိခဲ့ဘူးလို့ဆို ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ရန်ကုန်ကလူမှုကူညီရေးအဖွဲ့တွေ၊ သာသနာနုဂ္ဂဟအသင်း အပါအဝင် အခြားအဖွဲ့အစည်း ၃၀ လောက်နဲ့ ဇန်နဝါရီ ၇ရက်နေ့က တွေ့ဆုံခဲ့ပြီးပါတီနဲ့ ပူးပေါင်းဆောင်ရွက် ဖို့ ပါတီဥက္ကဋ္ဌ ဦးခင်ရီကတိုက်တွန်းပြောဆိုခဲ့ တယ်လို့သိရပါတယ်။ အခုလိုတွေ့ဆုံမှုကို ပြည်ခိုင်ဖြိုးပါတီဘက်က...

စစ်ကိုင်းတိုင်း၊ မြောင်မြို့နယ်အတွင်း ဧရာဝတီမြစ်ရိုးဘေးတည်ရှိတဲ့ ပန်းညိုရွာက နေအိမ် အလုံး ၂၀၀ လောက်ကို ဇန်နဝါရီလ ၉ရက်နေ့ နေ့လည် ၂နာရီလောက်ကစပြီး စစ်ကောင်စီတပ်ဖွဲ့ဝင်တွေက မီးရှို့ခဲ့ တယ်လို့ မြေပြင်သိရှိသူနဲ့ ဒေသခံတွေထံကသိရပါတယ်။ အိမ်ခြေ ၇၀၀ လောက်ရှိတဲ့...

စစ်အာဏာသိမ်းခဲ့တဲ့ ၂၀၂၁ ခုနှစ် ဖေဖော်ဝါရီ ၁ ရက်ကနေ ၂၀၂၃ ခုနှစ်စပိုင်းအထိ အသတ်ခံရတဲ့ ကျန်းမာရေး ဝန်ထမ်း ၈၃ ယောက်၊ ဖမ်းဆီးတရားစွဲဆိုခံရတဲ့သူ ၃၅၅ယောက် ထိခိုက်ဒဏ်ရာရရှိသူ ၇၈၉ ယောက် ရှိတယ်လို့ အချက်လက်တွေကို...

UN Resolution ကို ဗြိတိန်ကသွင်းတယ်။ ရီဗျူးလုပ်ကြပြီး ၁၂ က ထောက်ခံ ၃ က ကြားနေ အနေနဲ့ ရှိတယ်။ ကြားနေ (၃) က တရုတ်၊ ရုရှား၊ အိန္ဒိယ ဖြစ်တယ်။...

ဒီဇင်ဘာလ၁၆ရက်နေ့ကတည်းကကရင်ပြည်နယ်ကော့ကရိတ်မြို့နယ်မှာဖြစ်တဲ့တိုက်ပွဲတွေဟာအခုထိပြင်းထန်နေဆဲပဲ။စစ်ကောင်စီဖက်ကလေကြောင်းအင်အား၊လက်နက်ကြီးအင်အားနဲ့တင့်ကားတွေပါသုံးလာတယ်။စစ်ပွဲထဲရောက်လာတဲ့စစ်ကောင်စီတင့်ကားနှစ်စီးလဲတော်လှန်ရေးတပ်ဖွဲ့တွေရဲ့ဒရုန်းရန်ကြောင့်ပျက်စီးသွားပြီ။စစ်တပ်ကပစ်ခတ်တဲ့လက်နက်ကြီးထိမှန်လို့ရွာထဲကဘုန်းကြီးကျောင်းပါမကျန်ပျက်စီးပြီးဘုန်းတော်ကြီးတပါးလဲသေဆုံးသွားတယ်။နယ်စပ်ကုန်သွယ်ရေးလဲရပ်တန့်နေတယ်။အာရှလမ်းမကြီးကသွားမရတော့အချို့ကားလေးတွေဆိုရင်တောလမ်းကနေခက်ခက်ခဲခဲသွားလာနေရတယ်။ကုန်ကားကြီးတွေကတော့လုံးဝရပ်ထားရတော့ပေါ့။တိုက်ပွဲဟာထပ်ကြာဦးမယ်ထင်တယ်။        

မနေ့ကပြောခဲ့တဲ့စစ်ကောင်စီအတွက်နိုင်ငံတကာရဲ့ထိုးနှက်မှုကြီးဆိုတာကိုသုံးပိုင်းခွဲပြီးပြောရမယ်။ ပထမဆုံးကအာဆီယံအလှည့်ကျဥက္ကဌကအင်ဒိုနီးရှားဖြစ်လာတာပဲ။အင်ဒိုနီးရှားဟာအာဆီယံမှာအကြီးဆုံးဒီမိုကရေစီနိုင်ငံဖြစ်တယ်။စစ်ကောင်စီကိုသဘောမကျတဲ့အာဆီယံနိုင်ငံတွေထဲမှာထိပ်ဆုံးကပါတယ်။စစ်အာဏာသိမ်းမှုကိုပြင်းပြင်းထန်ထန်ဝေဖန်ထားတဲ့အင်ဒိုနီးရှားဟာသူအလှည့်ကျဥက္ကဌဖြစ်လာတဲ့အချိန်မှာအရင်ဘရူနိုင်းနဲ့ကမ္ဘောဒီးယားတို့လို့မဟုတ်ပဲမြန်မာ့အရေးကိုထိထိရောက်ရောက်ကိုင်တွယ်တော့မယ်လို့ယူဆရတယ်။ပြီးခဲ့တဲ့အာဆီယံထိပ်သီးအစည်းအဝေးမှာလဲစစ်ကောင်စီကိုအချိန်သတ်မှတ်ပေးဖို့၊ဝန်ကြီးအဆင့်တခြားဘယ်အစည်းအဝေးကိုမှပေးမတက်ဖို့ပြောလာတယ်။ဒါကြောင့်၂၀၂၃ထဲမှာစစ်ကောင်စီဟာအာဆီယံကိုအရင်လိုအရူးလုပ်လို့မရတော့ဘူး။ဒါဟာစစ်ခေါင်းဆောင်တွေအတွက်ထိုးနှက်ချက်တစ်ခုပဲ။ ဒုတိယတစ်ခုကတော့လုံခြုံရေးကောင်စီရဲ့ဆုံးဖြတ်ချက်ပဲ။မြန်မာ့သမိုင်းမှာဘယ်တုန်းကမှမရှိခဲ့တဲ့လုံခြုံရေးကောင်စီရဲ့ဆုံးဖြတ်ချက်ဟာအခုစစ်ခေါင်းဆောင်တွေလက်ထက်ကျမှဖြစ်ပေါ်လာခဲ့တယ်။ဒါဟာသူတို့ဘယ်လောက်မိုက်မဲနေကြောင်းပြသလိုက်တာပဲ။အခုလောလောဆယ်တော့ထိုဆုံးဖြတ်ချက်မှာအရေးယူမှုတွေမပါသေးပေမယ့်စစ်ကောင်စီကိုပြင်းပြင်းထန်ထန်ကိုင်တွယ်ဖို့လမ်းစတစ်ခုစတင်ဖြစ်ပေါ်လာတယ်လို့ပြောလို့ရတယ်။စစ်ခေါင်းဆောင်တွေဆက်လက်မိုက်မဲနေမယ်ဆိုရင်တော့မြန်မြန်ဇာတ်သိမ်းသွားနိုင်တယ်။ နောက်ဆုံးတစ်ခုကတော့ US NDAA ပါ။ဒီနှစ် US NDAAမှာBurma Acts ဥပဒေတစ်ခုလုံးကိုထည့်သွင်းထားပြီးဒီမိုကရေစီဘက်တော်သားတွေအတွက်လက်နက်ကလွဲလို့ကျန်တာအားလုံးနီးပါးထောက်ပံပေးဖို့ပါဝင်လာတယ်။အပေါ်ကထိုးနှက်ချက်နှစ်ခုဟာချက်ချင်းလက်ငင်းစစ်ကောင်စီအပေါ်သက်ရောက်မှုမရှိသေးပေမယ့်ဒီတစ်ခုကတော့ရက်ပေါင်းခြောက်ဆယ်အတွင်းစတင်အသက်ဝင်မှာဖြစ်တယ်။ပြီးတော့အကူအညီတွေဟာမြေပြင်ကိုတိုက်ရိုက်ရောက်ရှိလာမှာဖြစ်ပြီးတော်လှန်ရေးအတွက်အကျိုးသက်ရောက်မှုကကြီးမားတယ်။ဒါကြောင့်ဒီတစ်ခုကိုတော့စစ်ကောင်စီကအကြောက်ဆုံးပဲ။ဒါပေမယ့်စစ်ကောင်စီအနေနဲ့ဘာမှတန်ပြန်လို့မရနိုင်ဘူး။ ဒီထိုးနှက်ချက်ကြီးတွေဟာနိုင်ငံရေးအရစစ်ကောင်စီကိုအရှိုက်ထိုးလိုက်တာပဲ။ဒီအချိန်မှာပြန်လည်ကုစားဖို့ဆိုတာသူတို့အတွက်ဘယ်လိုမှမဖြစ်နိုင်တော့ဘူး။ဒီမိုကရေစီဘက်တော်သားတွေအတွက်တော့အားဆေးတွေရလိုက်သလိုပဲ။ဒါကြောင့်တော်လှန်ရေးဟာအခုမှစတာလို့ပြောလို့ရတယ်။