Military Coup Myanmar

မနေ့ကမနက်ပိုင်းရွှေကုက္ကိုမြို့ဖက်မှာတိုက်ပွဲတွေဖြစ်နေသလိုနေ့ခင်းပိုင်းမှာမြဝတီမြို့အနီးမှာပဲတော်လှန်ရေးအဖွဲ့တွေနဲ့စစ်ကောင်စီတပ်တွေဒီနေ့အထိဆက်လက်တိုက်ပွဲဖြစ်ပွားလျက်ရှိတယ်။ပြီးခဲ့တဲ့သုံးရက်ကလည်းမြဝတီကိုပြန်လာတဲ့စစ်တပ်အင်အားလေးဆယ်လောက်ပါတဲ့စစ်ကားကိုကော်ဘရာစစ်ကြောင်းကတိုက်ခိုက်ခဲ့တဲ့အပြင်ဝေါလေဗျူဟာကုန်းကိုဒရုန်းနဲ့ဗုံးကြဲတိုက်ခိုက်ခဲ့လို့ဗျူဟာကုန်းမှာရှိတဲ့ဟောင်ဝစ်ဇာအမြောက်ထိခိုက်ပျက်စီးသွားတယ်။ထိုအမြောက်ဟာအနီးအနားကျေးရွာတွေကိုရမ်းသမ်းပစ်ခတ်ပြီးဒုက္ခပေးနေတဲ့အမြှောက်တစ်ခုပါ။အခုတော့ပျက်စီးသွားပါပြီ။ ထိုင်းမြန်မာကုန်သွယ်ရေးလမ်းကြောင်းပေါ်ကကော့ကရိတ်မြို့ကစပြီးမြဝတီအထိမတ်လ၂၅ရက်နေ့ကစပြီးတိုက်ပွဲတွေဆက်တိုက်ဖြစ်ပွားနေလို့အာရှလမ်းမကြီးကိုပိတ်လိုက်ရပြန်ပြီ။မကြာမှီသင်္ကြန်ရောက်တော့မယ့်အချိန်မှာထိုင်းမြန်မာကုန်သွယ်ရေးရပ်ဆိုင်းသွားတဲ့အတွက်ပြည်တွင်းမှာသင်္ကြန်ကာလကုန်ဈေးနှုန်းတွေတက်လာနိုင်တယ်လို့ပြောဆိုနေကြတယ်။

ကရင်ပြည်နယ်၊မြဝတီမြို့ရွှေကုက္ကိုမြို့သစ်မှာစစ်တပ်လက်အောက်ခံBGFစခန်းတွေကိုကရင်ပူးပေါင်းတပ်ဖွဲ့တွေဒီမနက်အစောပိုင်းမှာစီးနင်းတိုက်ခိုက်ခဲ့တယ်။ရွှေကုက္ကိုမြို့သစ်ဆိုတာကရင်ပြည်နယ်မှာတရုတ်ရင်းနှီးမြုပ်နှံမှုနဲ့တည်ဆောက်ထားတဲ့လောင်းကစားမြို့ပါ။ထိုမြို့ကိုBGFတပ်ဖွဲ့တွေကထိန်းချုပ်ထားတယ်။ဒီမနက်မှာတော့လောင်းကစားရုံတွေရှိတဲ့နေရာတွေမှာပါနှစ်ဖက်တိုက်ပွဲတွေဖြစ်နေတယ်။တိုက်ပွဲပြင်းထန်တဲ့အတွက်စစ်တပ်ကလေကြောင်းကနေပစ်ကူပေးနေတယ်။မြို့နေလူထုသုံးထောင်လောက်ကတော့သောင်ရင်းမြစ်ကိုကူးပြီးထိုင်းဖက်ထွက်ပြေးနေရတယ်။နှစ်ဖက်အထိအခိုက်အကျအဆုံးကိုတော့အတိအကျမသိရသေးဘူး။ကရင်ပြည်နယ်ထဲမှာတော့စစ်ခွင်ဟာတဖြည်းဖြည်းကျယ်ပြန့်လာနေတယ်။

စစ်ကောင်စီဟာNLDပါတီကိုမဖျက်သိမ်းခင်ထောင်ထဲရောက်နေတဲ့ဒေါ်အောင်ဆန်းစုကြည်ကိုဖျောင်းဖျဖို့ကြိုးစားခဲ့တယ်။သူတို့သိမ်းသွင်းထားတဲ့အရင်NLDပါတီအမတ်ဟောင်းဒေါ်စန္ဒာမင်းကိုဒေါ်အောင်ဆန်းစုကြည်နဲ့ပေးတွေ့ခဲ့သေးတယ်။ဒေါ်စန္ဒာမင်းဆိုတာစစ်ကောင်စီဘက်ပြည်သူ့မျက်နှာမထောက်ပူးပေါင်းသွားလို့ပြည်သူ့ချဉ်ဖတ်ဖြစ်သွားတဲ့အမတ်ဟောင်းတစ်ယောက်ပဲ။ဒေါ်အောင်ဆန်းစုကြည်ကိုသူနဲ့ပေးတွေ့ပေးပြီးNLDပါတီရွှေးကောက်ပွဲပြန်ဝင်အောင်ကြိုးစားခဲ့တာပါ။ဒါမှလဲသူတို့လုပ်တဲ့ရွှေးကောက်ပွဲအတုအယောင်ကနိုင်ငံတကာမှတရားဝင်မှုများရလာမလားလို့ပါ။ဒါပေမယ့်ဒေါ်အောင်ဆန်းစုကြည်ကအတွေ့မခံပဲပြန်လွှတ်လိုက်တယ်။ဒါဟာပြည်သူတွေဆင်နွဲနေတဲ့တော်လှန်ရေးအပေါ်ထားတဲ့ဒေါ်အောင်ဆန်းစုကြည်ရဲ့သဘောထားပဲ။သူမဟာပြည်သူတွေနဲ့အတူရှိနေပါတယ်။

NLDပါတီအပါအဝင်ပါတီလေးဆယ်ကျော်ကိုရွှေးကောက်ပွဲအတွက်မှတ်ပုံပြန်မတင်လို့စစ်ကောင်စီကဖျက်သိမ်းလိုက်တာနဲ့ပတ်သတ်ပြီးအနောက်နိုင်ငံတွေနဲ့အဖွဲ့အစည်းတွေကဝိုင်းဝန်းပြစ်တင်ကန့်ကွက်ကြတယ်။အထူးသဖြင့်NLDပါတီဖျက်သိမ်းခံလိုက်ရတာကိုပေါ့။ပါတီကိုဖျက်သိမ်းပြီးနောက်ပါတီပိုင်ပစ္စည်းတွေကိုပြည်သူပိုင်သိမ်းမယ်လို့လဲစစ်ကောင်စီကလေသံပစ်ထားတယ်။ဒီကာလမှာတော့ဘာဥပဒေမှမရှိပဲသူတို့ပြုသမျှနုရမှာပေါ့။ ထူးခြားမှုကထိုဖြစ်စဉ်အပေါ်တရုတ်နဲ့အာဆီယံကဘာမှမပြောပဲနုတ်ဆိတ်လျက်ရှိတယ်။တရုတ်ဆိုရင်အရင်ကNLDပါတီဖျက်သိမ်းမှုအပေါ်မှာမလိုလားကြောင်းပြသခဲ့တယ်။ဒါပေမယ့်အခုချိန်မှာဘာမှမပြောတော့ပဲနုတ်ဆိတ်နေတာဟာစစ်ကောင်စီနဲ့အပေးအယူတစ်ခုခုများရှိနေလားမပြောတတ်ဘူး။အာဆီယံဆိုတာလဲအလားတူပဲ။သက်ဆိုင်သူအားလုံးနဲ့တွေ့ဆုံနိုင်ရေးဆိုပြီးအသံကောင်းဟစ်နေပေမယ့်အခုကျတော့ဘာသံမှထွက်မလာနိုင်ဘူး။ဘာပဲစစ်ကောင်စီကသူလုပ်ချင်တာလုပ်ခွင့်ရသွားတာပဲ။  

စစ်ကောင်စီကမတ်လ၃၀ရက်နေ့နောက်ပိုင်းကစပြီးစစ်တိုင်းမှုးနဲ့ထိပ်ပိုင်းရာထူးတွေကိုအပြောင်းအလဲပြုလုပ်နေတယ်။တချို့တွေကိုဖြုတ်ပစ်လိုက်ပြီးတချို့တွေကိုတော့ရာထူတိုးပေးကာနေရာရွှေ့ပြောင်းလိုက်တယ်။အထူးသဖြင့်လတ်တလောတိုက်ပွဲတွေပြင်းထန်နေတဲ့တောင်ပိုင်းတိုင်းစစ်ဌာနချုပ်တိုင်းမှုးနေရာကိုအပြောင်းအလဲလုပ်ထားတယ်။တောင်ပိုင်းကကရင်ပြည်နယ်မှာအခုရက်ပိုင်းအတွင်းစစ်တပ်ဟာအကြီးအကျယ်တိုက်ခိုက်ခံနေရတယ်။ စစ်တိုင်းမှုးတွေအပြောင်းအလဲလုပ်တာဟာစစ်တပ်အတွင်းမတည်ငြိမ်မှုတွေကိုဖော်ပြနေတာပဲ။အသစ်ရောက်လာတဲ့တိုင်းမှုးတွေဟာနယ်မြေအနေအထားကောင်းစွာမသိသေးပဲစစ်ဆင်ရေးတွေပြုလုပ်လေ့ရှိတာကြောင့်စစ်တပ်ဟာပိုပြီးအထိနာလာနိုင်တယ်။ဒါကြောင့်စစ်တပ်အတွင်းအပြောင်းအလဲများလေလေတော်လှန်ရေးအတွက်ကောင်းလေလေပဲ။

စစ်ကောင်စီကသူတို့ပြဌာန်းထားတဲ့ရွှေးကောက်ပွဲဥပဒေကိုအကြောင်းပြပြီးNLDပါတီကိုဖျက်သိမ်းတယ်လို့ကြေငြာလိုက်တယ်။ထိုဥပဒေမှာရွှေးကောက်ပွဲကိုဝင်မပြိုင်ရင်ပါတီအဖြစ်မှာအလိုလိုပျက်ပျယ်တယ်လို့ပြောထားတယ်။စစ်ကောင်စီရဲ့အတုအယောင်ရွှေးကောက်ပွဲမှာပြည်သူဖက်မှာရှိတဲ့အထင်ကရပါတီကြီးတွေတစ်ခုမှဝင်ရောက်ယှဉ်ပြိုင်ခြင်းမရှိဘူး။NLDနည်းတူတတိယအကြီးဆုံးပါတီကြီးတစ်ခုဖြစ်တဲ့ရှမ်းပြည်နယ်ကSNLDပါတီကလဲဝင်ရောက်ယှဉ်ပြိုင်ခြင်းမရှိဘူး။စစ်ကောင်စီရဲ့အဆွယ်အပွားနောက်လိုက်ကြိုးဆွဲပါတီတွေသာပြန်လည်မှတ်ပုံတင်ကြတာဖြစ်တယ်။သူတို့တွေပါတီမှတ်ပုံတင်နေကြပေမယ့်ထိုအတုအယောင်ရွှေးကောက်ပွဲကျင်းပမယ့်ရက်အတိအကျကိုတောင်မှစစ်ကောင်စီကအခုထိကြေငြာနိုင်ခြင်းမရှိဘူး။ဒါဟာလိမ်ဆင်ကြီးတစ်ခုပဲဆိုတာအသိသာကြီးပဲလေ။

ကမ္ဘာ့ဘဏ်ကခန့်မှန်းတယ်တဲ့။ ၂၀၂၃-၂၄ ဘဏ္ဌာနှစ်မှာ မြန်မာနိုင်ငံရဲ့စီးပွားရေးဖွံ့ဖြိုးမှုနှုန်းဆိုးဆိုးရွား ရွားဆုတ်ယုတ်နိုင်ဖယ်ရှိတယ်လို့ဆိုတယ်။ အာဏာသိမ်းပြီးကတည်းက ကောင်းတာဘာရှိလို့ လဲ။ အခု ဆိုရင် တစ်နိုင်ငံလုံးမှာ မီးပျက်တာလည်းမြင်မကောင်းဘူး။ လူတွေက မီးလာချိန်ကိုမှန်းဆပြီးအလုပ် လုပ်နေကြရတယ်။ စားဝတ်နေရေးအတွက်ကရုန်းရကန်ရ၊ စစ်တပ်ကနှိပ်စက်တာလည်းတစ်ဖက်ကနေ လူးလှိမ့်ပြီးခံနေရသေးတယ်။ မြန်မာနိုင်ငံဟာ စီးပွားရေးတင်မဟုတ်ပါဘူး၊...

ထန်ထလန်မှာလည်း စစ်တပ်ကလေကြောင်းကနေ ဗုံးကြဲတိုက်ခိုက်နေတယ်လို့သိရတယ်။ စစ်တပ် ဟာ မရရတဲ့နည်းနဲ့ သူတို့အာဏာကိုတစ်နိုင်ငံလုံးလွှမ်းခြုံနိုင်ဖို့ကြိုးပမ်းနေတယ်။ ထုံးစံအတိုင်း မြေပြင်မှာ တိုက်လိုမနိုင်ရင် လေကြောင်းနဲ့ဗုံးကြဲတယ်။ အဲဒီတော့ အရပ်သားတွေပါသေဆုံးကြရတယ်။ ပြည်သူတွေ ရဲ့အသက်ဟာ စစ်တပ်အာဏာအတွက် နေ့စဉ်နဲ့အမျှပေးဆပ်နေကြရတယ်။ ထန်တလန်မှမဟုတ်ပါဘူး။ စစ်ကိုင်းရော ကယားရော...

မြန်မာနိုင်ငံကို စစ်တပ်ကအာဏာသိမ်းပြီးနောက်ပိုင်း ကြုံတွေ့ရတာအများဆုံးကိစ္စတစ်ခုက စစ်ဘေး ရှောင်လူဦးရေများပြားလာတာပဲ။ မြန်မာတစ်နိုင်ငံလုံးမှာ စစ်ရှောင်သူဦးရေ နေ့စဉ်နဲ့အမျှတိုးလို့နေ တယ်။ စစ်ကိုင်း၊ ကယား၊ ချင်း၊ ကချင်နဲ့ ရှမ်းပြည်နယ်တွေမှာ မရေမတွက်နိုင်တဲ့ စစ်ရှောင်ဦးရေတွေ ဟာ အိုးအိမ်မဲ့ အစာရေစာရှားပါးမှုဒဏ်ကိုအလူးအလှိမ့်ခံနေကြရတယ်။ ဒီနေ့...

တာမွေမြို့နယ်၊ အရှေ့မြင်းပြိုင်ကွင်းလမ်းမှာ လမ်းရှင်းနေတဲ့ယာဥ်ထိန်းရဲတပ်ဖွဲ့ဝင်တွေဟာ ဒီနေ့ မနက် ၁၀ နာရီလောက်က ဗုံးနဲ့ ပစ် တိုက်ခိုက်ခံရတာကြောင် ယာဥ်ထိန်းရဲမေ တစ်ဦး ဒဏ်ရာရခဲ့တယ်လို့ သ တင်းတွေမှာဖတ်ရပါတယ်။ ရန်ကုန်မြို့ဟာ လူတွေစည်ကား၊ ပွဲတော်တွေနဲ့အမြဲပြည့်နှက်နေတာကြောင့် ကွက်ပြီး လွတ်လပ်ရေးရနေသလားလို့တောင်...