Military Coup Myanmar

ဒီလ၁ရက်နဲ့၂ရက်မှာပြုလုပ်တဲ့မြောက်ပိုင်းလက်နက်ကိုင်သုံးဖွဲ့နဲ့စစ်ကောင်စီတို့ကြားငြိမ်းချမ်းရေးဆွေးနွေးပွဲဟာဘာသဘောတူညီမှုမှမရပဲပြီးဆုံးသွားတယ်။တကယ်ကသုံးရက်လုပ်ဖို့စီစဉ်ထားတာဖြစ်ပြီးနှစ်ရက်နဲ့ပြီးဆုံးသွားတယ်ဆိုတော့ပွဲပျက်သွားတဲ့သဘောပဲ။ထိုဆွေးနွေးပွဲကိုလဲတရုတ်ကကြီးမှုးကျင်းပတာဖြစ်ပြီးနှစ်ဘက်စလုံးကစိတ်သိပ်မပါလှပဲဟန်ပြပုံစံသာလုပ်သွားတာပါ။တကယ်လဲဆွေးနွေးပွဲကျင်းပနေချိန်မှာစစ်ကောင်စီနဲ့MNDAAအဖွဲ့မြေပြင်မှာတိုက်ပွဲတွေဖြစ်နေခဲ့တယ်။စစ်တပ်ကအရင်စတိုက်တာဖြစ်လို့ဆွေးနွေးတာကသပ်သပ်၊စစ်တိုက်တာကသပ်သပ်လို့စစ်ကောင်စီကသဘောထားပုံရတယ်။ဒီပုံစံနဲ့တော့မြောက်ပိုင်းအဖွဲ့တွေနဲ့စစ်ကောင်စီတို့ငြိမ်းချမ်းရေးရဖို့မပြောနဲ့၊သဘောတူညီချက်အဆင့်တောင်ရဖို့မလွယ်ပါဘူး။သူတို့တွေအဆင်ပြေလေတော်လှန်ရေးအတွက်ပိုကောင်းလေပဲပေါ့။

စစ်ကိုင်းတိုင်း မုံရွာမြို့ပေါ်က စစ်အုပ်စုကို ပြောက်ကျားနည်းနဲ့ တိုက်ခိုက်ပြီး စစ်ရေးမစ်ရှင်တွေ ဆက်တိုက် လုပ်ဆောင်နေတဲ့ မုံရွာ Area 71 PDF တပ်ဖွဲ့စခန်း ဒီမနက်ပိုင်း စစ်အုပ်စုရဲ့ စီးနင်းမီးရှို့ ဖျက်ဆီးတာ ခံခဲ့ရပြီး ရဲဘော်တွေ လွတ်မြောက်ပေမယ့်...

တနင်္သာရီတိုင်း၊ မြိတ်ခရိုင်၊ ပုလောမြို့နယ် နန်းတောင်ကျေးရွာအုပ်စုရှိ ကျောင်းနိမ့် ကျေးရွာကို ယနေ့ ဇွန်လ ၅ ရက် နံနက် ၇ နာရီခွဲခန့်တွင် စစ်ကောင်စီတပ်က ဒရုန်းဖြင့်ဗုံးကြဲ တိုက်ခိုက်ခဲ့ကြောင်း သတင်းရရှိသည်။ ဒရုန်းဖြင့်တိုက်ခိုက်ခဲ့သည်မှာ ပုလောမြို့နယ်အခြေစိုက် ခလရ(၂၈၅)တပ်ရင်းမှဖြစ်ပြီး...

ကြာအင်းဆိပ်ကြီးမြို့ထဲမှာ ဒီနေ့မနက်ပိုင်းက စစ်ကောင်စီတပ်နဲ့ ကရင့်ပူးပေါင်းတပ်တွေကြား တိုက်ပွဲ ဖြစ်ပွားခဲ့ပါတယ်။ကြာအင်းဆိပ်ကြီးမှာအခြေစိုက်တဲ့ခြေလျင်တပ်ရင်းဌာနချုပ်ကိုမနေ့ညသန်းခေါင်ယံကစတင်ပြီး မနက်ပိုင်းအထိ ကရင့်ပူးပေါင်းတပ်တွေက ဒရုန်းနဲ့ ဗုံးချကာ ကနဦး တိုက်ခိုက်ခဲ့တယ်။ အဲဒီနောက်မှာတော့ မြို့ပေါ်က ခရိုင်ရဲတပ်ဖွဲ့ရုံး နဲ့ဌာနဆိုင်ရာ ရုံးတွေကို ကရင့်ပူးပေါင်းတပ်တွေ ဝင်တိုက်တယ်။ တိုက်ပွဲမှာ...

စစ်ကိုင်းတိုင်းအခြေပြုတော်လှန်ရေးအင်အားစု၂၀၀ကျော်တက်ရောက်နေတဲ့စစ်ကိုင်းဖိုရမ်ကိုဒီရက်တွေထဲကျင်းပနေပြီးနိုင်ငံရေး၊စစ်ရေး၊အုပ်ချုပ်ရေးနဲ့အထွေထွေကိစ္စရပ်များကိုဆွေးနွေးနေတယ်။တော်လှန်ရေးကာလနှစ်နှစ်ကျော်အတွင်းစစ်ကိုင်းမှာဒီလိုဖိုရမ်မျိုးပထမဆုံးအကြိမ်ကျင်းပတာဖြစ်တယ်။ဒီပွဲကျင်းပဖို့အဖွဲ့အစည်းအားလုံးအတော်အားစိုက်လုပ်ဆောင်ထားရတာဖြစ်တယ်။တော်လှန်ရေးအဖွဲ့တွေပြန့်ကျဲနေတဲ့စစ်ကိုင်းတိုင်းလိုဒေသမျိုးမှာစုပေါင်းတိုင်ပင်ဖို့လိုအပ်နေတဲ့အချိန်အခုလိုစုဝေးဆွေးနွေးကြတာအပေါင်းလက္ခဏာဆောင်တဲ့လုပ်ဆောင်ချက်ပဲ။ဒါပေမယ့်လဲဒီတစ်ခေါက်နဲ့အရာအားလုံးအဆင်ပြေသွားမှာတော့မဟုတ်ဘူး။နောက်ထပ်လဲဒီလိုပွဲမျိုးထပ်လုပ်နိုင်ဖို့ကြိုးစားရဦးမယ်။

လီလီနိုင်ကျော်ပစ်ခတ်လုပ်ကြံခံရပြီးနောက်စစ်တပ်ကိုထောက်ခံသူတွေအသိုင်းအဝိုင်းမှာဂယက်တွေထနေတယ်။လေးရက်အတွင်းစစ်တပ်ထောက်ခံသူအမျိုးသားရေးအစွန်းရောက်နှစ်ဦးသေဆုံးသွားတာကိုး။လီလီနိုင်ကျော်မတိုင်ခင်ကလဲစစ်တပ်အစွန်းရောက်ထောက်ခံတဲ့တင့်လွင်ဆိုသူတစ်ဦးလက်ဖက်ရည်ဆိုင်ထိုင်နေတုန်းပစ်ခတ်ခံရလို့သေဆုံးသွားသေးတယ်။သူဆိုရင်ပထမအကြိမ်လုပ်ကြံခံရပြီးမသေပဲအခုမှငရဲရောက်သွားတာပဲ။ ဒါကြောင့်စစ်တပ်ထောက်ခံသူအသိုင်းအဝိုင်းမှာကိုယ့်အလှည့်ဘယ်တော့လာမလဲကြောက်ရွံ့နေကြပြီ။တချို့တွေကနေပြည်တော်ကိုပြောင်းပြေးကြတယ်။တချို့တွေကတော့လက်နက်ပေးဖို့၊အစောင့်အရှောက်ပေးဖို့တောင်းဆိုကြတယ်။သူတို့တွေကိုလက်နက်ပေးလဲဘာမှထူးမယ်မထင်ဘူး။UGတွေကသေချာစောင့်ကြည့်ပြီးမှအလစ်အငိုက်ကိုလုပ်ကြံတာလေ။သေနတ်တောင်ထုတ်ချိန်ရမှာမဟုတ်ဘူး။ဆောင်ထားတဲ့လက်နက်တောင်ပါသွားဦးမယ်။အစောင့်အရှောက်ပေးဖို့ကလဲစစ်တပ်ကသူ့ဘာသာသူတောင်လူအင်အားမလောက်ဖြစ်နေတဲ့အတွက်သူတို့လိုလူမျိုးကိုပေးမှာဟုတ်ဘူး။ဒီအချက်တွေကိုသူတို့ကိုယ်တိုင်လဲသိတယ်။အဲ့ဒီတော့အရူးမီးဝိုင်းနေကြပြီလေ။

အာဏာသိမ်းစစ်တပ်ကိုထောက်ခံပြီးစစ်တပ်ဖက်ကလူမျိုးရေးဘာသာရေးမှိုင်းတွေကိုဖြန့်ဝေပေးနေသူအဆိုတော်လီလီနိုင်ကျော်ဟာဒီနေ့သူမရဲ့ကားပေါ်မှာပဲပစ်ခတ်လုပ်ကြံခံရပြီးသေဆုံးသွားတယ်။သူမဟာတော်လှန်ရေးဘက်တော်သားတွေရဲ့သတင်းတွေကိုစစ်ကောင်စီကိုပေးနေလို့လုပ်ကြံလိုက်ရတာလို့တော်လှန်ရေးအဖွဲ့တွေဖက်ကပြောတယ်။အဆိုတော်လီလီနိုင်ကျော်ဟာစစ်ကောင်စီထိပ်ပိုင်းကလူတွေနဲ့ရင်းနှီးသူတစ်ယောက်ဖြစ်ပြီးအာဏာသိမ်းခါစစစ်ကောင်စီရဲ့စီစဉ်မှုနဲ့ဘီဘီစီသတင်းဌာနနဲ့တွေ့ဆုံခွင့်ရတဲ့သူတွေထဲမှာပါဝင်လိုက်သေးတယ်။အဲ့တုန်းကတည်းကပြည်သူတွေကသူမကိုအမြင်မကြည်ခဲ့ဘူး။သူကိုယ်တိုင်ကလဲထိမ်းထိမ်းသိမ်းသိမ်းမနေထိုင်ခဲ့တဲ့အတွက်ဒီလိုအခြေနေမျိုးကြုံရတာပဲ။

NUGကဒေသခံပြည်သူ့ကာကွယ်ရေးတပ်ဖွဲ့တွေကိုလက်နက်တပ်ဆင်မှုတွေသိသိသာသာတွေ့မြင်လာရတယ်။အရင်ကEAOနယ်မြေတွေကကော်ဘရာစစ်ကြောင်းလိုအဖွဲ့တွေကိုသာတပ်ဆင်ပေးခဲ့ပေမယ့်အခုဆိုပြည်မနယ်မြေတွေဖြစ်တဲ့စစ်ကိုင်း၊မကွေးနဲ့ပဲခူးကဒေသခံပြည်သူ့ကာကွယ်ရေးတပ်ဖွဲ့တွေကိုအပြည့်အဝမဟုတ်ပေမယ့်တစိတ်တပိုင်းတော့လက်နက်တပ်ဆင်ပေးလာနိုင်တယ်။အခုနောက်ဆုံးသိရတာကစစ်ကိုင်းတိုင်းယင်းမာပင်နယ်မြေကပြည်သူ့ကာကွယ်ရေးတပ်ဖွဲ့၃၀ကျော်ကိုတဖွဲ့ငါးလက်နှုန်းနဲ့လက်နက်ငယ်တွေပေးအပ်လိုက်တယ်။ငါးလက်ဆိုတာအဖွဲ့တစ်ခုအတွက်ဘာမှမပြောပလောက်ပေမယ့်ချို့တဲ့တဲ့အဖွဲ့တွေအတွက်ဆိုရင်တော့အားတစ်ခုပဲ။NUGကဒီလိုလုပ်ပေးတာအချိန်အားဖြင့်နောက်ကျနေပေမယ့်ဘာမှမလုပ်ပေးနိုင်တာထပ်စာရင်တော့ပိုကောင်းတာပေါ့လေ။

ချင်းပြည်နယ်ဟားခါးနဲ့ထန်တလန်ကြားသီးမစ်လွင်ပြင်ဒေသမှာစစ်ကောင်စီတပ်တွေနဲ့ချင်းကာကွယ်ရေးတပ်ဖွဲ့တွေကြားတိုက်ပွဲတွေပြင်းထန်လျက်ရှိတယ်။စစ်သူပုန်တွေဖက်ကအင်အား၂၀၀ခန့်နဲ့ချီတက်လာပြီးသူတို့ထိန်းချုပ်လို့မရတော့တဲ့ထန်တလန်မြို့ကိုအင်အားဖြည့်ကိုအဓိကရည်ရွယ်တာဖြစ်တယ်။တိုက်ပွဲတွေမှာလေကြောင်းပစ်ကူနဲ့လက်ကြီးဒဏ်တွေကြောင့်ချင်းကာကွယ်ရေးတပ်ဖွဲ့တွေဖက်မှာအကျအဆုံးများနေတယ်။အနည်ဆုံး၁၀ဦးကျော်ကျဆုံးသွားပြီးအရေအတွက်ဟာဒီထပ်ပိုတိုးလာနိုင်တယ်။ဒါပေမယ့်လဲချင်းကာကွယ်ရေးအဖွဲ့တွေဖက်ကတော့အစွမ်းကုန်ခုခံလျက်ရှိတယ်။ ချင်းပြည်နယ်ကိုပြီးခဲ့တဲ့လကစစ်ယာဉ်တန်းနှစ်ခုနဲ့စစ်တပ်ဖက်အင်အားဖြည့်တင်းလာလို့တိုက်ပွဲတွေပြင်းထန်ခဲ့ပြီးနောက်ပိုင်းအခုတခေါက်ထိတွေ့မှုကြီးကြီးမားမားပြန်လည်ဖြစ်ပေါ်လာတာပဲ။စစ်ကောင်စီဖဖက်ကထန်တလန်မြို့ကိုအင်အားဖြည့်ဖို့ကြိုးစားပေမယ့်မကြာမီချင်းတောင်တန်းဒေသမှာမိုးကျတော့မှာဖြစ်တာကြောင့်အောင်မြင်မယ်မထင်ဘူး။

အဆိုတော်ဗျူဟာပြောတဲ့လျှပ်စစ်မီးအကြောင်းပြောရရင်ရန်ကုန်မှာတော့မုန်တိုင်းအပြီးမှာမီးရချိန်အနည်းငယ်တိုးလာတယ်။ဒါပေမယ့်တချို့နေရာတွေမှာတော့ဆိုးရွားစွာပျက်တောက်နေဆဲပဲ။မန္တလေးမှာဆိုရင်ဆင်ခြေဖုန်းမြို့နယ်တွေမှာနေ့တိုင်းတနေကုန်မီးမလာပဲညလူအိပ်ချိန်ရောက်မှမီးပေးတဲ့အထိဆိုးရွားလျက်ရှိတယ်။စစ်ခေါင်းဆောင်မင်းအောင်လှိုင်ကိုယ်တိုင်ကလျှပ်စစ်မီးပြသာနာဟာသူ့အတွက်အကြီးမားဆုံးအခက်အခဲတစ်ခုပဲလို့ဝင်ခံထားတယ်။ဒါပေမယ့်ဒီပြသာနာကိုဖြေရှင်းဖို့ဘာမှကြိုးစားအားထုတ်မှုမတွေ့ရဘူး။နိုင်ငံတကာကလဲပိတ်ဆို့မှုကိုကျော်လွားပြီးဖြေရှင်းနိုင်စွမ်းလဲစစ်ကောင်စီမှာမရှိဘူး။ ဒီလိုသာနိုင်ငံတဝန်းနွေရာသီရောက်တိုင်းလျှပ်စစ်မီးပျက်တောက်နေရင်ကုန်ဈေးနှုန်းတွေဆက်တက်နေဦးမှာပဲ။ကုန်ထုတ်လုပ်တဲ့စက်ရုံတွေဟာမီးစက်မောင်းနေရတဲ့အတွက်သူတို့ကုန်ပစ္စည်းတွေအပေါ်ဈေးတင်မှာပဲ။ဒီသံသရာဟာနောက်ဆုံးသုံးစွဲသူပြည်သူတွေပေါ်ရောက်ပြီးငွေကြေးဖောင်းပွမှုကဆက်လက်မြင့်တက်လာဦးမှာပဲ။အခုမိုးရာသီရောက်တော့မှာမို့ပြေလည်သယောင်ရှိသွားပေမယ့်နောက်နှစ်နွေအတွက်ဆိုရင်မတွေးရဲစရာပဲ။