အာဏာသိမ်းစစ်ကောင်စီတပ်က တအာင်းတပ်မတော်(TNLA)သိမ်းပိုက်ထားတဲ့ မြို့ရွာတွေကို လေကြောင်းကနေ ဗုံးကြဲတိုက်ခိုက်တဲ့ စစ်ဆင်ရေးတွေ နေ့တိုင်းနီးပါး ပြုလုပ်ခဲ့ရာ အောက်တိုဘာ ၁ရက်နေ့ကနေ ၁၀ရက်အတွင်း စစ်ကောင်စီရဲ့ ဗုံးကြဲတိုက်ခိုက်မှုကြောင့် ကလေးငယ်တွေအပါအဝင် ပြည်သူ ၂၈ဦးထက်မနည်း သေဆုံးကာ ၃၀ဦးထက်မနည်း ဒဏ်ရာရရှိခဲ့ပါတယ်။ TNLA ရဲ့ထုတ်ပြန်မှုတွေအရ မိုးကုတ်၊ သီပေါ၊ နမ္မတူ၊ မန်တုံ၊ နမ့်ဆန်၊ မိုင်းလုံ၊ မိုင်းငေါ့၊ မိုးမိတ် စတဲ့ TNLAထိန်းချုပ်ထားတဲ့ မြို့တွေကို စစ်ကောင်စီက လေကြောင်း ဗုံးကြဲတိုက်ခိုက်မှု ဆက်တိုက်ပြုလုပ်ခဲ့တာပါ။ နမ္မတူနဲ့ သီပေါကို လေကြောင်း တိုက်ခိုက်မှု အကြိမ်ကြိမ် ပြုလုပ်ခဲ့တယ်။ ဒီလေကြောင်း တိုက်ခိုက်ခံရမှုတွေမှာ ကလေးငယ်တွေအပါအဝင် ပြည်သူတွေအစုလိုက် အပြုံလိုက်သေဆုံးထိခိုက်ခဲ့ရတာပါ။ TLNA သိမ်းပိုက်ထားတဲ့မြို့အားလုံးကို စစ်ကော်မရှင်က လေကြောင်းကနေတောက်လျှောက်ခြိမ်းခြောက်နေတာပါ။ ဒီလထဲမှာလဲ အဆိုပါနှစ်ဖွဲ့တွေ့ဆုံဆွေးနွေးဖို့ရှိသေးတယ်။ ထိုဆွေးနွေးပွဲမှာအထက်စီးက ပြောဆိုလို့ရအောင်မြို့ရွာတွေကို ဗုံးကြဲနေခြင်းပါ။
အောက်တိုဘာ ၁၃၊ ၂၀၂၅။ (တနင်္ဂနွေ)
အာဆီယံအလှည့်ကျဥက္ကဌမလေးရှားနိုင်ငံခြားရေးဝန်ကြီးနေပြည်တော်ကိုနေ့ချင်းပြန်လာသွားတယ်။စစ်ကော်မရှင်ကပြုလုပ်မယ့်ရွေးကောက်ပွဲကိစ္စအတွက်ပါ။အပြန်မှာတော့ထိုအတုအယောင်ရွေးကောက်ပွဲအတွက်စောင့်ကြည့်လေ့လာသူတွေစေလွှတ်မှာမဟုတ်ဘူးလို့ပြောသွားတယ်။ဒါက်ိုစစ်ကော်မရှင်ကအာဆီယံကလေ့လာသူတွေစေလွတ်မယ်လို့ဗြောင်လိမ်သေးတယ်။ အာဆီယံကတော့သူတို့ချမှတ်ထားတဲမူချက်ကိုမလိုက်နာသေးသ၍စစ်ကော်မရှင်ကိုထောက်ခံမယ့်ပုံမပေါ်ပါဘူး။ဒါပေမယ့်တရုတ်နဲ့ရုရှားတို့နဲ့ထောက်ခံမှုရရှိထားတဲ့အတွက်အာဆီယံကိုအရေးစိုက်မယ့်ပုံမပေါ်ပါဘူး။
