ဗန်းမော်မြို့ကိုစစ်ကော်မရှင်ရဲ့ စစ်ကူသင်္ဘောတွေရောက်ရှိသွားတာKIAအတွက်သာမကပဲ မြစ်ကြောင်းတစ်လျောက်က တော်လှန်ရေးအင်အားစုတွေအတွက် ကြီးမားတဲ့ခြိမ်းခြောက်မှုတစ်ခုပါပဲ။စစ်သင်္ဘောတွေဟာ မန္တလေးမြို့ကိုကနေအစီးရေ ၂၀ကျော်နဲ့ဆန်တက်လာခဲ့ပြီးလမ်းတလျောက်က ဧရာဝတီမြစ်ကမ်းဘေးမြို့တွေကို စစ်ကူအင်အားတွေချပေးနိုင်ခဲ့တယ်။တော်လှန်ရေးအင်အားစုတွေကလမ်းမှာ ကြားဖြတ်တိုက်ခိုက်ပါတယ်။ဒါပေမယ့် သပိတ်ကျင်းမြို့အနီးနဲ့ရွှေကူမြို့အနီးမှာသာ တိုက်ခိုက်နိုင်ခဲ့ပြီး ထိရောက်စွာမတားဆီးနိုင်ခဲ့ပါဘူး။တကယ်ဆိုရင် မြစ်ကြောင်းတစ်လျောက်တိုက်ခိုက်မှုတွေ ဒီထပ်ပိုပြီးလုပ်နိုင်ခဲ့သင့်တယ်။အခုတော့ စစ်ကော်မရှင်ကဧရာဝတီမြစ်ကြောင်းတစ်လျောက် မြို့တွေကိုအင်အားဖြည့်နိုင်သွားပြီ။ဗန်းမော်မြို့ကိုပါ အင်အားဖြည့်တင်းနိုင်သွားတဲ့အတွက် မြို့သိမ်းတိုက်ပွဲဆင်နွှဲနေတဲ့ KIAအတွက်အခက်အခဲတွေဖြစ်လာတော့မှာပါ။
ဒီဇင်ဘာ ၀၆၊ ၂၀၂၅။ (စနေ)
မနေ့ကဒေါက်တာတေဇာဆန်းဆန္ဒပြသွားတဲ့စျေးချိုတော်နားကမနက်ခင်းလမ်းဘေးစျေးလေးကိုစစ်အုပ်စုကလာရောက်ဖျက်စီးသွားတယ်။ပြည်သူက်ုအကြောက်တရားသွင်းပြီးတော်လှန်ရေးကိုမထောက်ခံရဲအောင်ပြုလုပ်နေတာပဲ။ဒေါက်တာတေဇာဆန်းကိုလဲမြို့အနှံရှာဖွေနေကြတယ်။ မနေ့ကသပိတ်ခေါင်းဆောင်တွေကဒီလ၁၀ရက်နေ့မှာအသိတိတ်သပိတ်တစ်ခုပြုလုပ်သွားမယ်လို့ပြောသွားတယ်။စစ်အာဏာရှင်ကိုဆန့်ကျင်ကြောင်းပြဖို့ပြည်သူတရပ်လုံးပါဝင်နိုင်တဲ့အကောင်းဆုံးနည်းလမ်းဟာအသံတိတ်သပိတ်ပါပဲ။အာဏာသိမ်းပီးတဲ့နောက်အခါအားလျော်စွာပြုလုပ်ဖို့ဆော်သြကြပေမယ့်နောက်ဆုံးပြုလုပ်ခဲ့တဲ့အသံတိတ်သပိတ်ဟာတော့အောင်မြင်ခြင်းမရှိခဲ့ပါဘူး။ဒီတကြိမ်မှာတော့ဘယ်လိုဖြစ်လာမလဲမသိဘူး။
