သြဂုတ် ၀၂၊ ၂၀၂၅။ (စနေ)

ဧရာဝတီမြစ်ကြောင်းတစ်လျောက် ဆန်တက်လာတဲ့ စစ်သင်္ဘောအုပ်စုဟာ နောက်ဆုံးမှာဗန်းမော်မြို့ကို ရောက်ရှိသွားပါပြီ။သပိတ်ကျင်းမြို့အထက်ထီးချိုင့်၊ ကသာမြို့နယ်တွေကနေစုစုပေါင်း၁၇စီးခန့် ဆက်လက်ဆန်တက်လာတာပါ။ဗန်းမော်မြို့မရောက်ခင် ဒုတိယမြစ်ကျဥ်းတည်ရှိရာ ရွှေကူမြို့နားမှာKIAရဲ့တိုက်ခိုက်မှုကြောင့် ရက်အနည်းငယ်ပိတ်မိနေသေးတယ်။ရွှေကူမြို့ကနေဆန်တက်နိုင်ဖို့ သုံးကြိမ်ခန့်ကြိုးစားပြီးမှ ဗန်းမော်မြို့ကိုရောက်ရှိလာခဲ့တယ်။KIAက စစ်သင်္ဘောငါးစီးခန့်ဖျက်စီးနိုင်ခဲ့တာကြောင့် စစ်အုပ်စုရဲ့နောက်ဆုံးပန်းတိုင်ဖြစ်တဲ့ ဗန်းမော်မြို့ကို၁၂စီးခန့် ကမ်းကပ်နိုင်ခဲ့တယ်လို့ခန့်မှန်းကြတယ်။၁၂စီးဆိုတဲ့အရေအတွက်ဟာ တိုက်ပွဲဖြစ်ပွားနေတဲ့မြို့တစ်မြို့ကို လူအင်အား၊လက်နက်အင်အားဖြည့်တင်းနိုင်ဖို့ ကောင်းကောင်းလုံလောက်ပါတယ်။စစ်အုပ်စုရဲ့ ရည်မှန်းချက်အောင်မြင်တယ်လို့ပြောရမှာပဲ။