ဇူလိုင် ၃၁၊ ၂၀၂၅။ (ကြာသပတေး)

ဒီနေ့မှာစစ်ကောင်စီဟာ သူတို့ရဲ့ခြောက်လတစ်ကြိမ်ပုံမှန် သက်တမ်းတိုးနေကြနေ့ဖြစ်တယ်။ဒါပေမယ့်ဒီတကြိမ်မှာတော့ အရေးပေါ်ကာလဆိုတာကြီးကို သက်တမ်းမတိုးတော့ပါဘူး။ ရွေးကောက်ပွဲ ကျင်းပနိုင်ရန် ရည်ရွယ်ထားပြီး သူတို့ ဖွဲ့စည်းထားသည့် စစ်ကောင်စီဟု ခေါ်ကြသည့် နိုင်ငံတော်စီမံအုပ်ချုပ်ရေး ကောင်စီ (န.စ.က) ကို ဖျက်သိမ်းပြီး  နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ကို ပြောင်းလဲဖွဲ့စည်းလိုက်တယ်။ အာဏာသိမ်း စစ်တပ်ရဲ့ ထိပ်တန်းစစ်ဗိုလ်ချုပ်ကြီးအများစုဖြင့် ဖွဲ့စည်းထားသည့်  ထိုစစ်ကော်မရှင်တွင် အာဏာသိမ်းစစ်ခေါင်းဆောင် မင်းအောင်လှိုင်က ကော်မရှင် ဥက္ကဋ္ဌအနေဖြင့် ယာယီသမ္မတနှင့် တပ်မတော်ကာကွယ်ရေး ဦးစီးချုပ်တာဝန်များကို ရယူထားတယ်။ အဲ့ဒီတော့ တပ်ချုပ်ဖြစ်တဲ့မင်းအောင်လှိုင်က ဒုတိယသမ္မတမင်းအောင်လှိုင်ကို အာဏာလွဲပေးလိုက်တဲ့သဘောပါပဲ။ ပီးတော့ အဖွဲ့အစည်းအမည်ပြောင်းလိုက်တဲ့အတွက် စစ်ကောင်စီကနေ စစ်ကော်မရှင်လို့ ပြောင်းခေါ်ရတော့မယ်။ ထိုစစ်ကော်မရှင်က ရွေးကောက်ပွဲပြုလုပ်ဖို့ ဆက်လက်ဆောင်ရွက်သွားမှာဖြစ်တယ်။ စစ်ကောင်စီကတော့​ ရွေးကောက်ပွဲကိုဒီနှစ်ကုန်မှာ မဖြစ်မနေပြုလုပ်သွားမယ့်ပုံပါပဲ။