စစ်ကိုင်းငလျင်ကြီးလှုပ်ပြီးတာ တစ်လကျော်ကြာခဲ့ပါပြီ။ဒီတစ်လအတွင်းမှာ ငလျင်ဒဏ်သင့် ပြည်သူတွေရဲ့နေထိုင်မှုဘဝအခြေအနေကတော့ တိုးတက်လာခြင်းမရှိသေးပါဘူး။အိမ်ပြိုသွားပြီး မိသားစုပါဆုံး၊နေစရာပါဆုံးရှုံးသွားတဲ့သူတွေအတွက် ထိရောက်တဲ့ ဘာအကူအညီမှမရသေးပါဘူး။ပိုက်ဆံချမ်းသာတဲ့သူတွေဆိုလဲ အိမ်ပြန်ဆောက်ဖို့ထပ် ပြိုသွားတဲ့အိမ်ကိုရှင်းလင်းဖို့စားရိတ်အတွက် ရင်လေးနေရတယ်။ဒီလိုအခက်အခဲတွေကြားထဲမှာမှ နောက်ဆက်တွဲငလျင်ငယ်လေးတွေကလဲ အခုချိန်ထိဆက်လှုပ်နေသေးတယ်။ဒါ့အပြင်နွေခေါင်ခေါင်ကြီးမှာ အချိန်အခါမဟုတ် မိုးကလဲသည်းထန်စွာရွာသွန်းနေလို့ မပြိုသေးတဲ့အဆောက်အဦးတချို့ ထပ်မံပြိုကျသေးတယ်။မကြာမှီ မိုးရာသီးကျရောက်လာတော့မှာမို့ နေစရာမရှိတဲ့ပြည်သူတွေအတွက် ရင်လေးစရာပါပဲ။
ဒီဇင်ဘာ ၀၆၊ ၂၀၂၅။ (စနေ)
မနေ့ကဒေါက်တာတေဇာဆန်းဆန္ဒပြသွားတဲ့စျေးချိုတော်နားကမနက်ခင်းလမ်းဘေးစျေးလေးကိုစစ်အုပ်စုကလာရောက်ဖျက်စီးသွားတယ်။ပြည်သူက်ုအကြောက်တရားသွင်းပြီးတော်လှန်ရေးကိုမထောက်ခံရဲအောင်ပြုလုပ်နေတာပဲ။ဒေါက်တာတေဇာဆန်းကိုလဲမြို့အနှံရှာဖွေနေကြတယ်။ မနေ့ကသပိတ်ခေါင်းဆောင်တွေကဒီလ၁၀ရက်နေ့မှာအသိတိတ်သပိတ်တစ်ခုပြုလုပ်သွားမယ်လို့ပြောသွားတယ်။စစ်အာဏာရှင်ကိုဆန့်ကျင်ကြောင်းပြဖို့ပြည်သူတရပ်လုံးပါဝင်နိုင်တဲ့အကောင်းဆုံးနည်းလမ်းဟာအသံတိတ်သပိတ်ပါပဲ။အာဏာသိမ်းပီးတဲ့နောက်အခါအားလျော်စွာပြုလုပ်ဖို့ဆော်သြကြပေမယ့်နောက်ဆုံးပြုလုပ်ခဲ့တဲ့အသံတိတ်သပိတ်ဟာတော့အောင်မြင်ခြင်းမရှိခဲ့ပါဘူး။ဒီတကြိမ်မှာတော့ဘယ်လိုဖြစ်လာမလဲမသိဘူး။
