အောက်တိုဘာ ၂၊ တနင်္လာ

ကုန်ဈေးနှုန်းတွေကကြီး၊ အကူအညီအထောက်အပံ့တွေကလည်း အရင်လို ပုံမှန်မရတော့တဲ့ ရခိုင်ပြည်နယ်က စစ်ရှောင်စခန်း တွေမှာ တချို့စစ်ဘေးရှောင် ပြည်သူတွေ ဆန်ကွဲစားရတဲ့အခြေ အနေကြုံနေရကြောင်း၊ ထမင်းအငတ်မခံနိုင်လို့ ဆန်ကွဲကိုပဲ သည်းခံစား နေရတာ နှစ်ပေါက်လာပြီဖြစ် ကြောင်း စစ်ရှောင်စခန်းကလူတွေပြောတဲ့သတင်းတစ်ပုဒ်ဖတ်လိုက်ရတယ်။ ဘဝတွေများဘယ်လောက် အထိ ခါးနေဦးမှာလဲ။ ရခိုင်တင်မဟုတ်ပါဘူး။ မြန်မာနိုင်ငံအထက်ပိုင်း၊ အောက်ပိုင်း အများကြီးမှ တကယ့် ကိုအများကြီးပါပဲ။ မင်းအောင်လှိုင်တစ်ယောက်ကြောင့် အကုန်လုံးဒုက္ခရောက်ကြရတယ်။