ကရင်ပြည်နယ်ဒေါနတောင်ပေါ်ကစစ်အုပ်ရဲ့ အောင်ဇေယျစစ်ကြောင်းဟာစစ်ကြောင်းလေးခုခန့်ခွဲပြီး ထိုးစစ်ဆင်လာတာလို့သိရတယ်။ပင်မစစ်ကြောင်းကို ဒေါ်နတောင်ပေါ်မှာတော်လှန်ရေးတပ်ဖွဲ့တွေက ကောင်းစွာပိတ်ဆို့ထားနိုင်ပေမယ့်တောလမ်းကနေ နောက်ထပ်စစ်ကြောင်းနှစ်ခု ပတ်တက်လာခဲ့တယ်။ဒါ့အပြင်မြဝတီမြို့မှ စုစည်းနေတဲ့စစ်ပြေးစစ်သားတွေက နောက်ထပ်စစ်ကြောင်းတစ်ခုအဖြစ် တပ်လာတာကြောင့်တော်လှန်ရေးတပ်ဖွဲ့တွေအနေနဲ့သုံးဘက်ညှပ်ပြီး တိုက်ခိုက်ခံနိုင်ရခြေရှိတာကြောင်း ဆုတ်ခွာပေးလိုက်ရတာလို့သိရတယ်။အခုတော့စစ်တပ်စစ်ကြောင်းတွေဟာ တော်လှန်ရေးတပ်ဖွဲ့တွေထိန်းချုပ်ထားနိုင်ခဲ့တဲ့ သင်္ဃန်းညီနောင်အထိ ရောက်ရှိလာပါပြီ။အာရှလမ်းမကြီးမှာလဲအတားအဆီးမရှိသလောက် ဖြစ်သွားတာမို့သူတို့ရဲ့ရည်မှန်းချက်ဖြစ်တဲ့ မြဝတီမြို့အထိမကြာခင် ရောက်ရှိသွားပါလိမ့်မယ်။
ထိုအောင်ဇေယျစစ်ကြောင်းဟာ ၂၀၂၄ဧပြီလကတည်းကမြဝတီမြို့ကိုသုံးရက်အတွင်း ချီီတက်မယ်လို့ကြွေးကြော်ခဲ့တာပါ။ဒါပေမယ့် ဒေါ်နတောင်ခြေမှာ ရက်ငါးရာကျော်ပိတ်မိနေခဲ့တယ်။KNUကတော့စစ်အုပ်စုကို ရက်ငါးရာကျော်ပိတ်ဆို့ထားနိုင်တဲ့အတွက် တော်လှန်ရေးပူးပေါင်းတပ်တွေကို ဂုဏ်ပြုထားပါတယ်။ဒါပေမယ့်လဲ ထိုင်းမြန်မာကုန်သွယ်ရေးအတွက်အရေးပါတဲ့ အာရှလမ်းမကြီးကိုတော့ လက်လွတ်လိုက်ရပြီဖြစ်ပါတယ်။
