ဧရာဝတီမြစ်ကြောင်းတစ်လျောက် ဆန်တက်လာတဲ့ စစ်သင်္ဘောအုပ်စုဟာ နောက်ဆုံးမှာဗန်းမော်မြို့ကို ရောက်ရှိသွားပါပြီ။သပိတ်ကျင်းမြို့အထက်ထီးချိုင့်၊ ကသာမြို့နယ်တွေကနေစုစုပေါင်း၁၇စီးခန့် ဆက်လက်ဆန်တက်လာတာပါ။ဗန်းမော်မြို့မရောက်ခင် ဒုတိယမြစ်ကျဥ်းတည်ရှိရာ ရွှေကူမြို့နားမှာKIAရဲ့တိုက်ခိုက်မှုကြောင့် ရက်အနည်းငယ်ပိတ်မိနေသေးတယ်။ရွှေကူမြို့ကနေဆန်တက်နိုင်ဖို့ သုံးကြိမ်ခန့်ကြိုးစားပြီးမှ ဗန်းမော်မြို့ကိုရောက်ရှိလာခဲ့တယ်။KIAက စစ်သင်္ဘောငါးစီးခန့်ဖျက်စီးနိုင်ခဲ့တာကြောင့် စစ်အုပ်စုရဲ့နောက်ဆုံးပန်းတိုင်ဖြစ်တဲ့ ဗန်းမော်မြို့ကို၁၂စီးခန့် ကမ်းကပ်နိုင်ခဲ့တယ်လို့ခန့်မှန်းကြတယ်။၁၂စီးဆိုတဲ့အရေအတွက်ဟာ တိုက်ပွဲဖြစ်ပွားနေတဲ့မြို့တစ်မြို့ကို လူအင်အား၊လက်နက်အင်အားဖြည့်တင်းနိုင်ဖို့ ကောင်းကောင်းလုံလောက်ပါတယ်။စစ်အုပ်စုရဲ့ ရည်မှန်းချက်အောင်မြင်တယ်လို့ပြောရမှာပဲ။
ဒီဇင်ဘာ ၀၆၊ ၂၀၂၅။ (စနေ)
မနေ့ကဒေါက်တာတေဇာဆန်းဆန္ဒပြသွားတဲ့စျေးချိုတော်နားကမနက်ခင်းလမ်းဘေးစျေးလေးကိုစစ်အုပ်စုကလာရောက်ဖျက်စီးသွားတယ်။ပြည်သူက်ုအကြောက်တရားသွင်းပြီးတော်လှန်ရေးကိုမထောက်ခံရဲအောင်ပြုလုပ်နေတာပဲ။ဒေါက်တာတေဇာဆန်းကိုလဲမြို့အနှံရှာဖွေနေကြတယ်။ မနေ့ကသပိတ်ခေါင်းဆောင်တွေကဒီလ၁၀ရက်နေ့မှာအသိတိတ်သပိတ်တစ်ခုပြုလုပ်သွားမယ်လို့ပြောသွားတယ်။စစ်အာဏာရှင်ကိုဆန့်ကျင်ကြောင်းပြဖို့ပြည်သူတရပ်လုံးပါဝင်နိုင်တဲ့အကောင်းဆုံးနည်းလမ်းဟာအသံတိတ်သပိတ်ပါပဲ။အာဏာသိမ်းပီးတဲ့နောက်အခါအားလျော်စွာပြုလုပ်ဖို့ဆော်သြကြပေမယ့်နောက်ဆုံးပြုလုပ်ခဲ့တဲ့အသံတိတ်သပိတ်ဟာတော့အောင်မြင်ခြင်းမရှိခဲ့ပါဘူး။ဒီတကြိမ်မှာတော့ဘယ်လိုဖြစ်လာမလဲမသိဘူး။
