၂၀၂၁ ခုနှစ် စစ်အာဏာသိမ်းမှု နောက်ဆက်တွဲ အကျိုးဆက်များဖြစ်တဲ့ ပဋိပက္ခကျယ်ပြန့်လာမှု နှင့် စီးပွားရေးကျဆင်းမှုများကြောင့် မြန်မာနိုင်ငံရဲ့ စီးပွားရေးမြို့တော်ဖြစ်သော ရန်ကုန်မြို့တွင် လူပေါင်း ၂ ဒသမ ၇ သန်းကျော် ဆင်းရဲမွဲတေမှု ကြုံတွေ့နေရသည်ဟု ကုလသမဂ္ဂဖွံ့ဖြိုးမှုအစီအစဉ် (UNDP) ကထုတ်ပြန်လိုက်တယ်။ ထိုထုတ်ပြန်မှုမှာ ၂၀၁၇ ခုနှစ်တွင် ရန်ကုန်မြို့ပြလူဦးရေ၏ ၁၀ ရာခိုင်နှုန်းသာ ဝင်ငွေနည်းဆင်းရဲသူ များဖြစ်ပြီး ၂၀၂၃ ခုနှစ်တွင်မူ ၄၃ ရာခိုင်နှုန်းအထိ တိုးမြင့်လာတယ်တဲ့။ ရန်ကုန်မြို့လူဦးရေကို ၆ ဒသမ ၂ သန်းရှိသည်ဟု ခန့်မှန်းထားပြီး လူ ၂ ဒသမ ၇ သန်းခန့် ဆင်းရဲမွဲတေမှုမျဉ်းအောက် ရောက်ရှိနေပြီဆိုတော့ ရန်ကုန်မြို့တဝက်နီးပါးလောက်က ဆင်းရဲနေပြီပေါ့။ နိုင်ငံရေးမတည်ငြိမ်မှု နှင့် စစ်ပွဲများကြောင့် နေရပ်စွန့်ခွာကာ ရန်ကုန်မြို့သို့ ပြောင်းရွှေ့ အခြေချ နေထိုင်မှုများကြောင့်လည်း ရန်ကုန်မြို့၏ ဆင်ခြေဖုံးမြို့နယ်များမှာဆင်းရဲမွဲတေမှု တိုးလာနေတယ်လို့ဆိုတယ်။ အရင်ကဆို မြို့ကြီးပြကြီးတွေကိုရွှေ့ပြောင်းကြတယ်ဆိုတာ ပိုမိုကောင်းမွန်သော လူနေထိုင်မှု နှင့် ဘဝတိုးတက်ကောင်းမွန်ရေးအတွက် ဖြစ်ပေမယ့် အခုကတော့ မူရင်းနေရပ်ဒေသများမှာ ဆက်လက်ရှင်သန်နေထိုင်ဖို့ အခက်အခဲများကြောင့် အရာအားလုံးကို စွန့်လွှတ်ကာ မျှော်လင့်ချက်မဲ့စွာ ရွှေ့ပြောင်းလာရတဲ့သူတွေများနေတယ်။ ဒါဟာလဲပြည်သူတွေလက်ရှိရင်ဆိုင်နေရတဲ့ ဒုက္ခတွေပါပဲ။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
