ကုလသမဂ္ဂကမ္ဘာ့စားနပ်ရိက္ခာအစီအစဉ် (WFP)ရဲ့ ရန်ပုံငွေလိုအပ်ချက် ကြီးမားမှုကြောင့် ဧပြီလက စပြီး မြန်မာနိုင်ငံရှိ လူဦးရေတစ်သန်းကျော်အတွက် အသက်ကယ်ဆယ်ရေး စားနပ်ရိက္ခာအကူအညီများ ရပ်ဆိုင်းသွားတော့မယ်လို့ သိရပါတယ် (WFP)အနေနဲ့ ရန်ပုံငွေအသစ်မရရှိပါက အသက်ငါးနှစ်အောက် ကလေးများ၊ ကိုယ်ဝန်ဆောင်မိခင်များ၊ နို့တိုက်မိခင်များနဲ့ မသန်စွမ်းသူများပါဝင်တဲ့ လူဦးရေ ၃၅,၀၀၀ ခန့်ကိုသာ ကူညီထောက်ပံ့ပေးသွားနိုင်တော့မယ်လို့ ထုတ်ပြန်ထားတယ်။ ဘာ့ကြောင့် ရန်ပုံငွေလိုအပ်ချက်ကြီးမားတယ်ဆိုတာ အကြောင်းပြချက်မပေးပေမယ့် ဒေါ်နယ်ထရမ့်အစိုးရရဲ့နိုင်ငံတကာအကူအညီပေးရေးရန်ပုံငွေတွေဖြတ်တောက်ခံရမှုကြောင့်လို့ သုံးသပ်ကြတယ်။ဒေါ်နယ်ထရမ့်ပေးတဲ့ ဒုက္ခတွေကတော့တစ်ခုပြီးတစ်ခုပါပဲ။ WFP ရဲ့အကူအညီပေးမှုရပ်ဆိုင်းလိုက်တာကြောင့် သက်ရောက်မှုရှိလာမယ့် ဒေသတွေထဲမှာ ရခိုင်ပြည်နယ်က ထိပ်ဆုံးကပါနေတယ်။ ရခိုင်ပြည်နယ်က ရိုဟင်ဂျာတွေနဲ့ရခိုင်ပြည်သူတချို့ဟာ ထိုအကူအညီတွေကို အဓိကအားပြုပြီးရှင်သန်နေကြရတာပါ။ လူဦးရေတစ်သန်းဆိုတာ နည်းတဲ့ပမာဏတော့ မဟုတ်ဘူး။ WFP ဟာမြို့ကြီးတွေရဲ့ဆင်ခြေဖုံးမြို့နယ်တွေမှာနေထိုင်ကြတဲ့ ဆင်းရဲသားပြည်သူတွေကိုလဲ အခါအားလျော်စွာ ဆန်အိတ်တွေ ထောက်ပံလေ့ရှိတယ်။ အခုလိုအခြေအနေတွေကြောင့် ထိုထောက်ပံမှုတွေလဲရှိလာမှာ မဟုတ်တော့ပါဘူး။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
