ဇန်နဝါရီ ၀၇၊ ၂၀၂၅။ (အင်္ဂါ)

၂၀၂၅နှစ်စမှာပဲNUGအစိုးရအဖွဲ့ထဲမှာ အပြောင်းအလဲတွေမြင်တွေ့ရမယ်လို့ ဒုသမ္မတကြီးကိုယ်တိုင်ကပြောလိုက်ပါတယ်။ခြေမပေါ်တဲ့အစိုးရအဖွဲ့ဝင်တွေ၊ဝန်ကြီးတွေကို အပြောင်းအလဲလုပ်မယ်လို့ပြောထားပေမယ့် ဘယ်လိုပုံစံလုပ်ဆောင်မလဲဆိုတာတော့ သေချာမသိရသေးပါဘူး။NUGဝန်ကြီးအချို့ရဲ့စွမ်းဆောင်ရည်တွေနဲ့ပတ်သက်ပြီး ဝေဖန်မှုတွေရှိနေတာကြာပါပြီ။အချို့ဝန်ကြီးဌာနတွေဆိုရင် တော်လှန်ရေးကာလမှာမလိုအပ်ပဲ ဖောင်းပွနေတယ်လို့ပြောကြတယ်။အစိုးရအဖွဲ့ထဲမှာမလိုအပ်ပဲလူများနေတော့ ဘက်ဂျက်များများကုန်နေတာလို့တော်လှန်ရေးအတွက် အနှောက်အယှက်ဖြစ်နေတယ်လို့ဝေဖန်ကြတယ်။ဒီအချက်တွေကိုNUGကိုယ်တိုင်ကလက်ခံပြီး ပြုပြင်ပြောင်းလဲရေးလုပ်မယ်ဆိုရင်တော့ဝမ်းသာစရာပဲ။ဒါပေမယ့် ထိရောက်တဲ့ပြုပြင်ပြောင်းလဲရေးတွေဖြစ်လာမလားဆိုတာတော့ စောင့်ကြည့်ရမယ်။