ဒီဇင်ဘာ ၀၄၊ ၂၀၂၄။ (ဗုဒ္ဓဟူး)

ကချင်ပြည်နယ်၊ဗန်းမော်မြို့ကို KIAကဒီမနက်မှာပဲ စတင်တိုက်ခိုက်နေပါပြီ။ဗန်းမော်မြို့ဟာကချင်ပြည်နယ်မှာ ဒုတိယအကြီးဆုံးမြို့ဖြစ်တယ်။နယ်မြေချင်းတဆက်ထဲတည်ရှိနေတဲ့ မံစီမြို့ကိုပါ တပြိုင်နက်တိုက်ခိုက်နေတာပါ။ဗန်းမော်မြို့အရှေ့ဘက်ကမိုးမောက်မြို့ကို KIAကပြီးခဲ့တဲ့လတွေကတည်းက သိမ်းပိုက်ထားပြီးဗန်းမော်ရဲ့ကာကင်းတပ်ရင်းတစ်ခုကိုလဲ သိမ်းပိုက်ထားသေးတယ်။ဒါ့ကြောင့်စစ်ကောင်စီတပ်တွေဟာမိုးမောက်မြို့ကိုပြန်ရဖို့ ဆက်တိုက်ဆိုသလို​စစ်ကြောင်းထိုးနေစဥ်မှာပဲ အခုဗန်းမော်မြို့တိုက်ခိုက်ခံနေရတာပါ။ဒီနေ့မှာပဲဗန်းမော်တက္ကသိုလ်နဲ့တကွ မြို့ဝန်းကျင်ကစစ်ကောင်စီတပ်စခန်းအများအပြားကို သိမ်းပိုက်နိုင်လိုက်တယ်။အခုစစ်ဆင်ရေးဟာ KIAသမိုင်းတလျှောက်အကြီးဆုံးစစ်ဆင်ရေးလို့လဲဆိုကြတယ်။