မဇ္ဈိမ။ ။ ရခိုင်ပြည်နယ်၊ တောင်ကုတ်မြို့နယ်ကို စစ်ကောင်စီက အောက်တိုဘာလ ၄ရက်နှင့် အောက်တိုဘာလ ၇ရက်တွင် လေကြောင်းမှ သုံးကြိမ်ဗုံးကြဲတိုက်ခိုက်ခဲ့ရာ ကလေးငယ်အချို့အပါအဝင် အရပ်သား၂ဝဦးခန့်သေဆုံးကြောင်း အာရက္ခတပ်တော်(AA)ထုတ်ပြန်ချက်နှင့် ဒေသခံများထံမှသိရသည်။
တောင်ကုတ်မြို့နယ်၊ တန်းလွဲရွာမမြို့ ၊ရွာမရွာသစ်ဈေးအနီးနှင့် ရွှေပြည်သာဆိပ်ကမ်းဘက်ကိုယမန်နေ့(အောက်တိုဘာ ၇ ရက်) ည ၁၁ နာရီကျော်အချိန်ခန့်တွင် စစ်ကောင်စီကလေကြောင်းမှ ပေါင် ၅၀၀ ဗုံးနှစ်လုံး ကြဲချတိုက်ခိုက်ရာအရပ်သား ၁၂ ဦး သေဆုံးပြီး ခြောက်ဦးပြင်းထန်ဒဏ်ရာရရှိခဲ့ကြောင်း အာရက္ခတပ်တော်(AA)ပြောခွင့်ရသူ ခိုင်သုခက ပြောသည်။
” အဲဒီနေရာမှာ ဘာတိုက်ပွဲမှမရှိဘူး။ အရပ်သားပြည်သူတွေကိုရည်ရွယ်ချက်ရှိရှိနှင့်ပစ်မှတ်ထားတိုက်ခိုက်တာဖြစ်ပါတယ်” ဟု ခိုင်သုခကမဇ္ဈိမကိုပြောသည်။
ဗုံးကြဲတိုက်ခိုက်မှုကြောင့် လူနေအိမ် ၁၇ လုံးလည်းပျက်စီးခဲ့သည်ဟု ဆိုသည်။
တန်းလွဲရွာမမြို့သည် တောင်ကုတ်မြို့မြောက်ဘက် ၁၅ ကျော် မိုင်အကွာတွင်ရှိသည်။မဇ္ဈိမမှ ရရှိထားသည့် ဓာတ်ပုံမှတ်တမ်းများအရသေဆုံးသူများတွင် ကလေးငယ်တဦးပါဝင်ပြီး သက်ကြီးရွယ်အိုနှစ်ဦးအပါအဝင် အမျိုးသားခုနစ်ဦးအမျိုသမီးလေးဦး စုစုပေါင်း ရုပ်အလောင်း ၁၁လောင်းကို တွေ့ရှိရသည်။ ဒဏ်ရာရသူများ၏ အခြေအနေသည် စိုးရိမ်ရကြောင်း ဒေသခံသတင်းရင်းမြစ်ပြောသည်။
ယခုလေကြောင်းတိုက်ခိုက်မှုသည် တောင်ကုတ်မြို့နယ်အတွင်း လေးရက်အတွင်း သုံးကြိမ် စစ်ကောင်စီက လေကြောင်းမှ တိုက်ခိုက်ခြင်းဖြစ်သည်။
အောက်တိုဘာလ ၄ ရက်က နံနက်နှင့် ညနေပိုင်းက တောင်ကုတ်မြို့နယ် ကင်းတောင်စံပြကျေးရွာကို လေကြောင်းမှ နှစ်ကြိမ်တိုက်ခိုက်ရာ အသက် ၁၀ နှစ် အရွယ်ကလေးငယ်အပါအဝင် အရပ်သားခုနစ်ဦးသေဆုံးပြီး ၂၀ ဦးခန့်ဒဏ်ရာ ရရှိခဲ့ကြောင်း ဒေသခံအချို့ထံမှသိရသည်။
” စဉ်းစားကြည့်ဗျာ။ ပေါင်၅၀၀ ဗုံးတွေကြဲတာ ခဏခဏ။ အိမ်တွေနားကျတာမှာ အရပ်သားတွေ ထိတာပါ။ ဒီနေရာပတ်ဝန်းကျင်မှာ တိုက်ပွဲတွေရှိမနေပါဘူး” ဟု တောင်ကုတ်မြို့ ဒေသခံတဦးကပြောသည်။
စစ်ကောင်စီသည် ရှုံးမဲမဲကာ အရပ်သားပြည်သူ လူထုများအား လေကြောင်းမှ ပစ်ခတ်တိုက်ခိုက်နေပြီး စစ်ရာဇဝတ်မှုများနှင့် လူသားမျိုးနွယ်အပေါ် ပြစ်မှုကျူးလွန်ခြင်းများကို ဆက်တိုက်ပြုလုပ်လျက်ရှိကြောင်း AAက ယနေ့(အောက်တိုဘာလ ၈ရက်) နံ
