ရခိုင်ပြည်နယ်စစ်တွေမြို့ ဗျိုင်းဖြူရွာဟာ ဒီနေ့ကြမ္မာဆိုးဝင်ခဲ့ပါတယ်။ စစ်တွေမြို့နဲ့ မိုင်အနည်းငယ်သာ ဝေးကွာပြီး အိမ်ခြေနှစ်ထောင်ကျော်ရှိတဲ့ ဗျိုင်းဖြူရွာထဲကို အင်အားရာကျော်ရှိတဲ့ စစ်ကောင်စီစစ်ကြောင်း တစ်ခု ဒီနေ့မှာဝင်ရောက်လာတယ်။ ပြီးတော့ရွာသားအားလုံးကို ဖမ်းဆီးကာ အစုလိုက်အပြုံလိုက် သတ်ဖြတ်မှုတွေကိုကျူးလွန်ခဲ့ပါတယ်။ ရွာလယ်က နေပူပြင်ထဲမှာ အမျိုးသားတစ်စု၊ အမျိုးသမီးတစ်စု ခွဲထိုင်ခိုင်းတယ် ၊ ယောကျာ်းလေးတွေကို အင်္ကျီချွတ်ခိုင်းတယ်၊ ရခိုင်နဲ့ပက်သက်တဲ့ မှင် (tattoo)ပါရင် ပစ်သတ်တယ်၊ သူတို့မေးတာတွေ သေချာမဖြေရင်လည်းသတ်တယ်၊ နာမည်တွေစာရင်းနဲ့ယူလာပြီး လည်း မေးတယ်။ အိမ်ပေါ်မှာ ဖမ်းပြီး ပစ်သတ်ထားသူတွေဆို အိမ်ကို မီးရှို့ပစ်တယ်၊ အလောင်းတွေ စုပြီးလည်း မီးရှို့တယ်၊ မသေသေးတဲ့သူတွေကိုပါ မီးထဲရှို့ပစ်တယ်လို့ ဗျိုင်းဖြူရွာထဲ ဖမ်းဆီးခံခဲ့ရပြီး လွတ်မြောက်လာသူတစ်ဦးရဲ့ ပြောပြချက်ကို ကိုးကားပြီး ဒေသခံတဦးက ပြောပြပါတယ်။ သတ်ဖြတ် ခံရသူ အရေအတွက်ကိုတော့ အတည်မပြုနိုင်သေးပါဘူး။ စစ်ကောင်စီဟာ စစ်တွေမြို့ ဝန်းကျင်ကို အေအေတပ်ဖွဲ့တွေ ရောက်လာမှာကြောက်တာကြောင့် မဆိုင်တဲ့အရပ်သားတွေကို အစုလိုက်အပြုံလိုက် သတ်ဖြတ်နေပါတယ်။
မတ် ၁၅၊ ၂၀၂၅။ (စနေ)
အိမ်နီးချင်းနိုင်ငံတွေကတော့ မြန်မာပြည်ကို ပါးပါးလှီးဖို့ကြံစည်နေပါတယ်။အိန္ဒိယဟာမြန်မာ့နယ်မြေအချို့ကို သူ့နိုင်ငံထဲသွတ်သွင်းဖို့ကြံစည်နေချိန်မှာပဲ တရုတ်ကရှမ်းမြောက်မှာ...