ပြည်သူ့ကာကွယ်ရေးတပ်မတော်ရဲ့ (၃) နှစ်ပြည့်အထိမ်းအမှတ်အခမ်းအနား ကို ဒီနေ့မှာ ကျင်းပတာတွေ့ရတယ်။ NUG မှာ လွတ်မြောက်နယ်မြေရှိနေပြီဖြစ်တယ်လို့ ဦးရည်မွန်က ထုတ်ဖော်ပြောဆိုလိုက်တယ်။ NUG အနေနဲ့ အခုလိုထုတ်ပြန်ချက်တွေ၊ အခမ်းအနားတွေလုပ်နေချိန်မှာပဲ မြန်မာပြည်တွင်းမှာလည်း စစ်မီးတွေတောက်လောင်နေကြရတယ်။ စစ်ကောင်စီက အကြောင်းမဲ့ သေနတ်နဲပစ်သတ်လို့သေဆုံးသွားတဲ့သူ တွေအရေအတွက် နေ့စဉ်တိုးနေတယ်။ ရခိုင်ပြည်နယ်မှာတော့ အေအေရဲ့တိုက်ခိုက်မှုကြောင့် မြန်မာနယ်ခြား စောင့်တပ်ဖွဲ့ဝင် ၄၀ ဦး ဘင်္ဂလားဒေ့ရှ်ထဲကိုထွက်ပြေးသွားတယ်လို့သတင်းတွေမှာဖတ်ရတယ်။ ကချင်ပြည် နယ်မှာတော့ ခလရ (၄၆) ဗျူဟာကုန်းကို သိမ်းပြီးနောက် ဆွမ်ပရာဘွမ်မြို့ကို ကေအိုင်အေက အပြည့်အဝ ထိန်းချုပ်လိုက်တဲ့ သတင်းကောင်းကိုဖတ်ရတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...