မြဝတီကို စစ်ကူလွတ်လိုက်တဲ့စစ်ကြောင်းကို ဒုတိယစစ်ခေါင်းဆောင်စိုးဝင်း ကိုယ်တိုင်ကွပ်ကဲနေတယ် လို့သိရတယ်။ ဖြစ်ချင်တော့စိုးဝင်းရောက်ရှိနေတဲ့ မွန်ပြည်နယ်မော်လမြိုင်မြို့က အရှေ့တောင်တိုင်း စစ်ဌာနချုပ်ကို တော်လှန်ရေးအဖွဲ့တွေက ဧပြီလ၉ရက်နေ့မှာ ကာမီကာဇိုင်းဒရုန်းတွေနဲ့ တိုက်ခိုက် ခဲ့တာကြောင့် စစ်ကောင်စီတပ်ဖွဲ့ဝင်တွေ ၃၀ ကျော်ထိခိုက်သေဆုံးမှုရှိခဲ့တယ်။ စိုးဝင်းနှင့် အပေါင်းအပါတွေ အစည်းအဝေးလုပ်နေသည့် အားကစားခန်းမကို ထိမှန်ခဲ့တာကြောင့် ဒုတိယစစ်ခေါင်းဆောင် စိုးဝင်းလဲ ဒဏ်ရာရသွားတယ်လို့ သိရတယ်။ ဒါ့အပြင်ရဟတ်ယာဉ်ကွင်းက ရဟတ်ယာဉ်တွေကိုလဲ ထိမှန် ခဲ့သေးတယ်။ စိုးဝင်းရဲ့သတင်းကတော့ အဲ့ဒီရက်ကတည်းက အခုချိန်ထိစုန်းစုန်းမြုပ်နေတယ်။ စစ်ကောင်စီပြန်ကြားရေးက ဇော်မင်းထွန်းကတော့ ဘာမှမဖြစ်ဘူးလို့ငြင်းနေပေမယ့် သူပြောတဲ့စကား တိုင်းက အလိမ်အညာတွေချည်းပဲလေ။ တကယ်တမ်းဘာမှမဖြစ်ဘူးဆိုရင် ဒီအချိန်မှာ လူလုံးထွက်ပြ ရမှာပေါ့။ ဒါ့ကြောင့်ဒုတိယစစ်ခေါင်းဆောင်စိုးဝင်းဟာ မသေသေးဘူးဆိုရင်တောင် ဒဏ်ရာကြီးကြီးမားမား ရသွားတာတော့သေချာတယ်။မြဝတီဘက်မှာတော့ ထိုင်းဘက်ကိုထွက်ပြေးဖို့ ကြိုးစားနေတဲ့စစ်သူပုန် ၂၀၀ ခန့်ကိုထိုင်းအစိုးရက လက်မခံတဲ့အတွက် နယ်စပ်မြစ်ဘေးကတံတားအောက်မှာပဲ သောင်တင်နေပါတယ်။ ထိုင်းဘက်က လက်မခံတဲ့အပြင်ထို င်းစစ်တပ်ကိုယ်တိုင်နယ်စပ်မှာ လုံခြုံရေးအပြည့်နဲ့ စောင့်ကြပ်လျက်ရှိ တယ်။ ထိုင်းနိုင်ငံဟာအရင်က စစ်ကောင်စီရဲ့တပ်ပြေးတွေကို မသိမသာလက်ခံလေ့ရှိပေမယ့် ဒီတခေါက်ကတော့ ထိုင်းမီဒီယာတွေအထိ လူသိရှင်ကြားဖြစ်သွားတဲ့အတွက် ထိုတပ်ပြေးတွေကို လက်ခံလို့ အဆင်မပြေတော့ပါဘူး။ ထိုစစ်သူပုန်၂၀၀ ကျော်ကတော့သောင်ပြင်မှာ လွတ်နေတဲ့ခွေးတွေလိုပါပဲ။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
