ရခိုင်ပြည်နယ်မြို့တော် စစ်တွေမြို့ ကိုးရီးယားဆိပ်ကမ်း ဈေးအတွင်းသို့ စစ်ကောင်စီရေတပ် စစ်သင်္ဘော မှ လက်နက်ကြီးဖြင့်ပစ်ခတ်မှုကြောင့် အရပ်သား ၁၂ ဦးသေဆုံးကာ ၈၀ ဦးခန့် ဒဏ်ရာရခဲ့ပါတယ်။ ကိုးရီးယားဆိပ်ကမ်း ဈေးအတွင်းသို့ နံနက် ၈ နာရီ ၁၀ မိနစ် ခန့် လူစည်ကားချိန်တွင် စစ်ကောင်စီရေတပ်မှ လက်နက်ကြီးနှစ်လုံးပစ်ခတ်ခဲ့ပြီး ဈေးသည်နှင့် ဈေး လာဝယ်သူ ၁၂ ဦးသေဆုံးကာ အရပ်သား ၃၁ ဦး ပြင်းထန်ဒဏ်ရာရရှိခဲ့ပြီး ၅၀ ဦးနီးပါး မစိုးရိမ်ရ ဒဏ်ရာများရရှိခဲ့ကြောင်း AA မှထုတ်ပြန်ထားတယ်။ လက်ရှိတွင် ဒဏ်ရာရသူများအား နီးစပ်ရာဆေးရုံဆေးခန်းများနှင့် စစ်တွေဆေးရုံကြီးတွင် ဆေးကုသမှု ခံယူနေရကြောင်း သိရတယ်။စစ်တွေမှာတိုက်ပွဲတွေဖြစ်ပွားမှုလုံးဝမရှိသေးတဲ့အချိန်ထိုလုပ်ရပ်ဟာ လူအစုလိုက်အပြုံလိုက်သေဆုံးစေရန် ရည်ရွယ်ချက်ရှိရှိပစ်ခတ်ခြင်းဖြစ်ပြီး စစ်ရာဇ ဝတ်မှုကို ပြောင်ပြောင်တင်းတင်းဇက်ရဲလက်ရဲကျူးလွန်လိုက်ခြင်းဖြစ်တယ်။စစ်ကောင်စီကတော့ထိုလုပ်ရပ်ကိုအေအေကကျုးလွန်တာလို့တန်ပြန်သတင်းထုတ်ပြန်ထားတယ်။ဒီလိုစစ်ရာဇဝတ်မှုတွေကိုအမြဲလုပ်တတ်ပီးတခြားအဖွဲ့အစည်းကိုမျက်နှာပြောင်တိုက်လွဲချတတ်တာစစ်ကောင်စီလုပ်နေကြအလုပ်တွေပဲ။လက်ရှိမှာလဲအေအေနဲ့တိုက်ပွဲဖြစ်ပွားနေတဲ့နေရာတွေကိုစစ်တွေမြို့ပေါ်ရှိစစ်ကောင်စီအထိုင်တပ်စခန်းများမှလက်နက်ကြီးများဖြင့် နေ့စဉ် အကြိမ်ရေရာနှင့်ချီကာပစ်ခတ်နေတယ်လို့သိရတယ်။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
