စစ်ကောင်စီက စစ်မှုထမ်းဥပဒေကို အသက်သွင်းလိုက်ခြင်းမှာ သူတို့နေရာဖယ်ပေးရမှာ စိုးရိမ်တာကြောင့်တစ်တိုင်းတစ်ပြည်လုံးကိုဆွဲချလိုက်ခြင်းဖြစ်ပါတယ်။ထိုဥပဒေကိုအရင်စစ်အစိုးရလက်ထက်ထဲကရေးဆွဲထားတယ်ဆိုပေမယ့်ပြည်ပကျူးကျော်စစ်ပွဲအတွက်ပါ။အခုတိုင်းရင်းသားပြည်သူတွေနဲ့ စစ်ဆင်ရတဲ့ပြည်တွင်းစစ်ဖြစ်နေချိန်မှာလုပ်လိုက်တော့ ထောက်ခံမှုနည်းပြီး အခက်အခဲတွေနဲ့ သေချာပေါက်တွေ့မှာပဲ။သေချာတာကတော့လူငယ်တွေအကုန် နိုင်ငံခြားထွက်ပြေးကြတော့မယ်။ ငယ်ရွယ်သူလုပ်သားအင်အားဆုံးရှုံးပြီးလုပ်ငန်းတွေပြဿနာတက်လာမယ်။ဆိုးကျိုးတွေကပြောရင်တော့အများကြီးပါပဲ။
စစ်မှုထမ်းဥပဒေနှင့်ပတ်သက်၍စစ်ကောင်စီပြောခွင့်ရဗိုလ်ချုပ်ဇော်မင်းထွန်း၏ပြောဆိုချက်အရစစ်မှုထမ်းရန် အကျုံးဝင်သူ အမျိုးသား ၆ ဒသမ ၃ သန်း၊ အမျိုးသမီး ၇ ဒသမ ၇ သန်း စုစုပေါင်း ၁၃ သန်းနီးပါးရှိသည်ဟု ဆိုတယ်။စစ်မှုထမ်းဆင့်ခေါ်ခြင်းကို သင်္ကြန်ရုံးပိတ်များအပြီး လာမည့်ဧပြီလတွင် စတင်မည်ဖြစ်ကြောင်း၊အပတ်စဉ်တစ်ခုလျှင်လူ၅၀၀၀နှုန်းဖြင့်ခေါ်မည်ဖြစ်ကြောင်းပြောထားသေးတယ်။ဒါပေမယ့်အခုအသက်သွင်းလိုက်သည့်စစ်မှုထမ်းဥပဒေအရအသက်ကန့်သတ်ချက်ကျော်လွန်သူများကိုပင်စစ်ကောင်စီကစစ်ထဲဆွဲသွင်းနိုင်ခြေရှိနေတယ်။သတ်မှတ်အရည်အချင်းနှင့်ပြည့်စုံသူများကိုအရေးပေါ်ခန့်အပ်နိုင်သည်ဟုပြဋ္ဌာန်းထားလို့အသက်ကျော်သည့်တိုင်ပျုစောထီးအဖြစ်သွတ်သွင်းမည့်အန္တရာယ်ရှိနေတယ်။လက်ရှိမှာလဲထိုဥပဒေကြောင့်ပြည်သူတွေကြားထဲမှာစိုးရိမ်ပူပန်မှုပေါင်းများစွာနဲ့ပွက်လောရိုက်နေတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...