ကရင်နီပြည် ၊ဒီးမော့ဆိုမြို့နယ် ရှိ စစ်ဘေးရှောင်ကလေးငယ်များတက်ရောက်ပညာသင်ကြားနေသည့် စစ်ရေးပစ်မှတ် မဟုတ်တဲ့ စစ်ဘေးရှောင်ကလေးတွေနဲ့ ရွာခံကလေးတွေ စာသင်ကြားနေတဲ့ စာသင်ကျောင်းကို မနေ့ကမနက်(၁၀)နာရီဝန်းကျင်ခန့်က စကစဖက်က လေယာဉ်နဲ့ ဗုံး(၂)ကြိမ်တိတိ ကြဲချခဲ့တာကြောင့် ကလေးငယ် ကျား (၄)ဦး သေဆုံးခဲ့ရပြီး ၊ ထိခိုက်ဒဏ်ရာရ ကလေးငယ် (၁၀)ဦးကျော် ရှိခဲ့ပါတယ်။ကျောင်းကိုမှရည်ရွယ်ပြီးတည့်တည့်ပစ်သွားတာလို့သိရတယ်။ အပိုင်းပိုင်း ပြတ်နေတဲ့ ခန္ဓာအစတွေကိုဘယ်သူကလေး၊ငါ့ကလေးမသိတော့ဘူး။တစ်စစီကောက်နေရတယ်။ဓာတ်ပုံတွေကိုကြည့်ရတာနဲ့တင်အတော်စိတ်ထိခိုက်စရာပဲ။ပိုင်ရှင်မဲ့သွားတဲ့စာသင်ကျောင်းကလွယ်အိတ်လေးတွေ၊စာအုပ်လေးတွေ၊ဖိနပ်လေးတွေ၊ထမင်းချိုင့်လေးတွေ၊ပြီးတော့သူတို့လေးတွေရဲ့အသားစလေးတွေကိုပါတွေ့နေရတယ်။ နိူင်ငံတစ်ဝန်း တိုက်ပွဲများတွင် အထိနာနေသောစစ်ကောင်စီတပ်သည် အရပ်သားပြည်သူများကိုပါ လေကြောင်းမှဗုံးကြဲခြင်း၊လက်နက်ကြီးများပစ်ခတ်ခြင်းများပိုမိုပြုလုပ်လာတာကြောင့်ဒီလိုဖြစ်ရပ်မျိုးတွေတနိုင်ငံလုံးမှာလူသိရှင်ကြားရောလူမသိသူမသိရောအများအပြားဖြစ်ပေါ်နေဆဲပါပဲ။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
