စစ်ကိုင်းတိုင်း မြင်းမူမြို့နယ်၊ မြင်းမူ – မြောင် လမ်းပေါ်မှာ ကားတစ်စီး အပါအဝင် ဆိုင်ကယ်တွေနဲ့ သွားလာနေတဲ့ တော်လှန်ရေး ရဲဘော်တွေဟာ စစ်အုပ်စုရဲ့ ချောင်းမြောင်း ပစ်ခတ်ခံရလို့ တော်လှန်ရေး ရဲဘော် (၂၀)ကျော် ကျဆုံးခဲ့ရပါတယ်။ မြင်းမူနယ်ထဲက ရွာစဉ်ပတ်မွှေ လူသတ်၊ လုယက်၊ မီးရှို့နေတဲ့ စစ်အုပ်စုကိုကာကွယ်တိုက်ခိုက်ဖို့အသွားမှာအငိုက်မိသွားတယ်လို့သိရတယ်။လက်နက်ခဲယမ်းတွေလဲဆုံးရှံးလိုက်ရတယ်။တချို့ရဲဘော်တွေဆိုရင်အရှင်ဖမ်းဆီးခံလိုက်ရပြီးအရှင်လတ်လတ်ခေါင်းဖြတ်အသတ်ခံလိုက်ရတယ်။ဒီဖြစ်ရပ်ဟာစစ်ကိုင်းတိုင်းထဲမှာတော်လှန်ရေးရဲဘော်တွေအစုလိုက်အပြုံလိုက်အများဆုံးကျဆုံးခဲ့ရတဲ့ဖြစ်ရပ်တစ်ခုပဲ။နယ်မြေစိုးမိုးမှုရလာချိန်မှာတော်လှန်ရေးအဖွဲ့တွေဘက်ပေါ့ပေါ့လျော့လျော့မနေသင့်ဘူး။နယ်မြေစိုးမိုးမှုလောက်ပဲရသေးတာဖြစ်ပြီးလွတ်မြောက်နယ်မြေမဖြစ်သေးတဲ့အတွက်စစ်သူပုန်တပ်တွေနဲ့အချိန်မရွေးရင်ဆိုင်ရနိုင်တယ်။လက်ရှိမှာလဲ အဲ့ဒီ စစ်အုပ်စုဟာ မြောင်မြို့နယ်ထဲမှာ ဆက်လက် ရွာစဉ်ပတ်မွှေ လူသတ်၊ လုယက်၊ မီးရှို့ အကြမ်းဖက်နေပါတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။