မန္တလေးတိုင်း မြင်းခြံထောင်မှာ နိုင်ငံရေးအကျဉ်းသား ခြောက်ဦးကို မနေ့က ညနေပိုင်း ကစပြီး ထောင်အာဏာပိုင်တွေနဲ့ စစ်တပ်က သီးခြားခေါ်ထုတ်ပြီးသွားပြီးနောက် အဲဒီလူတွေကို ပြန်လွှတ်ပေးဖို့ ကျန်ရှိတဲ့ နိုင်ငံရေးအကျဉ်းသားတွေက မေလ ၂၂ ရက် ဒီနေ့ နေ့လယ်ပိုင်းကစလို့ အစာငတ်ခံ ဆန္ဒပြနေပါတယ်။မြင်းခြံထောင် အဆောင် (၂) မှာရှိတဲ့ နိုင်ငံရေး ကျဉ်းသားတွေထဲက ခြောက်ဦးကို အကျဉ်းဦးစီး၊ ရဲနဲ့ စစ်တပ်တို့ ပါဝင်တဲ့ပူးပေါင်းအဖွဲ့တွေကခေါ်ထုတ်သွားတာပါ။မနေ့က ညနေပိုင်းမှာ အဆောင်တွေကို တန်းပိတ်ထားပြီး ရုတ်တရက်ခေါ်ထုတ်သွား ခံရတာဖြစ်ပြီး ခေါ်ထုတ်ခံရသူတွေနဲ့အဆက်အသွယ်မရတာကြောင့်အသက်အန္တရာယ်စိုးရိမ်ရတယ်။အကျဉ်းထောင်ထဲမှာ ဒီနေ့နေ့လယ်ထိ လုံခြုံရေး တင်းကျပ်ထားပြီး အကျဉ်းသားတွေနေတဲ့ အဆောင်တွေကိုလည်း အပြင်ထွက်ခွင့်မပေးဘဲပိတ်လှောင်ထားသလိုအင်းအားသုံးရှာဖွေစစ်ဆေးတာတွေလုပ်နေတယ်။ခေါ်ထုတ်သွားခံရတဲ့ နိုင်ငံရေးအကျဉ်းသားတွေထဲက တစ်ဦးသေဆုံးတယ်ဆိုတဲ့ သတင်းတွေ ထွက်ပေါ်နေတယ်။စစ်ကောင်စီဟာနိုင်ငံတဝန်းအကျဉ်းထောင်တွေကနိုင်ငံရေးအကျဉ်းသားတွေအပေါ်နည်းအမျိုးမျိုးနဲ့ဥပဒေမဲ့ညှင်းပမ်းနှိပ်စက်လျက်ရှိတယ်။
စက်တင်ဘာ ၀၈၊ ၂၀၂၃။ (သောကြာ)
NUGကခုခံတော်လှန်စစ်နှစ်နှစ်ပြည့်အစီရင်ခံစာတစ်ခုကိုထုတ်ပြန်လိုက်တယ်။ထိုအစီရင်ခံစာထဲမှာတော့NUGကတပ်ရင်း၃၀၀ကျော်ဖွဲ့စည်းထားပြီးပြီဖြစ်ကြောင်း၊ဒီနှစ်နှစ်အတွင်းမှာစစ်ကောင်စီတပ်တွေနဲ့တိုက်ပွဲပေါင်း၉၉၀၀ကျော်ဖြစ်ပွားခဲ့ပြီးရန်သူအင်အားသုံးသောင်းကျော်ခြေမှုန်းထားနိုင်ကြောင်း၊ထွက်ပြေးသူလက်နက်ချသူတစ်သောင်းကျော်ရှိကြောင်း၊ဒါ့ကြောင့်ရန်သူစုစုပေါင်းအင်အားရဲ့၁၅ရာခိုင်နှုန်းခန့်ပြုန်းတီးသွားပြီဖြစ်ကြောင်းတင်ပြထားတယ်။ ပထမနှစ်နဲ့ဒုတိယနှစ်ကိုနှိုင်းယှဉ်ပြီးပထမနှစ်ကိုမဟာဗျူဟာခံစစ်ကာလ၊ဒုတိယနှစ်ကိုထိုးစစ်အကြိုကာလအဖြစ်သတ်မှတ်ထားတယ်။ဒုတိယနှစ်အတွင်းစခန်းသိမ်းတိုက်ပွဲ၃ဆကျော်တိုးမြှင့်ဆင်နွှဲနိုင်ခဲ့ကြောင်းယခုအချိန်မှာမဟာဗျူဟာမြောက်ထိုးစစ်အတွက်ပြင်ဆင်မှုတွေလုပ်နေကြောင်းလဲတင်ပြထားတယ်။
