အခုနှစ်အတွင်း မြန်မာနိုင်ငံမှာ လူသားချင်းစာနာမှု အကူအညီလိုအပ်နေတဲ့သူပေါင်း ၁၇ ဒသမ ၆ သန်းရှိပြီး လူဦးရေ ၁၅ ဒသမ ၂ သန်းဟာ အစားအစာမလုံမလောက်ဖြစ်နေတယ်လို့ အကြမ်းဖျင်းတွက် ချက်ခန့်မှန်းကြပါတယ်။ လူအနည်းဆုံးတစ်သန်းခွဲဟာ ပြည်တွင်းနေရပ်စွန့်ခွာနေရသူတွေဖြစ်ပြီး နေ့စဉ် ထောင်ပေါင်းများစွာသော လူတွေဟာ အိမ်နီးချင်း ထိုင်းနဲ့ အိန္ဒိယနိုင်ငံတွေမှာ ခိုလှုံနေရတယ်လို့သတင်း တွေမှာဖော်ပြထားပါတယ်။ ဒါတွေရဲ့ အဓိက အရင်းအမြစ်က မင်းအောင်လှိုင်နဲ့ သူ့အပေါင်းပါစစ်တပ် ကြောင့်ဖြစ်တယ်ဆိုတာ တစ်နိုင်ငံလုံးကအသိပါပဲ။ မင်းအောင်လှိုင်ရဲ့စစ်တပ်ကလည်း ဦးဏှောက်မရှိဘဲ အကြီးအကဲတစ်ယောက်ပြောတဲ့စကားနောက်ကိုပဲ လိုက်နာနေရတာဆိုတော့ မြန်မာတစ်နိုင်ငံလုံးဟာ ကံဆိုးမိုးမှောင်ကျနေခဲ့ရတာ သုံးနှစ်ထဲရောက်လာခဲ့ပြီလေ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။