NLD ပါတီဝင်တွေကို စစ်ကောင်စီက လိုက်ဖမ်းနေတယ်။ မိသားစုလိုက်ဖမ်းဆီးခံနေရတာတွေ ရှိလာတယ်။ စစ်ကောင်စီကို တစ်နိုင်ငံလုံးက တညီတညွတ်တည်းဆန့်ကျင်နေတာဟာ NLD ပါတီနဲ့မဆိုင် ဘူး။ မင်းအောင်လှိုင်ကျင်းပမယ့် ရွေးကောက်ပွဲကိုလည်း ပြည်သူတွေကစိတ်မဝင်စားဘူး။ မင်းအောင်လှိုင် ဦးဆောင်တဲ့ စစ်ကောင်စီဟာ သူတို့ဩဇာအာဏာလွှမ်းမိုးရေးအတွက် ဘက်ပေါင်းစုံကနေ ပြည်သူကိုနှိပ် စက်နေတယ်။ ချင်းပြည်နယ်ဘက်ကိုလည်း စစ်အင်အားတိုးချဲ့နေတယ်။ သူတို့မြေပြင်အရလွှမ်းမိုးလို့မရ တဲ့နေရာတွေကိုလည်း ဝေဟင်ကနေ ဗုံးကြဲချတယ်။ ရွာတွေကိုလိုက်လံမီးရှို့နေတယ်။ စစ်အုပ်စုဟာ မိစ္ဆာ တွေဖြစ်နေခဲ့တာအတော်ကြာပြီ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။