ဧရာဝတီတိုင်း၊ ကြံခင်းမြို့နယ်မှာ စစ်အာဏာရှင်ဆန့်ကျင်ရေးလှုပ်ရှားမှုတစ်ခုလုပ်တယ်လို့သတင်းမှာ ဖတ်လိုက်ရတယ်။ မြန်မာနိုင်ငံတစ်ဝန်းမှာ အခုချိန်ထိ ဆန္ဒပြမှုတွေလုပ်နေတုန်းပဲဆိုတာကိုကြည့်ပြီးအား တက်ရတယ်။ ဒါပေမဲ့ ကျွန်တော်နေတဲ့ ရန်ကုန်မြို့ကတော့ အတော်လေးနေနိုင်လွန်းလှတယ်။ ၁၉ လမ်း မှာ လူတွေစည်ကားနေတယ်။ အရက်ဆိုင်၊ ဘီယာဆိုင်၊ ဘားတွေမှာ လူအပြည့်ဖြစ်တဲ့အပြင် ရုပ်ရှင်ရုံမှာပါ လူတွေ ရှိလာနေပြီ။ ရန်ကုန်ရဲ့ဘဝက အဲဒီလိုပဲဆိုပေမဲ့ နယ်မြို့တွေကိုအားနာတယ်။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
