ဖေဖော်ဝါရီ ၀၆၊ ၂၀၂၃။ (တနင်္လာ)

မနေ့ကပြောခဲ့တဲ့ငွေကြေးဖောင်းပွမှုနှုန်းကအတော်ကြောက်စရာကောင်းတယ်။ဒီနေ့ဆိုသုံးနေကြဆပ်ပြာဘူးတစ်ဘူးဝယ်ခဲ့တာမှာဈေးနှုန်းက၁၀၀၀ကနေ၂၅၀၀အထိတက်သွားတယ်။ဒါဟာအခုတလောအတွင်းမှာပဲဖြစ်နေတဲ့အခြေအနေကိုပြောပြတာ။တချို့ပစ္စည်းတွေဆိုရင်နှစ်ဆသုံးဆကျော်အထိခုန်တက်သွားတယ်။အထူးသဖြင့်သွင်းကုန်ပစ္စည်းတွေပေါ့။စစ်ကောင်စီဟာသူတို့ဒေါ်လာတွေထွက်သွားမှာစိုးလို့သွင်းကုန်လိုင်စင်တွေမချပေးပဲအလွန်အမင်းတင်းကြပ်ထားတယ်။ဒီနိုင်ငံမှာကလဲအပ်တိုတချောင်းတောင်မထုတ်နိုင်တော့အများစုဟာသွင်းကုန်တွေကိုပဲအားကိုးနေရတာပိုဆိုးကုန်တာပေါ့။ကုန်စျေးနှုန်းကအနည်းဆုံးနှစ်ဆတက်သွားပေမယ့်လစာဝင်ငွေတွေကတိုးမလာတဲ့အပြင်တချို့ဆိုအလုပ်လက်မဲ့တွေပါဖြစ်ကုန်ကြပြီ။စစ်ကောင်စီဆက်လက်တည်မြဲနေသ၍အခြေအနေတွေဟာတိုးတက်မလာပဲဆက်လက်ဆိုးရွားလာဖို့ပဲရှိမယ်။