USအစိုးရကမြန်မာ့အရေးမှာစစ်ရေးအကူအညီမပေးတာကအဓိက ၃ ချက်ကို မြင်မိပါတယ်။မြန်မာ့အရေးကနိုင်ငံတကာအမြင်မှာ ရှုပ်ထွေးနေပြီးပြည်တွင်းထဲ အင်အားစုတွေမှာပြန့်ကျဲနေဆဲဖြစ်တယ်လို့မြင်ကြတယ်။တိုင်းရင်းသားလက်နက်ကိုင်အဖွဲ့အစည်းများစွာ ရှိနေသလိုစစ်အာဏာရှင်တော်လှန်ရေးထဲNUG အစိုးရနဲ့ အင်အားစုတွေအခုထိ သီးခြားပုံစံ ဖြစ်နေပြီးတော့ဗဟိုစုစည်းမှုအောက် မရှိနေခြင်းတချက်ပါလိမ့်မယ်လို့ မြင်မိတယ်။
နောက်တချက်ကတော့ အီရတ်၊အာဖဂန်နစ္စတန်တို့မှာ စစ်ရေးနဲ့ဝင်ရောက်စွက်ဖက်မှုတွေအတွက်ကြီးမားတဲ့ ဆုံးရှုံးမှုတွေကို ရခဲ့ပြီးနောက်ထပ်စစ်ရေးအရ ဝင်စွက်ဖို့ဘိုင်ဒန်အစိုးရအတွက် စိန်ခေါ်မှုဖြစ်တယ်။ဘာအကျိုးအမြတ်ပြန်ရမလဲဆိုတာထည့်တွက်မှာတော့ သေချာတယ်။
နောက်ဆုံးတချက်ကတော့ US နဲ့တရုတ်အစိုးရ ပါဝါဂိမ်းဖြစ်တယ်။ကုန်း ရေလမ်း ၂ သွယ် ပိုးလမ်းမကြီးစီမံကိန်းအတွက်အချက်အခြာကျပြီးတရုတ်အနောက်ဖက်ခြမ်းပြည်နယ်အတွက်ပင်လယ်ထွက်ပေါက်ဖြစ်လာတဲ့နိုင်ငံတရုတ်သြဇာကြီးတဲ့ မြန်မာနိုင်ငံထဲစစ်ရေးအကူအညီပေးဖို့ US အတွက်စဉ်းစားရမှာတွေ အများကြီးရှိလာတယ်။မြန်မာပြည်ထဲ ဒီလိုဖြစ်ပျက်နေတာမှာတရုတ်နိုင်ငံအတွက် ဆိုးကျိုးများတယ်။အထူးသဖြင့် မြန်မာထဲ ဗျူဟာကျတဲ့ တရုတ်စီမံကိန်းတွေ ရပ်ထားရတယ်။ US တရုတ် ပါဝါဂိမ်းမှာတရုတ်အတွက်အထိနာနေတဲ့နိုင်ငံထဲ US က ဘာလို့ စစ်ရေး အကူအညီ ပေးသင့်လဲဆိုတာUS အစိုးရက စဉ်းစားမှာ သေချာတယ်။ရှင်းရှင်းပြောရရင် တရုတ်အစိုးရကသူ့နိုင်ငံရဲ့ အိမ်နီးခြင်းနိုင်ငံတွေမှာဘယ်လိုနိုင်ငံရေးစနစ် ကျင့်သုံးလဲဆိုတာသိပ်စိတ်မဝင်စားဘူး။ တည်ငြိမ်တဲ့နိုင်ငံရေးပုံစံ ရှိဖို့ကိုပဲ လိုလားပါတယ်။US အစိုးရကလည်း တရုတ်ဘေးအိမ်နီးခြင်းနိုင်ငံ နိုင်ငံရေးမတည်ငြိမ်လေ၊တရုတ်အခက်တွေ့လေလို့ မြင်တယ်။နောက်တစ်ခု US က NUG အစိုးရကိုစစ်ရေးအကူအညီပေးရင် တရုတ်နဲ့ရုရှားကမင်းအောင်လှိုင်စစ်တပ်ဖက်ကိုစစ်ရေးအကူအညီပေးလာခဲ့မယ်ဆိုရင်ဗီယက်နမ်ကိုရီးယားကျွန်းဆွယ်အရေးလိုဖြစ်မလားဆိုတာထည့်တွက်လိမ့်မယ်။အနီးစပ်ဆုံးဆီရီးယားလိုဖြစ်မလားဆိုတာစဉ်းစားထည့်ချက်မယ့်အထဲ ပါလိမ့်မယ်။
နိုင်ငံကြီးတွေရဲ့ ပါဝါနိုင်ငံရေးဆိုတာကအကျိုးအမြတ်ပေါ် အခြေပြုတာဖြစ်တယ်။US တရုတ်အားပြိုင်မှုမှာ တရုတ်အစိုးရသြဇာကြီးတဲ့နိုင်ငံထဲ စစ်ရေးအကူအညီပေးဖို့ဆိုတာ အတော်လေး စဉ်းစားရမှာဖြစ်သလိုပဲ တရုတ်အစိုးရကလည်း ဒါမျိုးလက်ခံမှာမဟုတ်တာတော့ သေချာတယ်။NUG အစိုးရကို စစ်ရေးအကူအညီပေးလို့USအစိုးရအတွက်ဘာပြန်ရမလဲဆိုတာအဓိကအကျဆုံးတချက်ဖြစ်လိမ့်မယ်မြင်တယ်။ဥပမာ NUG ကို စစ်ရေးအကူအညီပေးလို့ မင်းအောင်လှိုင်စစ်တပ် ပြုတ်ကျသွားပြီတဲ့၊US အစိုးရအတွက် ဘာပြန်ရနိုင်မှာလဲ။တရုတ်ဘက်မှာ တရုတ်အစိုးရဩဇာသက်ရောက်မှုကြီးတဲ့ ERO တွေ ရှိနေပြီးတိုင်းပြည်ထဲ ဘယ်အစိုးရတက်လာပါစေ၊တရုတ်နိုင်ငံရဲ့ သြဇာကိုကျော်ဖို့ခက်တဲ့နိုင်ငံတခုထဲ US က ဘာအကျိုးအမြတ်ပြန်ရနိုင်မှာမို့ စစ်ရေးအကူအညီပေးမှာလဲ။
ဒီလိုတွေပြောလို့ US က မြန်မာအရေးမှာမကူညီတော့ဘူးလားဆိုတော့ မဟုတ်ပါဘူး။US က မြန်မာအရေးမှာ သံတမန်ရေးနဲ့ဖိအားပေး ဆက်ကူညီမယ် စီးပွားရေးနဲ့ ပုဂ္ဂိုလ်ရေးဆန်ရှင်တွေကလွဲရင် စစ်ရေးအကူအညီပေးဖို့ဆိုတာကတော့ အတော်မလွယ်ကူဘူးဆိုတာ ပြောပြတာဖြစ်တယ်။US က စစ်ရေး အကူအညီပေးချင်ရင်ဘယ်လိုလုပ်ရမလဲ US က ပိုသိတယ်။ဆိုဗီယက်နဲ့ အာဖဂန်နစ္စတန်စစ်ပွဲမှာအာဖဂန်နစ္စတန်အတွက် လက်နက်ဘယ်လိုကူခဲ့လဲ လေ့လာကြည့်ရင်တော့US က တကယ် စစ်ရေး ကူညီချင်ရင် အဲလောက်ထိ အချိန်ဆွဲမနေတော့ပါဘူး။US က စစ်ရေး တကယ်ကူညီပေးချင်ဘာမလုပ်ပဲ သိမ်းထားတဲ့ ဒေါ်လာ တဘီလျံNUG ထံ ပြန်ပေးလိုက်ရင် ပြီးနေတာပဲ။ကျန်တာ NUG က ဆက်လုပ်မှာပေါ့လေ။ အနီးစပ်ဆုံး MOGE ရေနံ သဘာဝဓါတ်ငွေ့ရောင်းရငွေ ပိတ်ဆို့ပေးမယ်ဆိုရင်တောင်တော်လှန်ရေးအတွက် အတော်အသုံးဝင်ပါမယ်။
ဆိုရှယ်မီဒီယာများမှကူးယူဖော်ပြခြင်းဖြစ်ပါသည်။မူရင်းရေးသားသူအားခရက်ဒစ်ပေးပါသည်။
