မီးဖိုချောင်သုံးဂတ်ဈေးတွေလဲတက်ကုန်ပြီ။အရင်တစ်ပိဿာလေးထောင်ကျပ်ခန့်သာရှိခဲ့ရာမှာအခုဆိုတစ်သောင်းနားကပ်သွားပြီ။ဆိပ်ကမ်းမှာဝင်နေတဲ့ဂတ်သင်္ဘောတွေအခွန်ကိစ္စ၊ငွေပေးငွေယူကိစ္စတွေအဆင်မပြေလို့ကြန့်ကြာနေတာဖြစ်တယ်။အရင်ကကုန်သွယ်ရေးချော့မွေ့နေတဲ့အတွက်ဒီလိုကိစ္စမျိုးတစ်ခါမှမဖြစ်ဖူးဘူး။အခုဆိုဈေးကွက်ထဲမှာအိမ်သုံးဂတ်တွေဝယ်လို့မရတော့တဲ့အထိဖြစ်သွားတယ်။မီးဖိုချောင်ဂတ်သုံးတဲ့လူတန်းစားကသိပ်မရှိပေမယ့်စားသောက်ဆိုင်တွေကတော့အခက်အခဲဖြစ်ကုန်တယ်။ စက်သုံးဆီဈေးအနည်းငယ်ပြန်ကျလာပေမယ့်စားသုံးဆီဈေးဟာလဲအတက်မှာပဲရှိနေတယ်။သူလဲအခုဆိုတစ်ပိဿာတစ်သောင်းကျပ်နားကပ်နေပြီ။စစ်ကောင်စီကရည်ညွှန်းဈေးတစ်ခုနဲ့ရောင်းပေးနေပေမယ့်ဘယ်မှာမှထိုဈေးနဲ့ဝယ်မရပါဘူး။ဗဟိုဘဏ်ကဒေါ်လာတွေအတင်းအကျပ်လိုက်သိမ်းပြီးနောက်ပိုင်းစီးပွားရေးဈေးကွက်တစ်ခုလုံးခပ်လှုပ်လှုပ်ဖြစ်နေပြီ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။