ဒီရက်ပိုင်းမြန်မာတနိုင်ငံလုံးမှာမြေငလျင်ငယ်လေးတွေမကြာခဏလှုပ်နေတယ်။သတိထားရမယ့်အချက်ဖြစ်ပြီးဒီအချိန်မြေငလျင်ကြီးတစ်ခုသာဖြစ်လာရင်ပြည်သူတွေအတွက်မနှစ်ကဒီအချိန်ကိုဗစ်ဖြစ်ခဲ့သလိုကပ်ဆိုးကြီးတစ်ခုကြောင့်လူတွေသောက်သောက်လဲသေကြလိမ့်မယ်။စစ်ကောင်စီကတော့ဘာမှတာဝန်ယူဆောင်ရွက်ပေးမှာမဟုတ်ဘူး။ ဝါဆိုလမှာငလျင်လှုပ်ရင်မင်းပြောင်းမင်းလွှဲဖြစ်တတ်တယ်လို့မြန်မာအယူအဆမှာရှိတယ်။အခုလောလောဆယ်အင်္ဂလန်မှာဝန်ကြီးချုပ်ပြုတ်ကျသွားပြီးဂျပန်မှာရှင်ဆိုအာဘေးလုပ်ကြံခံရတယ်။သိရိလင်္ကာမှာဆိုလူထုအုံကြွမှုကြောင့်သမ္မတတောင်ထွက်ပြေးနေရပြီ။မြန်မာပြည်ကမင်းအောင်လှိုင်ကတော့အခုချိန်ထိဘာမှမဖြစ်သေးဘူး။မင်းဆိုးမင်းညစ်တွေရဲ့သက်တန်းကရှည်ကြာလွန်းတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။