ရှမ်းကယားနယ်စပ်ဖယ်ခုံမြို့မှာလဲတိုက်ပွဲတွေဖြစ်နေတာတပတ်လောက်ရှိနေပြီ။မိုးဗြဲအင်းအရှေ့ဘက်ကရွာတွေကိုလဲစစ်တပ်ကမီးရှို့လိုက်တယ်။တိုက်ပွဲကာလကြာလာတာနဲ့အမျှKNDFဘက်ကကျဆုံးမှုတွေ၊ကျည်မလုံလောက်မှုတွေများလာပြီးရသလောက်ခုခံနေရတယ်။ကယားမှာဖေဖော်ဝါရီလလယ်လောက်ကစပြီးစစ်တပ်ကအကြီးအကျယ်ထိုးစစ်ဆင်တာကြောင့်တချို့နယ်မြေတွေကိုပြန်လည်လက်လွှတ်ပေးလိုက်ရတယ်။နေ့စဉ်ဆိုသလိုပဲပျောက်ကျားတိုက်ပွဲတွေဖြစ်ပွားလျက်ရှိတာကြောင့်တပြည်နယ်လုံးစစ်ဘေးသင့်နေတယ်။စစ်ဘေးရှောင်ပြည်သူတွေအတွက်ရိက္ခာပို့လမ်းကြောင်းတွေကိုစစ်တပ်ကပိတ်ဆို့ထားတာကြောင့်ရှမ်းကယားနယ်စပ်လမ်းကြောင်းပြန်ပွင့်အောင်ကာကွယ်ရေးအဖွဲ့တွေကြိုးစားနေကြတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။