စစ်ကောင်စီကျင်းပမယ့် အတုအယောင်သင်္ကြန်ပျော်ပွဲရွှင်ပွဲမှာ ပြည်သူတွေပါဝင်ဆင်နွှဲခြင်းမပြုဖို့ အထွေထွေပေါင်းစပ် ညှိနှိုင်းရေး အင်အားစု- GSCB က ထုတ်ပြန်လိုက်ပါတယ်။ ကျွန်တော်ကတော့ လုံးဝ ပါဝင်ဖို့အစီအစဉ်မရှိဘူး။ ကျွန်တော့်လိုပဲ ပြည်သူတော်တော်များများလည်း မပါဝင်ကြဘူးလို့ထင်ပါတယ်။ ဒါပေမဲ့ တစ်ချို့တွေက ပွဲငတ်နေကြတော့ ပြောလို့မရဘူးလေ။ မန္တလေးကျုံးပတ်လည် လမ်းမကို ဧပြီလ ၄ ရက် နေ့နဲ့ ၅ ရက်နေ့ မနက်ခင်းအချိန် အသုံးမပြုဖို့လည်း တပ်ပေါင်းစု ထုတ်ပြန်ခဲ့ပါသေးတယ်။ ငြိမ် သက်နေတဲ့နိုင်ငံမဟုတ်ကြောင်းကို ဒင်းတို့ကိုပြသမှရမှာပါ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။