အင်းစိန်ထောင်မှာအသံတိတ်သပိတ်ပါဝင်တဲ့အကျဥ်းသားတွေနှိပ်စက်ခံနေရတယ်။အရေအတွက်ကိုတော့အတိအကျမသိရသေးဘူး။အပြင်ကပြည်သူတွေကိုတောင်စိတ်ထင်သလိုစစ်သူပုန်တွေရမ်းကားနေချိန်မှာမီဒီယာမရှိ၊လူ့အခွင့်အရေးမရှိတဲ့ထောင်ထဲကနိုင်ငံရေးအကျဥ်းသားတွေရဲ့အခြေအနေဟာမတွေးဝံစရာပဲ။ဒါတွေကိုသိလျက်နဲ့ရဲရဲဝံ့ဝံ့တိုက်ပွဲဝင်နေကြတာလေးစားဖို့ကောင်းတယ်။
စစ်ကိုင်းတိုင်းအရာတော်မြို့နယ်မှာလဲကျေးရွာတစ်ရွာမီးရှို့ခံရလို့ရွာလုံးကျွတ်နီးပါးအိမ်ခြေတစ်ရာကျော်ပါသွားတယ်။အဲ့ဒီဒေသမှာPDFတွေနဲ့တိုက်ပွဲဖြစ်တော့စစ်သူပုန်တွေကမီးရှို့မယ်လို့ကြွေးကြော်ပြီးရွာကိုဝင်စီးတာတဲ့။ဘယ်လောက်တောင်မိုက်ရိုင်းတဲ့ခွေးတွေလဲ။နိုင်ငံတနှံတလျားမှာကျေးရွာပေါင်းများစွာဟာထိုကဲ့သို့မီးရှို့ဖျက်ဆီးခံနေကြရတယ်။
ဒီဇင်ဘာ ၁၃၊ ၂၀၂၄။ (သောကြာ)
ရှမ်းမြောက်ကတော်လှန်ရေးအင်အားစုတွေရဲ့ ထိုးစစ်တွေတရုတ်ဖိအားကြောင့်ငြိမ်နေရချိန်မှာ မြန်မာနိုင်ငံတဝှမ်းစစ်ကောင်စီကိုဒေသအလိုက်တိုက်ပွဲတွေဆက်လက် ဖော်ဆောင်နေတာအားရဖို့တော့ကောင်းပါတယ်။ရှမ်းမြောက်က၁၀၂၇စစ်ဆင်ရေး ဒုတိယပိုင်းဟာစက်တင်ဘာလလောက်ကတည်းက...
