ရန်ကုန်တိုင်း၊လှိုင်သာယာမြို့နယ်မှာလမ်းဘေးကျူးကျော်နေထိုင်သူတွေအားလုံးကိုစစ်ကောင်စီကအတင်းအဓ္ဓမရွှေ့ပြောင်းခိုင်းနေတယ်။နေထိုင်သူအားလုံးနီးပါးဟာအိမ်ပိုင်မရှိတဲ့လက်လုပ်လက်စားတွေ၊ပြောင်းစရာနေရာလဲရှိမှာမဟုတ်ဘူး။သူတို့တွေဒုက္ခတော်တော်ရောက်နေကြတယ်။
စစ်ကိုင်းတိုင်းဘက်မှာတော့စစ်ကောင်စီကတပ်အင်အားတွေအဆမတန်တိုးချဲ့ထားတာကြောင့်တိုက်ပွဲတွေအနည်းငယ်ငြိမ်သက်နေတယ်။PDFတွေတပ်ဖျောက်ထားတယ်လို့ယူဆရတယ်။ဟိုတလောကပဲNUGကစစ်ကိုင်းတိုင်းဘက်ကတော်လှန်ရေးအဖွဲ့အစည်းတွေနဲ့အရေးပေါ်အစည်းအဝေးလုပ်တယ်ကြားတယ်။နောက်လထဲတော့တစ်ခုခုထူးခြားလာလိမ့်မယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...