နေရာတစ်ချို့မှာ ဗုံးပေါက်ကွဲမှုတွေဖြစ်တယ်။ ရပ်ကွက်အုပ်ချုပ်ရေးမှူးတစ်ချို့သေနတ်နဲ့ပစ်ခံရတယ်။ ဒါ ဟာ တော်လှန်ရေးအရှိန်မသေဘူးဆိုတဲ့သက်သေပဲ။ ရောဂါတွေကင်းစင်သွားရင် ပိုပြီးတော့ တော်လှန် ရေးအရှိန်မြှင့်လာကြမယ်ဆိုတာ အထူးပြောစရာမလိုတော့ပါဘူး။ မနက်ဖြန်ကျရင် ၈၈၈၈ နှစ်ပတ်လည် နေ့။ ၈၈၈၈ ရဲ့ ၃၃ နှစ်မြောက်နှစ်ပတ်လည်နေ့။ အထိမ်းအမှတ်တစ်ခုခုတော့လုပ်ကြလိမ့်မယ်။
မတ် ၀၇၊ ၂၀၂၄။ (ကြာသပတေး)
ရှမ်းမြောက်မှာညီနောင်သုံးဖွဲ့နဲ့စစ်ကောင်စီတို့အပစ်ရပ်လိုက်တာလုံးဝသေချာသလောက်ဖြစ်နေပေမယ့်လဲစစ်ကောင်စီကိုဆင်နွဲနေတဲ့တော်လှန်စစ်ကတော့နိုင်ငံအနှံမှာရှိနေဆဲပါပဲ။အထူးသဖြင့်ဒီလထဲစစ်ကိုင်းတိုင်းထဲမှာပြည်ကာကွယ်ရေးတပ်ပေါင်းစုတွေကစစ်ကောင်စီကိုနေရာအနှံမှာဆက်တိုက်ဆိုသလိုတိုက်ခိုက်နေတယ်။ကောလင်းနယ်ဘက်ကိုအရင်ပြောရမယ်ဆိုရင်ကောလင်းမြို့ကိုစစ်ကောင်စီကပြန်လည်ထိန််းချုပ်လိုက်နိုင်ပေမယ့်လဲမြို့ပတ်ဝန်းကျင်မှာPDFတွေနဲ့တိုက်ပွဲတွေဆက်လက်ဖြစ်ပွားလျက်ရှိတယ်။စစ်ကောင်စီတပ်တွေကမြို့ပတ်ဝန်းကျင်ကရွာတွေကိုစစ်ကြောင်းထိုးနေသလိုPDFတွေကလဲမြို့ထဲပြန်ဝင်နိုင်ဖို့ကြိုးစားနေတယ်။ ဒါ့အပြင်ကလေးမြို့ဘက်မှာလဲတော်လှန်ရေးပူးပေါင်းအဖွဲ့တွေကမြို့ကိုတောင်နဲ့မြောက်နှစ်ဖက်ပိတ်ပြီးညှပ်တိုက်နေတယ်။ကလေးမြို့ပြင်မှာအရင်ကစစ်သူပုန်တွေထိန်းချုပ်ထားတဲ့နေရာကိုစိုးမိုးနိုင်ဖို့ကြိုးစားနေတယ်။အတိုင်းအတာတစ်ခုအထိအောင်မြင်နေပြီးအခုဆိုရင်ကလေးမြို့ပတ်ဝန်းကျင်ကိုတော်လှန်ရေးအဖွဲ့တွေကထိန်းချုပ််နိုင်နေပြီးစစ်သူပုန်တွေကမြို့ပေါ်တွင်သာတပ်စွဲနိုင်တော့တယ်။စစ်ကိုင်းတိုင်းထဲကတော်လှန်စစ်ပွဲတွေကတော့NUGရဲ့ဦးဆောင်မှုအောက်မှာဆင်နွဲနေတာပါ။