မင်းကင်းမြို့ဝန်းကျင်မှာ ပီဒီအက်ဖ်အဖွဲ့ဝင် ၅၇ ယောက်အဖမ်းခံလိုက်ရတဲ့သတင်းက တော်တော်လေးစိတ်မ ကောင်းစရာပဲ။ မအလ အုပ်စုအတွက် ပြည်သူတွေပေးဆပ်ခဲ့ရတာအရမ်းတွေများပြားနေပြီ။ ဆုံးရှုံးလိုက်ရတဲ့ အသက်ပေါင်းလည်းမနည်းတော့ဘူး။ သူတို့ဖမ်းဆီးတာ၊ နှိပ်စက်တာ၊ ထောင်ထဲထည့်ထားတဲ့သူတွေအများ ကြီး။ ဒါ့အပြင် သူတို့ရဲ့စီမံခန့်ခွဲမှုမတတ်လို့ အောက်ဆီဂျင်ပြတ်ပြီးသေဆုံးသွားကြရတဲ့လူပေါင်းလည်းမနည်းဘူး။ အန္တရယ်ပေါင်းစုံကြားမှာ ရှင်သန်နေရတာ ခက်ခဲလိုက်တာ။
မေ ၂၄၊ ၂၀၂၃။ (ဗုဒ္ဓဟူး)
မွန်ပြည်နယ်၊ကျိုက်ထိုမြို့ကရွာပေါင်း၂၅ရွာအသုံးပြုနေတဲ့ရွာချင်းဆက်အကြမ်းဖက်စစ်တပ်ကဖျက်စီးသွားတယ်။ဒီတခေါက်ဖျက်စီးတာငါးခေါက်မြောက်ဖြစ်ပြီးညပိုင်းမှာအင်အား၆၀ခန့်နဲ့လာရောက်ဖျက်စီးသွားတာဖြစ်တယ်။မြို့ကိုနှစ်ခြမ်းခွဲချင်တဲ့ရည်ရွယ်ချက်နဲ့ဖျက်စီးသွားတာလို့ဒေသခံတွေကပြောကြတယ်။ဟိုအရင်ရက်ကလဲကော့ကရိတ်မြို့အဝင်လမ်းတွေကိုဖျက်စီးသွားသေးတယ်။ ဒါကိုကြည့်မယ်ဆိုရင်စစ်တပ်ဟာသူတို့ဆီလာမယ့်လမ်းတွေကိုပါဖျက်စီးပြီးခံစစ်ပြင်နေရပြီ။ဒါမျိုးကိုအရင်ကအင်အားနည်းတဲ့တိုင်းရင်းသားလက်နက်ကိုင်အဖွဲ့တွေဟာစစ်တပ်လာတိုက်မှာကြောက်လို့လုပ်ခဲ့ကြပေမယ့်အခုစစ်တပ်ကိုယ်တိုင်ကဒီလိုပုံစံမျိုးပြန်လုပ်နေရပြီဆိုတော့သူတို့အင်အားနည်းတာပိုမိုပေါ်လွင်လာပြီဖြစ်တယ်။
