ရန်ကုန်မြို့မှာ လူသေဆုံးနှုန်း အရင်ကထက် ၁၀ ဆမြင့်တက်လာတယ်လို့ သတင်းတွေကဖော်ပြကြ တယ်။ ဟို အကုသိုလ်တွေက မသိချင်ယောင်ဆောင်ထားတယ်။ သတင်းအမှောင်ချထားတယ်။ လူငယ် ပရဟိတသမားတွေလည်း တတ်နိုင်သမျှဝင်ကူကြရတော့တယ်။ လူမှုစီးပွားရေးပြသနာ၊ နိုင်ငံရေးပြသနာ နဲ့ ရောဂါဆိုးပြသနာတွေကြားထဲမှာ လူတွေဟာ အလူးအလှိမ့်ခံစားနေကြရတဲ့အချိန်ပဲ။ ကျွန်တော်ကိုယ် တိုင်လည်း နေမကောင်းဘူး။ ဒီအချိန်မှာ နေမကောင်းရင် ကိုဗစ်ပဲလို့ အားလုံးက ယူဆထားကြတယ်။ ဘာပဲဖြစ်ဖြစ် အကောင်းဆုံးကျော်ဖြတ်ကြဖို့ အချင်းချင်းအားပေးစကားပြောကြရတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။
