NUG ရဲ့PDF မဖြစ်မနေဖြေရှင်းရမယ့်စိန်ခေါ်မှုကြီးများ

အခုဆိုရင် NUG ဟာ စစ်အာဏာသိမ်းစ စ်တပ်ကိုလက်နက်ကိုင်တော်လှန်ဖို့ PDFကိုဖွဲ့စည်းလိုက်တာကိုအားလုံးပဲသိကြမှာပါ။ မဝေးတော့ကာလတစ်ခုမှာစစ်ကောင်စီကိုပြန်လည်တိုက်ခိုက်ဖို့ပြည်သူတွေအတွက် Standard Army တစ်ခုပေါ်ပေါက်လာဖို့ရှိနေပါပြီ။ PDFအနေနဲ့StandardArmyဖြစ်ဖို့ဖြေရှင်းရမယ့်စိန်ခေါ်မှုကြီးတွေကလည်းစောင့်ကြိုနေပါတယ်။

(၁) စစ်ဉီးစီးချုပ်ခန့်အပ်ရေး

ပထမဆုံးအနေနဲ့NUGဟာPDFအတွက်စစ်ဉီးစီးချုပ်တစ်ယောက်ခန့်အပ်နိုင်ဖို့လိုအပ်ပါတယ်။ စစ်ဉီးစီးချုပ်နေရာမှာလက်ရှိတိုက်နေတဲ့EAOခေါင်းဆောင်တွေထဲကရွှေးမလား..ကိုယ့်ဘာသာကိုယ်တစ်ယောက်တင်မလားအရင်စဉ်းစားရဖို့လိုပါတယ်။

အရှုပ်အရှင်းကင်းပြီးမြန်မြန်ဆန်ဆန်ဖြစ်အောင်NUGကသူ့လူတစ်ယောက်ကိုစစ်ဉီးစီးချုပ်ခန့်အပ်လိုက်မယ်ပဲဆိုကြပါစို့။ပြသနာကNUGမှာခုလောလာဆယ်စစ်ဉီးစီးချုပ်နေရာအတွက်အရည်အချင်းပြည့်စုံလုံလောက်တဲ့သူခုထိမတွေ့မိသေးပါဘူး။ရှိနေတယ်ပဲထားပါဉီး…NUGကတင်တဲ့သူအောက်မှာလက်ရှိEAOတွေကခေါင်းဆောင်တွေလိုလိုလားလားနဲ့ပူးပေါင်း‌ပေးဖို့မလွယ်ပါဘူး။နောက်မှပေါ်လာပြီးEAOတွေအပေါ်ကနေချင်လို့မရပါဘူး။ရှုပ်ကုန်လိမ့်မယ်။တစ်နိုင်ငံလုံးမှာPDFနဲ့EAOတွေတပြိုင်နက်စတိုက်ကြမယ်ဆိုရင်တပ်တွေအကုန်NUGရဲ့ဉီးဆောင်မှုအောက်ကပဲသွားမှာအဆင်ပြေမှာပါ။ဒီနေရာမှာစစ်ဉီးစီးချုပ်ကိုNUGကသူ့လူသူတင်တာထက်EAOခေါင်းဆောင်တွေထဲကတစ်ယောက်ရွှေးလိုက်တာပိုသင့်တော်ပါတယ်။

EAOတွေထဲကရွှေးမယ်ဆိုရင်တိုင်းရင်းသားခေါင်းဆောင်တွေအများကြီးထဲမှာမှဘယ်သူ့ကိုရွေးမလဲ။လုပ်လို့ရတာတစ်ခုတော့ရှိတယ်။EAOတွေကိုအကုန်သေချာစုပြီးတပ်ပေါင်းစုအနေနဲ့တိုင်းတွေတွဲလို့ရအောင်သေချာညှိ..နိုင်ငံရေးသဘောတူညီချက်တွေအကုန်ချပြပြီးသဘောတူမှအီးအေအိုတွေအကုန်လုံးပါဝင်တဲ့အစည်းအဝေးကိုNUGကစုဖွဲ့ပြီးသဘောတူသူတစ်ယောက်ကိုတင်မြှောက်မှရမယ်။အချိန်တော့ကြာသွားနိုင်တယ်။ခုရှုပ်မှနောင်ရှင်းပေါ့။

အဲ့လိုမှမဟုတ်ပဲအချိန်လည်းမရဘူး၊EAOတွေထဲကခေါင်းဆောင်တစ်‌ယောက်လဲရွေးမရဘူးဆိုရင်တော့နောက်ဆုံးPDFကသပ်သပ်၊EAOတွေကသပ်သပ်ညှိနှိုင်းပြီးတိုက်ကြရမှာပဲ။စစ်အာဏာရှင်ကိုအမြစ်ဖြတ်ဖို့ကအဓိကမဟုတ်လား။ Chief of Command တော့ပျောက်ဆုံးသွားမှာပေါ့။

(၂ ) လက်နက်ရရှိနိုင်မှုနှင့်ရန်ပုံငွေအခြေအနေ

PDFဖွဲ့စည်းလိုက်ပြီဆိုကတည်းကလေးခွတွေ၊လောက်စလုံးတွေနဲ့တိုက်လို့မရပါဘူး။သေနတ်တွေ၊ကျည်ဆံတွေ၊လက်နက်ကြီးလက်နက်ငယ်မျိုးစုံလိုလာပါပြီ။ခုဆိုစစ်ကောင်စီကလေယာဉ်တွေရဟတ်ယာဉ်တွေလှိုင်လှိုင်သုံးလာတော့လေယာဉ်ပစ်လက်နက်တွေပါဝယ်ရတော့မှာပါ။

အဲ့ဒီလက်နက်တွေအစုလိုက်အပုံလိုက်ဘယ်ကရမှာလဲ ? ဘယ်နိုင်ငံကတရားဝင်ရောင်းမှာလဲ ?

လက်နက်တွေတရားဝင်ဝယ်ဖို့ဆိုတာNUGကိုနိုင်ငံတကာကတရားဝင်ထောက်ခံထားဖို့လိုပါတယ်။ခုလောလောဆယ်NUGကိုတရားဝင်အသိအမှတ်ပြုထားတာဥရောပကချက်သမ္မတနိုင်ငံတစ်ခုထဲရှိပါသေးတယ်။ အဲ့ဒီတော့NUGအနေနဲ့လက်နက်တွေတရားဝင်ဝယ်နိုင်စွမ်းမှာရုန်းကန်ရနိုင်ပါတယ်။လုံးဝအဆင်မပြေနိုင်ဘူးလို့တော့မဆိုလိုပါဘူး။တရားဝင်လမ်းကြောင်းတွေကလောလောဆယ်မလွယ်သေးရင်တရားမဝင်လမ်းကြောင်းပေါင်းများစွာတော့ရှိပါသေးတယ်။ဒါပေမယ့်ရေရှည်မှာတော့တရားဝင်ဝယ်ခွင့်ရှိမှအဆင်ပြေမှာပါ။

လက်နက်ဝယ်ဖို့လမ်းကြောင်းတစ်ခုခုအဆင်ပြေသွားပြီဆိုရင်နောက်ထပ်မဖြစ်မနေလိုအပ်တာကငွေကြေးပါ။

စစ်ပွဲတစ်ပွဲတိုက်ပြီဆိုရင်ဒေါ်လာသန်းရာနဲ့ချီပြီးကုန်ကျပါမယ်။အရင်လတွေကCRPHအနေနဲ့အလှူခံတုန်းကတောင်တစ်လဒေါ်လာသန်း၂၀လောက်အသုံးစားရိတ်လိုတယ်လို့ပြောခဲ့ဖူးပါတယ်။ခုလက်ရှိပြည်တွင်းကအခြေအနေတွေအရဒီစစ်ပွဲဟာတပတ်နှစ်ပတ်၊တလနှစ်လနဲ့ပီးသွားမှာမဟုတ်ပါ။အနည်းဆုံးလနဲ့ချီ၊ကံမကောင်းရင်နှစ်နဲ့ချီပြီးတိုက်ရမှာပါ။စစ်ပွဲဟာနှစ်ပေါက်လာရင်ကုန်ကျစားရိတ်ကဘီလီယံချီလာပါမယ်။NUGမှာအဲ့ဒီလောက်ငွေပမာဏအများကြီးရှိမှာမဟုတ်ပါဘူး။ပြည်ပရောက်မြန်မာတွေလစဥ်ပုံမှန်လှူရင်တောင်ဘက်ဂျက်ပြသာနာကိုဖြေရှင်းဖို့မလွယ်ကူပါဘူး။ဒီကိစ္စဟာNUGအနေနဲ့အတော်ခေါင်းစားရမယ့်ကိစ္စပါ။

မြင်သာတဲ့ဖြေရှင်းနည်းကတော့USကထိန်းသိမ်းထားတဲ့1Bကိုရအောင်ပြန်တောင်းဖို့လိုပါမယ်။NUGကိုထောက်ခံတဲ့နိုင်ငံတွေဆီကငွေကြေးအကူအညီကိုရအောင်ကြိုးစားသင့်ပါတယ်။လက်နက်ရောငွေကြေးမှာပါအောက်လမ်းကရနိုင်မယ့်အကူအညီတွေလဲရှိနိုင်ပါတယ်။ကျိန်းသေတာတစ်ခုကတော့ဒီအချက်နဲ့ပတ်သက်ပြီးNUGအနေနဲ့ရေရှည်စီမံကိန်းတစ်ခုမဖြစ်မနေရှိရမယ်ဆိုတာပါပဲ။

(၃) PDF ကိုလက်နက်တင်ပို့ရန်လမ်းကြောင်းအနေအထား

ပိုက်ဆံလည်းရှိပြီ၊လက်နက်တွေလည်း အလွယ်တကူဝယ်လို့ရပြီဆိုရင်တောင်NUGအနေနဲ့ဒီအချက်ကိုဘယ်လိုကျော်လွှားမလဲ?

ပုံမှန်အခြေအနေမှာဆိုရင်ဒီလက်နက်တွေနယ်စပ်ဖြတ်ကျော်ြပီးပြည်တွင်းကိုသွင်းဖို့၊PDFဆီရောက်ဖို့အိမ်နီချင်းနိုင်ငံတစ်ခုရဲ့အကူအညီကိုလိုပါတယ်။ဗကပတွေတော်လှန်ရေးလုပ်တုန်းကတရုတ်နယ်စပ်ကသွင်းခဲ့တယ်။KNUတုန်းကလဲယိုးဒယားကကူညီပေးခဲ့တယ်။အခုလည်းကုန်းလမ်းကြောင်းနယ်စပ်တစ်ခုခုကနေအကော်အထည်ဖော်မှရမယ့်အနေအထားပါ။(ရေလမ်းကြောင်းကဆိုရင်တော့အမေရိကန်ရေတပ်သင်းဘောတွေနဲ့မြိတ်၊ထားဝယ်ဆိပ်ကမ်းတွေမှာကပ်ပြီးလာချပေးမှရမယ်)

စိတ်မကောင်းစရာကအားလုံးသိကြတဲ့အတိုင်းအိမ်နီးချင်းငါးနိုင်ငံလုံးကကိုယ်တွေဘက်မှာတစ်နိုင်ငံမှမရှိပါ။

တရုတ်နဲ့လာအိုကလုံးဝထည့်တွက်စရာမလိုဘူး၊ကွန်မြူနစ်အာဏာရှင်နိုင်ငံတွေ။ထိုင်းကလဲခုလက်ရှိအာဏာရှင်တပိုင်းဖြစ်နေပြီ။အိန္ဒိယကထင်မထားပဲနှာစေးနေတယ်။ဘင်္ဂလားဒေ့ရှ်ကအစောကတည်းကရိုဟင်ဂျာကိစ္စနဲ့သိပ်အဆင်ပြေတာမဟုတ်ဘူး။အဲ့ဒီတော့ဘယ်အပေါက်ကသွင်းမလဲ။လွတ်မြောက်နယ်မြေတွေပေါ်မှာC130တွေနဲ့လေထီးတွေနဲ့လာချပေးမှာလား။သွင်းရမယ့်လက်နက်တွေကလဲသေနတ်တွေချည်းမဟုတ်ဘူး။PDFရဲ့တပ်ဖွဲ့စည်းပုံမှာအမြောက်တပ်တွေပါပါတယ်လို့ကြေငြာသွားတယ်ဆိုတော့လက်နက်ကြီးတွေပါပါလာမှာ။နယ်စပ်လမ်းကြောင်းတစ်ခုတည်းကပဲအဆင်ပြေနိုင်လိမ့်မယ်။

ဒီကိစ္စကိုဖြေရှင်းဖို့အတွက်နိုင်ငံတကာအကူအညီယူရပါလိမ့်မယ်။အထူးသဖြင့်အမေရိကန်ဆီကပေါ့။အမေရိကန်လိုနိုင်ငံမျိုးကတဆင့်အိမ်နီးချင်းနိုင်ငံတွေကိုနယ်စပ်ဖြတ်ကျော်တင်သွင်းခွင့်ပေးဖို့တောင်းဆိုရမယ်။အိန္ဒိယနဲ့ထိုင်းကိုချဉ်းကပ်ရပါမယ်။ဘင်္ဂလားဒေ့ရှ်ကိုလဲရိုဟင်ဂျာကိစ္စအပေးအယူလုပ်ပြီးအကူအညီတောင်းနိုင်လောက်တယ်။ဒါပေမယ့်လက်ရှိကမ္ဘာ့နိုင်ငံရေးအခြေအနေအရပေါ်ပေါ်ထင်ထင်ကူညီနိုင်ဖို့မလွယ်ပါဘူး။အလွန်ဆုံးလျို့ဝှက်သဘောတူညီမှုလောက်ပဲမျှော်မှန်းလို့ရမှာပါ။အနောက်အုပ်စုကစိတ်ပါလက်ပါမဆောင်ရွက်ပေးရင်NUGပိုမိုရုန်းကန်ရနိုင်ပါတယ်။

(၄) NO FLY ZONE

အကြမ်းဖက်စစ်တပ်နဲ့PDFတို့တိုက်ပွဲတွေဖြစ်လာပြီဆိုရင် no fly zone လိုလာပါလိမ့်မယ်။

PDFအနေနဲ့ပုံမှန်အခြေအနေမှာစိတ်ဓာတ်ပျက်ပြားနေပြီးအရည်အချင်းကျဆင်းနေတဲ့အကြမ်းဖက်စစ်တပ်ကိုယှဉ်တိုက်နိုင်တယ်ဆိုတာယုံကြည်ပီးသားပါ။ဒါပေမဲ့စစ်တပ်ဖက်ကလေကြောင်းပစ်ကူပါလာရင်အခက်အခဲတွေရှိလာနိုင်ပါတယ်။အခုတောင်ပြောက်ကျားတိုက်နေတဲ့ပြည်သူတပ်ဖွဲ့လေးတွေကိုလေကြောင်းပစ်ကူသုံးနေတာအားလုံးအသိပါ။PDFမှာလေယာဉ်ပစ်လက်နက်တွေရှိလာရင်တောင်ရဟတ်ယာဉ်လောက်ကိုပဲပစ်ချလို့ရမှာပါ။စစ်တပ်ကတိုက်လေယာဉ်တွေကိုပစ်ချနိုင်ဖို့ဆိုရင်အဆင့်မြင့်လေယာဉ်ပစ်ဒုံးကျည်တွေလိုပါတယ်။ဈေးလဲကြီးသလိုငွေရှိရင်တောင်ဝယ်နိုင်ဖို့မလွယ်ကူပါဘူး။အဲ့ဒီအချိန်မှာ no fly zone လိုလာပါလိမ့်မယ်။ no fly zone မရှိရင်တော်လှန်ရေးမှာအထိခိုက်အကျအရှုံးများပါလိမ့်မယ်။အချိန်လည်းအများကြီးပိုကြာသွားနိုင်ပါတယ်။

နိုင်ငံတကာမှာ no fly zone ဆိုတာလုံခြုံရေးကောင်စီကအတည်ပြုပေးရတာပါ။လစ်ဗျားမှာတောင် no fly zone ကိုUNကသတ်မှတ်ပေးတာပါ။အကြမ်းဖက်စစ်တပ်ကိုလက်နက်ပိတ်ဆို့ဖို့တောင်မလုပ်ပေးနိုင်တဲ့ခုလိုအချိန်မှာလုံခြုံရေးကောင်စီကိုအားကိုးနေလို့မရပါဘူး။UNလမ်းကြောင်းကအဆင်မပြေဘူးဆိုရင်ရွေးချယ်စရာတခြားမရှိပဲUSကိုသာချဉ်းကပ်ရပါလိမ့်မယ်။USအနေနဲ့မြန်မာ့ကမ်းလွန်မှာလေယာဉ်တင်သင်းဘောတစ်စီးအထိုင်ချပြီးတက်လာသမျှစစ်ကောင်စီရဲ့လေယာဉ်တွေကိုပစ်ချပေးနိုင်ပါတယ်။အဲ့ဒါကတော့USနဲ့ပဲတိုက်ရိုက်သက်ဆိုင်သွားပါပြီ။သူမကူညီပေးချင်ရင်ဘာမှလုပ်လို့မရပါဘူး။ဒါကြောင့်လည်းNUGကမတ်လကုန်လောက်ထဲကno fly zoneကို စကားဉီးသန်းထားတာပါ။ခုချိန်ထိလဲဆက်တိုက်တောင်းဆိုလျက်ရှိပါတယ်။ no fly zone ကတော့ NUG

ရဲ့လုပ်ပိုင်ခွင့်နယ်ပယ်ကိုကျော်ြပီးနိုင်ငံတကာရဲ့ကူညီနိုင်မှုပေါ်မှာတိုက်ရိုက်မူတည်နေတဲ့အတွက်အခက်အခဲဆုံးအပိုင်းဖြစ်လာနိုင်ပါတယ်။

ဖော်ပြပါအချက်အလက်တွေဟာထင်သာမြင်သာရှိပြီးNUGရဲ့PDFအနေနဲ့မဖြစ်မနေဖြေရှင်းရမယ့်စိန်ခေါ်မှုကြီးတွေဖြစ်ပါတယ်။NUGအနေနဲ့လဲဒီအချက်တွေကိုကြိုတင်စဉ်းစားထားပြီးဖြစ်မှာပါ။အခုချိန်မှာပြည်သူတွေရဲ့မျှော်လင့်ချက်တွေဟာNUG/PDFအပေါ်မှာမူတည်နေတာမို့အခက်အခဲတွေကိုဝိုင်းဝန်းအဖြေရှာလို့ရအောင်တင်ပြလိုက်ရခြင်းဖြစ်ပါတယ်။

GENERATION Y (3.6.2021)