ဆိုရှယ်မီဒီယာတွေမှာတော့ဒီလကစပြီးတော်လှန်ရေးကိုအရှိန်မြှင့်မယ်လို့ပြောဆိုနေကြတယ်။အင်တာနက်လိုင်းတွေပြီးခဲ့တဲ့လကတည်းကပြန်ဖွင့်ပေးလိုက်တော့တော်တော်များများလဲလိုင်းပေါ်ပြန်ရောက်နေကြပြီ။ မဖွင့်ပေးလို့လဲမရတော့ဘူးလေ။ အင်တာနက်မရှိတော့စီပွားရေးတွေအကုန်ရပ်ဆိုင်းကုန်တယ်။
ဒီနေ့မန္တလေးမှာစစ်သူပုန်တွေတပ်စွဲထားတဲ့နေရာတွေကိုပစ်ခတ်မှုတွေစတင်ဖြစ်ပွားလာတယ်။အရင်ဒါမျိုးကရန်ကုန်မှာပဲဖြစ်လေ့ဖြစ်ထရှိတာ။အခုမန္တလေးကိုကူးစက်သွားပီဆိုတော့လူတွေပြောသလိုတော်လှန်ရေးဟာတကယ်ပဲအရှိန်မြှင့်လာပြီလား။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...